Harshvardhan Sapkal
Pune Graduate Election : राज्यभरात विधान परिषदेच्या पदवीधर आणि शिक्षक मतदारसंघांच्या निवडणुकीची धामधूम सुरु आहे. सकाळपासूनच मोठ्या घडामोडी घडताना दिसत आहेत. अश्यातच निवडणुकीच्या मतमोजणीदरम्यान पुण्यातून एक मोठी बातमी समोर आली आहे.
पुणे पदवीधर मतदारसंघाच्या मतमोजणी केंद्रावर काही मतपेट्यांचे सील तुटलेले असल्याचा दावा करण्यात आला असून मोठा गोंधळ निर्माण झाला. यावर आता काँग्रेस प्रदेशाध्यक्ष हर्षवर्धन सपकाळ यांनी आक्रमक भूमिका घेत निवडणूक प्रशासनावर गंभीर आरोप केले आहेत.
मंगळवारी, 27 ऑक्टोबर रोजी सकाळी आठ वाजल्यापासून मतमोजणीला सुरुवात झाली. मात्र, पुणे पदवीधर मतदारसंघाच्या केंद्रावर मतमोजणी सुरू होण्यापूर्वीच काही मतपेट्यांच्या सीलचा मुद्दा उपस्थित झाला.
महाविकास आघाडीच्या उमेदवार हर्षदा देशमुख यांनी आठ मतपेट्यांना सील नसल्याचा दावा करत आक्षेप घेतल्याची माहिती आहे. यानंतर निवडणूक अधिकारी आणि उमेदवारांच्या प्रतिनिधींमध्ये वाद झाला. या गोंधळामुळे काही काळ मतमोजणी प्रक्रिया थांबवावी लागल्याचं सांगितलं जात आहे.
या प्रकरणावर हर्षवर्धन सपकाळ यांनी आपल्या अधिकृत सोशल मीडिया अकाउंट ‘X’ वर पोस्ट करत संताप व्यक्त केला. सात ते आठ मतपेट्यांचे सील तुटलेले आढळल्याचा दावा करत त्यांनी निवडणूक आयोगावर सडकून टीका केली आहे.
ते म्हणाले, “पुणे पदवीधर मतदारसंघाच्या मोजणी केंद्रावर ७ ते ८ मतपेट्यांचे सील तुटलेला आढळणे हा लोकशाहीचा सरळसरळ खून आहे. सील नसलेल्या संशयास्पद पेट्या बाजूला ठेवून निष्पक्ष तपासणी करण्याऐवजी, निवडणूक अधिकारी बळजबरीने आणि अरेरावी करत मोजणी रेटून नेत आहेत; प्रतिनिधींना लेखी तक्रार करू न देणे हा प्रशासनाचा अत्यंत बेजबाबदार आणि मनमानी कारभार आहे.”
“हा उघडउघड चाललेला सावळागोंधळ महाविकास आघाडी कदापि खपवून घेणार नाही. निवडणूक आयोगाच्या या हुकूमशाही आणि संशयास्पद भूमिकेविरोधात तीव्र संताप उसळला असून, सील तुटलेल्या पेट्यांची तातडीने स्वतंत्र चौकशी करून कारवाई झाली नाही, तर अन्यथा लोकशाहीप्रेमी जनतेच्या रोषाला आणि तीव्र जनक्षोभाला सामोरे जावे लागेल.”
मतपेट्यांच्या सीलसंदर्भातील आरोप गंभीर असले, तरी त्यांची अधिकृत चौकशी आणि पडताळणी होणं आवश्यक आहे. निवडणूक प्रशासन यावर काय स्पष्टीकरण देतं आणि तक्रारीची नोंद घेऊन कोणती पावलं उचलतं, याकडे आता सर्वांचं लक्ष लागलं आहे.
Ans: मिळालेल्या माहितीनुसार, 7 ते 8 मतपेट्यांचे सील तुटलेले किंवा नसल्याचा दावा करण्यात आला. महाविकास आघाडीच्या उमेदवार हर्षदा देशमुख यांनी यावर आक्षेप घेतल्याने मतमोजणी केंद्रावर काही काळ गोंधळ झाला.
Ans: हर्षवर्धन सपकाळ यांनी संशयास्पद मतपेट्यांची स्वतंत्र चौकशी करण्याची आणि दोषींवर कारवाई करण्याची मागणी केली. निवडणूक प्रशासनाच्या कामकाजावरही त्यांनी प्रश्न उपस्थित केले.
.png "Videos"){kind=small}
