Satara Politics: सातारा पोलीस अधीक्षक तुषार दोषी सक्तीच्या रजेवर? जिल्हा परिषद ‘अपहरण नाट्या’चे पडसाद

वरिष्ठ पातळीवरून म्हणजेच पोलीस महासंचालकांकडून याबाबत त्यांना अर्जित रजेच्या आड पडद्याने या प्रकरणाची राजकीय हवा जाईपर्यंत सुट्टीवर पाठवण्यात आल्याची चर्चा आहे.

• साताऱ्याचे पोलीस अधीक्षक तुषार दोषी हे सक्तीच्या रजेवर
• सातारा जिल्हा पोलीस दलाचा कार्यभार अतिरिक्त पोलीस अधीक्षक वैशाली कडूकर यांच्या हाती

Satara Politics: सातारा जिल्हा परिषदेच्या अपहरण नाट्य मध्ये निलंबन प्रस्तावामुळे चर्चेच्या केंद्रस्थानी असलेले साताऱ्याचे पोलीस अधीक्षक तुषार दोषी हे सक्तीच्या रजेवर गेल्याने हे प्रकरण त्यांना भोवल्याची राजकीय वर्तुळात चर्चा आहे. प्रत्यक्षात दिनांक 6 एप्रिल पर्यंत पोलिस अधीक्षक दोषी यांनी अर्जित रजा टाकल्याची माहिती पोलीस सूत्रांच्या वतीने देण्यात आली आहे.

Pimpri- Nigdi Metroसाठी आनंदाची बातमी! टिळक चौकात चौथे स्टेशन मंजूर; ५५ टक्के काम पूर्ण

त्यामुळे सध्या सातारा जिल्हा पोलीस दलाचा कार्यभार अतिरिक्त पोलीस अधीक्षक वैशाली कडूकर यांच्या हाती सोपवण्यात आला आहे. सातारा जिल्हा परिषदेच्या अध्यक्ष व उपाध्यक्ष पदाच्या निवडीमध्ये भाजपने पोलीस बळाचा वापर करून राष्ट्रवादीच्या जिल्हा परिषद सदस्यांना अटक करण्यास भाग पाडले. त्यामुळे भाजप सत्तेत येऊन राष्ट्रवादी व शिवसेनेचे संख्या बळ कमी पडले. या गोंधळ नाट्याचे थेट विधान परिषदेमध्ये पडसाद उमटून सातारा जिल्हा पोलिसांच्या कार्यपद्धतीवर प्रचंड टीका झाली. या प्रकरणांमध्ये पोलीस अधीक्षक तुषार दोशी यांना निलंबित करण्याचे आदेश विधान परिषदेच्या उपसभापती नीलम गोऱ्हे यांनी दिले. मात्र मुख्यमंत्री देवेंद्र फडणवीस यांनी विधिमंडळाची कार्यकारी समिती चौकशी करेल असे सांगून सातारा पोलीस अधीक्षकांचा बचाव केला.

हॉटेल चालकांनो सावधान ! गॅस टंचाईच्या नावाखाली ग्राहकांकडून जादा पैसे घेणं पडणार

या एकूणच घडामोडींच्या पार्श्वभूमीवर सोमवारी सकाळी तुषार दोशी हे अचानक रजेवर गेल्याने सक्तीच्या रजेची चर्चा सुरू झाली. वरिष्ठ पातळीवरून म्हणजेच पोलीस महासंचालकांकडून याबाबत त्यांना अर्जित रजेच्या आड पडद्याने या प्रकरणाची राजकीय हवा जाईपर्यंत सुट्टीवर पाठवण्यात आल्याची चर्चा आहे. पुणे येथील वैद्यकीय चाचणी सत्र पार पाडल्यानंतर तुषार दोशी पुन्हा कामावर हजर झाले त्याचबरोबर त्यांनी पालकमंत्र्यांसमवेत काही बैठकांना उपस्थिती सुद्धा लावली होती. मात्र अचानक झालेल्या रजा प्रकरणाचा संबंध सातारा जिल्हा परिषदेमध्ये झालेल्या राजकीय राड्याशी जोडला जात आहे. मात्र सातारा पोलिसांच्या अधिकृत सूत्रांनी या चर्चांचे खंडन केले असून याबाबतचे परिपत्रक जाहीर केले आहे .या परिपत्रकानुसार दिनांक 6 एप्रिल पर्यंत पोलिस अधीक्षक तुषार दोशी हे 6 एप्रिल पर्यंत अर्जित रजेवर असून तोपर्यंत सातारा जिल्हा पोलीस दलाचा कार्यभार अतिरिक्त पोलीस अधीक्षक डॉक्टर वैशाली कडूकर या सांभाळणार आहेत .