Prashant Padole Accident : काँग्रेस खासदार डॉ. प्रशांत पडोळे यांचा भीषण अपघात; एअरबॅग उघडल्या नाहीच अन्..

Prashant Padole Accident News : नागपूर एअरपोर्टच्या दिशेने प्रवास करताना खासदार डॉ. प्रशांत पडोले यांच्या चारचाकी गाडीचा अपघात झाला. सुदैवाने यामध्ये खासदार डॉ. प्रशांत पडोले हे किरकोळ जखमी झाले आहेत.

• काँग्रेस खासदार डॉ. प्रशांत पडोळेंचा अपघात
• नागपूर एअरपोर्टवर जाताना अपघात
• रस्त्यांच्या सुरक्षेचा प्रश्न ऐरणीवर

Prashant Padole Accident News : भंडारा : भंडाऱ्याचे काँग्रेस खासदार डॉ. प्रशांत पडोळे यांच्या गाडीचा भीषण अपघात (Accident News) झाला आहे. नागपूर एअरपोर्टच्या दिशेने प्रवास करताना खासदार डॉ. प्रशांत पडोळे यांच्या चारचाकी गाडीचा अपघात झाला. सुदैवाने यामध्ये खासदार डॉ. प्रशांत पडोळे हे किरकोळ जखमी झाले आहेत. उपचारासाठी त्यांना खाजगी रुग्णालयामध्ये दाखल करण्यात आले आहे. मात्र यामुळे पुन्हा एकदा राजकीय नेत्यांच्या सुरक्षेचा आणि सतत होत असलेल्या अपघातांचा प्रश्न ऐरणीवर आला आहे. (Political News)

 

काँग्रेस खासदार डॉ. प्रशांत पडोळे आपल्या कारने नागपूर एअरपोर्टच्या दिशेने चालले असताना हा अपघात झाला. अपघातात काँग्रेस खासदारांसह त्यांचा ड्रायव्हर जखमी झाला आहे. सध्या दिल्लीमध्ये संसदेचं अधिवेशन सुरु आहे. त्यात सहभागी होण्यासाठी डॉ. प्रशांत पडोळे चालले होते. यामुळे नागपूर एअरपोर्टच्या दिशेने ते चारचाकीने चालले होते. मात्र त्यांच्या गाडीचा अपघात झाला. आश्चर्याची बाब म्हणजे यापूर्वी देखील 2025 मध्ये खासदार प्रशांत पडोळे यांच्या गाडीचा अपघात झाला होता. त्यावेळी सुद्धा सुदैवाने त्यांचे प्राण वाचले होते.

हे देखील वाचा : Rupali Chakankar Arrest Demand: रुपाली चाकणकरांना अटक होणार?

आज सोमवारी (30 मार्च) सकाळी आपल्या कारने नागपूर एअरपोर्टच्या दिशेने निघाले होते. एअरपोर्ट मार्गावर असताना एका ट्रकने त्यांच्या कारला धडक दिली. त्यांनी आपल्या एक्स अकाऊंटवरुन या अपघाताची माहिती दिली. त्यांनी केंद्रीय मंत्री नितीन गडकरी यांना टॅग केलं. “खासदार सुरक्षित नाही, तिथे जनतेचं काय होणार?. आज दिल्लीला जायचं होतं. सकाळी भंडाऱ्यावरुन खासगी कार घेऊन नागपूर एअरपोर्टच्या दिशेने निघालो होतो. नागपूर जवळ असताना ट्रकने जोरदार धडक दिली. मला कुठे लागलं नाही. पण कारचं नुकसान झालं” असे त्यांनी एक्सपोस्टमध्ये लिहिले आहे.

See more

सांसद नहीं सुरक्षित.
जनता का क्या होगा? आज दिल्ली के लिए निकलना था, सुबह भंडारा से निजी कार से नागपूर एयरपोर्ट पर जाना था.
नागपूर के करीब ट्रक वाले ने जोरदार टक्कर दी. कार क्षतिग्रस्त हुई पर मुझे कही लगा नहीं लेकिन कार का नुकसान हुआ.
मा @nitin_gadkari कार कंपनी को सख्त pic.twitter.com/BXb0YkLMDL — Dr Prashant Padole (@_Prashantpadole) March 30, 2026

हे देखील वाचा : “राष्ट्रवादीच्या दैवताना डावलून स्वतःच देव बनण्याचा…”, नाव न घेता अमोल मिटकरींचा कोणाला इशारा?

अपघातानंतर खासदार डॉ. प्रशांत पडोळे यांच्या कारमधील एअर बॅग उघडली नाही, असा धक्कादायक दावा देखील त्यांनी केला आहे. याबाबत देखील त्यांनी प्रश्चचिन्ह उपस्थित केलं. त्यांनी एक्सवर नुकसानग्रस्त कारचा फोटो शेअर केला. अपघातानंतर एअरबॅग उघडली पाहिजे होती. पण माझ्यासोबत असं झालं नाही असं त्यांनी लिहिलंय. किरकोळ दुखापत झाल्यानंतर खासदार प्रशांत पडोळे एका दुचाकीची लिफ्ट घेऊन नागपूरला पोहोचले. तिथे प्राथमिक उपचार घेतल्यानंतर नागपूर विमान तळावर पोहोचले आणि दिल्लीला रवाना झाले. विशेष म्हणजे याच मार्गावर यापूर्वीही दोनदा अपघात झाल्याने हा तिसरा प्रसंग ठरला आहे. वारंवार होणाऱ्या अशा घटनांमुळे सुरक्षेचा मुद्दा ऐरणीवर आला आहे.