Ladki Bahin Yojana: लाडक्या बहिणींची चिंता वाढली! अपात्र ठरलेल्या ९१ लाख महिलांची पुन्हा होणार पडताळणी

Ladki Bahin Yojana: प्राथमिक पडताळणीत योजनेसाठी अपात्र ठरलेल्या सुमारे ९१ लाख महिलांच्या कागदपत्रांची आणि अर्जांची पुन्हा एकदा बारकाईने फेरतपासणी केली जाणार आहे. अनुसूचित जाती (SC) आणि नवबौद्ध प्रवर्गातील लाभार्थी महिलांच्या पात्रतेचीही सखोल पडताळणी करण्याच्या सूचना विभागाला देण्यात आल्या आहेत.

• योजनेतून अपात्र ठरलेल्या ९१ लाख महिला लाभार्थ्यांच्या अर्जांची फेरतपासणी होणार.
• मंगळवारपासून पात्र लाभार्थी महिलांच्या बँक खात्यात डीबीटी (DBT) द्वारे पैसे जमा.
• अनुसूचित जाती व नवबौद्ध प्रवर्गातील महिलांच्या पात्रतेचीही स्वतंत्र पडताळणी करण्याचे निर्देश.

Ladki Bahin Yojana Re Verification :  राज्य सरकारची महत्त्वाकांक्षी योजना असलेल्या ‘मुख्यमंत्री माझी लाडकी बहीण योजने’संदर्भात महत्त्वाची माहिती समोर आली आहे. या योजनेअंतर्गत लाभ घेणाऱ्या महिलांची पुन्हा एकदा पडताळणी केली जाणार असल्याची माहिती समोर आली आहे. यामुळे लाडक्या बहिणींची चिंता पुन्हा वाढणार आहे.

लाडक्या बहिणींची पुन्हा पडताळणी

यासंदर्भात महिला आणि बाल विकास विभागाला आवश्यक ती कार्यवाही करण्याचे निर्देश देण्यात आल्याची माहिती समोर आली आहे. त्यामुळे लाभार्थी महिलांची कागदपत्रे, पात्रतेचे निकष तसेच योजनेचा लाभ घेण्यासाठी आवश्यक अटींची फेरतपासणी होण्याची शक्यता आहे. मात्र, याबाबत राज्य सरकारकडून अद्याप अधिकृत घोषणा किंवा सविस्तर माहिती देण्यात आलेली नाही.

Asaduddin Owaisi on Hijab: ‘हिजाब डोक्यावर घालतात, मेंदूवर नाही’; हायकोर्टाच्या निर्णयावर असदुद्दीन ओवैसींचा तीव्र आक्षेप

मिळालेल्या माहितीनुसार, लाडकी बहीण योजनेत झालेल्या पडताळणीदरम्यान आधीच या योजनेतील ९१ लाख लाभार्थी महिला अपात्र ठरवण्यात आले आहे. या योजनेतील अपात्र ठरवण्यात आलेल्या या ९१ लाख लाभार्थी महिलांची पुन्हा एकदा तपासणी करण्याचे निर्देश देण्यात आल्याची माहिती आहे. विशेष म्हणजे अनुसूचित जाती आणि नवबौद्ध प्रवर्गातील लाभार्थी महिलांच्या पात्रतेचीही पडताळणी करण्याच्या सूचना देण्यात आल्या आहेत.

जुलैचा १,५०० रुपयांचा हप्ता खात्यात जमा

दरम्यान, मुख्यमंत्री माझी लाडकी बहीण योजनेच्या जुलै महिन्याच्या १,५०० रुपयांच्या हप्त्याचे वितरण सुरू झाले आहे. मंगळवारपासून पात्र लाभार्थी महिलांच्या बँक खात्यांमध्ये हा निधी थेट लाभ हस्तांतरण (DBT) प्रणालीद्वारे जमा केला जात आहे.

रक्षाबंधनाच्या पार्श्वभूमीवर महायुती सरकारकडून लाडक्या बहिणींना ही भेट असल्याचे सांगण्यात येत आहे. त्यामुळे अनेक लाभार्थी महिलांना दिलासा मिळाला आहे. मात्र, एकीकडे जुलैचा हप्ता खात्यात जमा होत असताना दुसरीकडे लाभार्थींची फेरपडताळणी होण्याची शक्यता व्यक्त होत असल्याने महिलांमध्ये उत्सुकतेसोबतच काही प्रमाणात चिंता निर्माण झाली आहे.

ई-केवायसी न केल्याने ६२ लाख नावे वगळली

मुख्यमंत्री माझी लाडकी बहीण योजना सुरू झाली तेव्हा राज्यातील सुमारे २ कोटी ४७ लाख महिला लाभार्थी होत्या. मात्र, काही महिन्यांनंतर सरकारकडून लाभार्थी महिलांची ई-केवायसी आणि इतर पडताळणी प्रक्रिया सुरू करण्यात आली. सरकारने लागू केलेल्य अटीशर्थींमुळे पडताळणीनंतर लाभार्थी संख्येत मोठी घट झाली .

मुंबईच्या आमदारांनी किती केले काम? रिपोर्ट कार्ड जाहीर; काँग्रेसचे आमदार अव्वल, तर शिंदेंच्या आमदाराची सर्वांत

लाभार्थी महिलांसाठी ई-केवायसी प्रक्रिया अनिवार्य करण्यात आली होती. या प्रक्रियेदरम्यान अनेक महिलांनी निर्धारित वेळेत ई-केवायसी पूर्ण केली नाही. त्यामुळे सुमारे ६२ लाख महिलांची नावे लाभार्थी यादीतून वगळण्यात आल्याची माहिती आहे. याशिवाय इतर कारणांमुळेही लाभार्थींच्या संख्येत घट झाली आहे.

आता 1 कोटी 65 लाख महिला पात्र

ई-केवायसी आणि इतर पडताळणी प्रक्रियेनंतर मुख्यमंत्री माझी लाडकी बहीण योजनेतील लाभार्थी महिलांची संख्या सुमारे 1 कोटी 65 लाखांवर आली आहे. म्हणजेच योजना सुरू झाल्यापासून लाभार्थी संख्येत जवळपास 92 लाखांची घट झाली आहे.

सरकारकडून लाभार्थी यादीची छाननी आणि पडताळणी करण्यात आल्यानंतर पात्र महिलांनाच योजनेचा लाभ दिला जात आहे. त्यामुळे योजनेचा जुलैचा हप्ता कोणाला मिळणार आणि कोणाचे नाव यादीतून वगळले जाणार, याकडे महिलांचे लक्ष लागले आहे.