Navratri 2026: नवरात्रीचा सातवा दिवस कालरात्री देवीला समर्पित, कशी करावी पूजा आणि महत्त्व

Navratri 2026: आज शनिवार, १७ ऑक्टोबर रोजी नवरात्रीचा सातवा दिवस आहे म्हणजे सप्तमी तिथी आहे. आजचा दिवस कालरात्री देवीला समर्पित आहे. आजचा रंग राखाडी आहे. कालरात्री देवीची पूजा करण्याची पद्धत आणि महत्त्व जाणून घ्या

• नवरात्रीचा सातवा दिवस कालरात्री देवीला समर्पित आहे
• कालरात्री देवीची पूजा करण्याची पद्धत आणि महत्त्व
• कालरात्री देवी कोण आहे

 

कालरात्री देवीची पूजा आणि राखाडी रंगाचे महत्त्व

नवरात्रीच्या सातव्या दिवशी कालरात्रीची पूजा केली जाते. कालरात्री हे नवदुर्गापैकी सातवे रुप असून तिला शक्ती, धैर्य आणि नकारात्मक शक्तीचे नाश करणारे स्वरुप मानले जाते. आज १७ ऑक्टोबर रोजी राखाडी रंग आहे. राखाडी रंग हा स्थैर्य, शांतता, समतोल आणि परिस्थितीचा स्वीकार यांचा प्रतीक मानला जातो. नवरात्रीच्या सातव्या दिवशी राखाडी रंग परिधान करून देवीची पूजा करण्याची परंपरा काही ठिकाणी आहे. सकाळी लवकर उठून स्नान करून राखाडी रंगांचे कपडे परिधान करावे.

पूजेची पद्धत

पूजेची जागा स्वच्छ करून देवीसमोर दिवा लावावा. देवी कालरात्रीच्या प्रतिमेला, मूर्तीला, गंध किंवा अक्षता अर्पण करावी. लाल किंवा लालसर फुल अर्पण केली जाऊ शकतात. नैवेद्यासाठी गूळ, केळ्याचे पदार्थ, फळ आणि आपल्या परंपरेनुसार सात्विक पदार्थ अर्पण करावे. पण अनेक ठिकाणी कालरात्री देवीसाठी गूळ वापरला जातो. देवीची आरती करून मनोभावे प्रार्थना करावी. ओम देवी कालरात्रेय नमः या मंत्रांचा जप करावा.

Navchandi Puja: शारदीय नवरात्रीत नवचंडी पूजा का केली जाते? जाणून घ्या धार्मिक महत्त्व

काय आहे धार्मिक श्रद्धा

कालरात्री देवी ही नवदुर्गेतील सातवी देवी आहे. नवरात्रीच्या सातव्या दिवशी तिची पूजा केली जाते. देवी दुर्गेचे हे स्वरूप उग्र, शक्तिशाली आणि दुष्ट शक्तींचा नाश करणारे मानले जाते. धार्मिक श्रद्धेनुसार, कालरात्री देवी भक्तांचे भय दूर करून त्यांना धैर्य आणि आत्मविश्वास देते.

कालरात्री देवी कोण आहे

कालरात्री देवी ही नवदुर्गेतील सातवी देवी असून, नवरात्रीच्या सातव्या दिवशी तिची पूजा केली जाते. देवी दुर्गेचे हे स्वरूप उग्र आणि शक्तिशाली मानले जाते. धार्मिक आख्यायिकांनुसार, देवी कालरात्री दुष्ट शक्तींचा नाश करून भक्तांचे रक्षण करते. तिचे स्वरूप अंधार, भय आणि नकारात्मकतेवर विजय मिळवण्याचे प्रतीक मानले जाते.

Navratri 2026: नवरात्रीचा सहावा दिवस कात्यायनी देवीला समर्पित, कशी करावी देवीची पूजा

पारंपरिक वर्णनानुसार, कालरात्री देवीचा वर्ण काळा असून तिचे केस विस्कटलेले आहेत. तिला चार हात असून, दोन हातांत शस्त्रे आणि इतर दोन हात अभय व वरद मुद्रा दर्शवतात. देवीचे वाहन गाढव आहे. तिचे रूप उग्र असले, तरी ती भक्तांसाठी शुभफलदायी मानली जाते. त्यामुळे कालरात्री देवीला ‘शुभंकरी’ असेही म्हटले जाते.

धार्मिक श्रद्धेनुसार, कालरात्री देवीची उपासना केल्याने भीती आणि संकटांचा सामना करण्यासाठी मानसिक बळ मिळते. तिची पूजा भक्तांमध्ये धैर्य, आत्मविश्वास आणि सकारात्मकतेची भावना निर्माण करणारी मानली जाते.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)