sanjay raut
NCP Merger : राज्यात सध्या राष्ट्रवादी काँग्रेसच्या दोन्ही गटांच्या विलिनीकरणावरून राजकीय चर्चांना उधाण आलं आहे. शरद पवार आणि अजित पवार यांच्या पक्षांचं एकत्रीकरण होणार की नाही, याबाबत वेगवेगळे दावे केले जात आहेत. याच मुद्द्यावर ठाकरे गटाचे नेते संजय राऊत यांना विचारलं असता त्यांनी माध्यमांवरच संताप व्यक्त केला. ‘विलिनीकरणाने देश चालतो का? एवढं रवंथ गायी-म्हशीही करत नाहीत,’ अशा शब्दांत त्यांनी सुरू असलेल्या चर्चेचा समाचार घेतला.
दोन्ही राष्ट्रवादी एकत्र आल्या काय आणि नाही आल्या काय, त्याने काय फरक पडतो? देशासमोर अनेक प्रश्न आहेत. शेतकरी हवालदिल आहेत, दुष्काळाची परिस्थिती आहे, सामान्य जनतेचे प्रश्न सुटत नाहीत. मात्र, दिवसभर विलिनीकरणाचीच चर्चा सुरू आहे. या चर्चेचा अतिरेक झाला असून एक दिवस चर्चा करणाऱ्यांच्या मेंदूचा स्फोट होईल, असा खोचक टोला राऊतांनी लगावला. शरद पवारही या चर्चांचा आनंद घेत असल्याचं ते म्हणाले.
शेतकऱ्यांच्या प्रश्नांवर शरद पवार नेहमीच लक्ष ठेवून असतात. त्यामुळे त्यांनी कोल्हापुरातील गोकुळच्या प्रश्नातही लक्ष घालावं, असं राऊत म्हणाले. पंतप्रधान नरेंद्र मोदी यांनी पवारांना फोन करून देशाचे प्रश्न आपण दोघे मिळून सोडवू, असं सांगितलं होतं. त्यामुळे आता पवारांनी मोदींना पत्र लिहून आधी गोकुळचा प्रश्न सोडवण्याची मागणी करावी, असा खोचक सल्ला त्यांनी दिला. गोकुळमध्ये लोकशाहीविरोधी पद्धतीने कारभार होत असल्याचा आरोपही त्यांनी केला.
Rohit Pawar : ‘तटकरेंना अजितदादांची जागा घ्यायची होती’; रोहित पवारांचा सुनील तटकरेंवर गंभीर आरोप
मंत्री प्रताप सरनाईक यांच्या राऊत यांच्या घरी झालेल्या भेटीचीही चर्चा रंगली. यावर बोलताना, सरनाईक आणि आपल्या आईचे अनेक वर्षांपासून जिव्हाळ्याचे संबंध आहेत. ते दिवाळीत घरी येतात. बेसनचा लाडू आणि चकली खातील, आईचा आशीर्वाद घेतील. यात कोणताही राजकीय संकेत नाही, असं राऊतांनी स्पष्ट केलं.
दोन्ही शिवसेना एकत्र येणार का, असा प्रश्न विचारला असता राऊतांनी नकारार्थी उत्तर दिलं. ‘शिंदे गटात दोन गट आहेत. शिंदे गटात दोन शिंदे आहेत, तुम्हीच शोधा,’ असं सूचक विधान त्यांनी केलं.
दरम्यान, अजित पवार यांच्या अपघातात सुनील तटकरे यांचा हात असल्याचा आरोप रामदास कदम यांनी केला आहे. यावर प्रतिक्रिया देताना अजित पवारांच्या अपघाताच्या चौकशीबाबत कोणीही गंभीर दिसत नसल्याचं राऊत म्हणाले. आरोप करणाऱ्यांकडे काही पुरावे असतील तर त्याची दखल घेऊन चौकशी झाली पाहिजे, अशी मागणीही त्यांनी केली.
Ans: दोन्ही राष्ट्रवादींच्या विलिनीकरणाच्या चर्चेवर संजय राऊत यांनी संताप व्यक्त केला. 'विलिनीकरणाने देश चालतो का? एवढं रवंथ गायी आणि म्हशीही करत नाहीत,' असा टोला त्यांनी लगावला.
Ans: शरद पवार यांनी पंतप्रधान नरेंद्र मोदी यांना पत्र लिहून आधी गोकुळ दूध संघाचा प्रश्न सोडवण्याची मागणी करावी, असा खोचक सल्ला संजय राऊत यांनी दिला.
Ans: प्रताप सरनाईक आणि त्यांच्या आईचे अनेक वर्षांपासून जिव्हाळ्याचे संबंध आहेत. सरनाईक दिवाळीत घरी येतात, बेसनचा लाडू आणि चकली खातात, आईचा आशीर्वाद घेतात. या भेटीमागे कोणताही राजकीय संकेत नसल्याचं राऊत यांनी स्पष्ट केलं.
.png "Videos"){kind=small}
