यंदा कधी आहे अनंत चतुर्दशी? जाणून घ्या शुभ मुहूर्त, महत्त्व, उपाय

गणेश चतुर्थीच्या दिवशी गणपती बाप्पाचे घरी आगमन होते आणि अनंत चतुर्दशीच्या दिवशी गणपतीचे विसर्जन होते. भाद्रपद महिन्यातील शुक्ल पक्षातील चतुर्दशी तिथीला अनंत चतुर्दशी येते. जाणून घेऊया अनंत चतुर्दशी कधी आहे? शुभ मुहूर्त, महत्त्व, उपाय

शनिवार 7 सप्टेंबर रोजी गणेश चतुर्थीच्या दिवशी लोकांच्या घरी गणपती बाप्पांचे आगमन झाले आहे. भगवान गणेशाचा जन्मदिवस भाद्रपद शुक्ल चतुर्थीला असतो, म्हणून या दिवशी गणेश चतुर्थी साजरी केली जाते. पुढील 10 दिवस गणेशोत्सव साजरा होणार आहे. त्यानंतर गणेशाचे विसर्जन होईल. अनंत चतुर्दशीच्या दिवशी गणपतीचे विसर्जन होते. भाद्रपद महिन्यातील शुक्ल पक्षातील चतुर्दशी तिथीला अनंत चतुर्दशी साजरी केली जाते. प्रत्येकाच्या घरात गणपती 10 दिवस राहत नसला तरी लोक त्यापूर्वीच त्याचे विसर्जन करतात.

अनंत चतुर्दशी 2024 गणेश विसर्जन

वैदिक पंचांगानुसार, यावर्षी भाद्रपद महिन्यातील शुक्ल पक्षातील चतुर्दशी तिथी सोमवार, 16 सप्टेंबर रोजी दुपारी 3:10 वाजता सुरू होईल. ही तारीख मंगळवार, 17 ऑगस्ट रोजी रात्री 11:44 वाजता संपेल. अशा स्थितीत 17 सप्टेंबर रोजी उदयतिथीनुसार अनंत चतुर्दशी साजरी केली जाणार आहे. 17 सप्टेंबरला गणेशाचे विसर्जनही होणार आहे.

हेदेखील वाचा- ज्येष्ठा गौरी आवाहनाची कथा जाणून घ्या

अनंत चतुर्दशी शुभ मुहूर्त

मंगळवार, 17 सप्टेंबर रोजी अनंत चतुर्दशीच्या पूजेचा शुभ मुहूर्त सकाळी 6.07 ते 11.44 वाजेपर्यंत आहे. तुम्हाला त्या दिवशी गणेश पूजेसाठी 5 तास 37 मिनिटांचा शुभ मुहूर्त मिळेल. त्या दिवशी भगवान विष्णूच्या शाश्वत रूपाचीही पूजा केली जाते.

अनंत चतुर्दशी महत्त्व

अनंत चतुर्दशीच्या दिवशी श्रीगणेशाशिवाय विष्णूच्या अनंत रूपाची पूजा केली जाते. या प्रसंगी लोक अनंत धागा किंवा रक्षासूत्र त्यांच्या उजव्या हाताला 14 गाठी बांधतात. धार्मिक मान्यतेनुसार व्यक्ती अनंत धाग्याने सुरक्षित राहते, त्याला कशाचीही भीती नसते. श्रीहरींच्या कृपेने त्याला आयुष्याच्या शेवटी मोक्ष प्राप्त होतो. त्याला वैकुंठामध्ये स्थान मिळते.

हेदेखील वाचा- अक्रोड खाण्याचे तोटे तुम्हाला माहीत आहे का? जाणून घ्या आक्रोड कोणी खाऊ नये

अनंत चतुर्दशीला करा हे उपाय

अनंत चतुर्दशीच्या दिवशी व्रत आणि पूजा करण्याबरोबरच या दिवशी एक अवश्य उपाय करा. अनंत चतुर्दशीच्या दिवशी हातात अनंतसूत्र बांधा ते बांदल्याने जीवनातील सर्व संकटे दूर होतात. अनंत सूत्रामुळे प्रत्येक कामात यश प्राप्त होते.

संरक्षण अनंत काय आहे

अनंत चतुर्दशीला बांधला जाणारा धागा हा 14 लोकांचे प्रतिनिधित्व करतो. यामध्ये भूर्लोक, भुवरलोक, स्वरलोक, महार्लोक, तपोलोक, ब्रम्हालोक, अटल, विठ्ठल, सतल, रसातल, तलताल, महातल आणि पातलोक यांचा समावेश असतो. अनंत चतुर्दशीच्या दिवशी व्रत व उपासना केल्यास पुण्य प्राप्त होते.

या धाग्याला बांधली जाणारी गाठ प्रत्येक जगाचे प्रतिनिधित्व करते. रेशीम धाग्याने बनवलेला हा धागा माणसाचे संरक्षक कवच असतो तो बांधल्यानंतर भीतीपासून मुक्ती मिळते, अशी भाविकांची श्रद्धा आहे.

जो व्यक्ती 14 वर्षे सातत्याने सर्व नियम पाळून पूजा करतो आणि नंतर अनंत सूत्राला 14 गाठी बांधून त्याला भगवान विष्णूची कृपा प्राप्त होते आणि वैकुंठीची प्राप्ती होते, असे मानले जाते.