Diwali 2026: दिवाळीत लक्ष्मी-गणेशाची मूर्ती खरेदी करताना करू नका या चुका, जाणून घ्या महत्त्व आणि नियम

Diwali 2026: हिंदू धर्मामध्ये दिवाळीच्या सणाला महत्त्व आहे. या दिवशी गणपती आणि लक्ष्मी यांची पूजा करण्याची प्रथा आहे. दरम्यान धनत्रयोदशीच्या दिवशी देवी लक्ष्मी आणि गणेशाची मूर्ती खरेदी करणे शुभ मानले जाते. देवी लक्ष्मी आणि गणेशाची मूर्ती खरेदी करताना कोणती काळजी घ्यावी जाणून घ्या

• धनत्रयोदशीच्या दिवशी लक्ष्मी आणि गणेशाची मूर्ती खरेदी करणे मानले जाते शुभ
• लक्ष्मी आणि गणेशाची मूर्ती खरेदी करण्याचे महत्त्व
• खरेदी करताना कोणते नियम पाळावेत

दिवाळीत गणपती आणि लक्ष्मी देवीची पूजा करण्याला धार्मिक महत्त्व आहे. धन, समृद्धी आणि भरभराटीची देवी असलेल्या लक्ष्मी देवीचा आशीर्वाद सुख, समृद्धी, आर्थिक स्थैर्य आणि भरभराट आणतो. गणपती हे बुद्धी, विवेक आणि विघ्नहर्ता देवता आहेत. त्यांना विघ्नहर्ता म्हणूनही ओळखले जाते. दिवाळीत घरात गणपती आणि लक्ष्मी देवीची पूजा केली जाते. लक्ष्मी आणि गणपतीच्या मूर्तींची विशेष ठिकाणी स्थापना करून त्यांची पूजा करणे महत्त्वाचे आहे.

धार्मिक श्रद्धेनुसार, धनत्रयोदशीच्या दिवशी देवी लक्ष्मी आणि गणपतीची मूर्ती खरेदी करणे शुभ मानले जाते. या दिवशी योग्य रितीने पूजा केल्याने धन-समृद्धी येते, तसेच कुटुंबात आनंद, शांती आणि सौभाग्य वाढते. दरम्यान देवी लक्ष्मी आणि गणपतीची मूर्ती खरेदी करताना कोणत्या गोष्टींची काळजी घ्यावी ते जाणून घेऊया

Dhanteras Shubh Yog: धनत्रयोदशीच्या दिवशी जुळून येत आहे दुर्मिळ योग, या राशींच्या लोकांवर राहणार देवी लक्ष्मीचा आशीर्वाद

लक्ष्मी-गणेश मूर्ती खरेदी करताना या गोष्टींची घ्या काळजी

वसुबारसपासून दिवाळीची सुरुवात होते. शक्यतो धनत्रयोदशीच्या दिवशी देवी लक्ष्मी आणि गणपतीच्या मूर्तीची खरेदी केली जाते. यावेळी मूर्तीची खरेदी करताना विशेष काळजी घेणे गरजेचे आहे. लक्ष्मी आणि गणपती यांच्या एकत्रित मूर्ती कधीही खरेदी करू नयेत. लक्ष्मी आणि गणपती यांच्या मूर्ती वेगवेगळ्या असाव्यात.

हातात मोदक घेतलेली गणेशाची मूर्ती खरेदी करा. त्याच्या हातात मोदकच असायला हवा. मोदक हे ज्ञान, आनंद आणि भौतिक व सामाजिक समृद्धीचे प्रतीक आहेत. गणेश मूर्तीमध्ये त्याचे वाहन, उंदीर, असायला हवा. अशा प्रकारची गणेश मूर्ती घरात सकारात्मक ऊर्जा, शुभता आणि समृद्धी आणते. गणेशाची सोंड डावीकडे वाकलेली असावी.

Diwali Dreams: दिवाळीच्या काळात पडणारी ‘ही’ स्वप्ने मानली जातात शुभ, धनलाभासह करिअरमध्ये होऊ शकते प्रगती

कमळाच्या फुलावर विराजमान असलेली देवी लक्ष्मी

घुबडावर बसलेल्या देवी लक्ष्मीचा फोटो खरेदी करू नये. शास्त्रानुसार, घुबडावर बसलेली देवी लक्ष्मी ही कालीचे प्रतीक मानली जाते. त्याऐवजी कमळाच्या फुलावर बसलेल्या देवी लक्ष्मीची मूर्ती खरेदी करावी. कमळ हे पवित्रता, सौंदर्य आणि स्थिर समृद्धीचे प्रतीक आहे.

मूर्ती खरेदी करताना, देवी लक्ष्मीचा उजवा हात वरदामुद्रेत आणि डाव्या हातातून सोन्याची नाणी उधळत असल्याची खात्री करा. ही मुद्रा दर्शवते की देवी आपल्या भक्तांवर धन, समृद्धी आणि सुदैवाचा वर्षाव करत आहे. उभ्या मुद्रेतील देवी लक्ष्मीची मूर्ती खरेदी करणे टाळा.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)