Tejashwi Yadav FIR : लाडकी माई योजनेमध्ये झाला मोठा घोटाळा? फसवणूक प्रकरणी तेजस्वी यादव यांच्यावर FIR दाखल

ऐन निवडणुकीच्या तोंडावर आता तेजस्वी यादव यांच्या अडचणींमध्ये वाढ झाली आहे. दरभंगा जिल्ह्यात तक्रार दाखल झाल्यानंतर गुन्हा दाखल झाला आहे.

Tejashwi Yadav FIR : पटना : बिहारमध्ये लवकरच विधानसभा निवडणूका होणार असून राजकीय हालचालींना वेग आला आहे. आगामी निवडणुकांमुळे राजकीय नेत्यांचे आरोप प्रत्यारोप वाढले आहेत. ऐन निवडणुकीच्या तोंडावर आता तेजस्वी यादव यांच्या अडचणींमध्ये वाढ झाली आहे. दरभंगा जिल्ह्यातील सिंहवाडा पोलीस ठाण्यात राष्ट्रीय जनता दल (राजद) नेते आणि बिहारचे माजी उपमुख्यमंत्री तेजस्वी यादव यांच्यासह महाआघाडीच्या चार नेत्यांविरुद्ध एफआयआर दाखल करण्यात आला आहे.

बिहारच्या राजकारणात खळबळ उडालेली एक नवीन घटना समोर आली आहे. बिहारचे माजी उपमुख्यमंत्री तेजस्वी यादव यांच्याविरोधात एफआयआर दाखल करण्यात आला आहे. माई बहन योजनेअंतर्गत महिलांकडून २०० रुपये वसूल केल्याच्या आणि त्यांच्या वैयक्तिक कागदपत्रांचा गैरवापर केल्याच्या कथित प्रकरणाशी संबंधित ही घटना असल्याची माहिती समोर आली आहे.

राजकीय बातम्या वाचण्यासाठी क्लिक करा 

एफआयआर कोणी केला दाखल?

बिहारमधील वॉर्ड क्रमांक ७ मधील रहिवासी गुडिया देवी नावाच्या महिलेने या प्रकरणात एफआयआर दाखल केला आहे. तिने आरोप केला आहे की तिला माई बहन योजनेच्या नावाखाली २५०० रुपयांच्या सरकारी मदतीचे आमिष दाखवण्यात आले. यासाठी तिच्या आणि इतर महिलांकडून २०० रुपये घेण्यात आले. तसेच आधार कार्ड, बँक खाते क्रमांक आणि मोबाईल क्रमांक देखील घेण्यात आला, ज्याचा गैरवापर झाला असावा.

कोणत्या नेत्यांविरुद्ध एफआयआर दाखल करण्यात आला?

या प्रकरणात ज्या नेत्यांविरुद्ध एफआयआर दाखल करण्यात आला आहे. यामध्ये प्रमुख नेत्यांची नावे घेण्यात आली आहेत. एफआयआरमध्ये बिहार विधानसभेचे विरोधी पक्षनेते तेजस्वी यादव, राज्यसभा खासदार संजय यादव, माजी आमदार आणि राजद नेते ऋषी मिश्रा आणि माजी काँग्रेस उमेदवार मस्कूर अहमद उस्मानी यांचा समावेश आहे. माध्यमांमधील वृत्तांवर विश्वास ठेवायचा असेल तर, सिंहवाडा पोलिस स्टेशन प्रभारी बसंत कुमार यांनी एफआयआरला दुजोरा दिला आणि सांगितले की महिलेच्या अर्जाच्या आधारे गुन्हा दाखल करण्यात आला आहे. आता या प्रकरणात वरिष्ठ अधिकाऱ्यांच्या सूचनेनुसार कारवाई केली जाईल.

महाराष्ट्रसंबंधित बातम्या वाचण्यासाठी क्लिक करा

राजकीय परिणाम आणि संभाव्य कारवाई

येत्या काही दिवसांत बिहारच्या राजकारणात हा विषय मोठा मुद्दा बनू शकतो, विशेषतः निवडणुकीच्या वातावरणात जेव्हा तेजस्वी यादव राज्यभर अधिकार यात्रा काढत आहेत. जर आरोपांची पुष्टी झाली तर ते महाआघाडीची प्रतिमा खराब करू शकते. सध्या, पोलिस या प्रकरणाची चौकशी करत आहेत.

माई बहेन योजना म्हणजे काय?

माई बहेन योजना ही राष्ट्रीय जनता दलाने जाहीर केलेली प्रस्तावित योजना आहे, जी तेजस्वी यादव यांनी २०२५ च्या बिहार विधानसभा निवडणुकीपूर्वी प्रचारित केली होती. तिचा उद्देश राज्यातील आर्थिकदृष्ट्या कमकुवत महिलांना मासिक २५०० रुपयांची मदत देणे आणि त्यांना आर्थिकदृष्ट्या स्वावलंबी बनवणे हा होता. सरकारी कागदपत्रांमध्ये ही योजना अद्याप योग्यरित्या लागू केलेली नसली तरी, तिच्या नावाने कथित वसुलीमुळे वाद निर्माण झाला आहे.