मंगळवार, 25 ऑगस्ट 2026
Raksha Bandhan 2026 During Panchak: रक्षाबंधनापूर्वीच्या पंचक काळात राखी (फोटो सौजन्य- सोशलमीडिया)
पंचांगानुसार ऑगस्ट महिन्यातील पंचक २७ ऑगस्ट २०२६ रोजी दुपारी १ वाजून ३६ मिनिटांनी सुरू होईल. त्याची समाप्ती १ सप्टेंबर रोजी पहाटे ३ वाजून २५ मिनिटांनी होईल. म्हणजेच रक्षाबंधनाच्या दिवशीही पंचकाचा प्रभाव राहणार आहे. Raksha Bandhan 2026 During Panchak:
पंचक हा पाच नक्षत्रांचा कालावधी मानला जातो. धनिष्ठा, शतभिषा, पूर्वाभाद्रपदा, उत्तराभाद्रपदा आणि रेवती या नक्षत्रांचा यात समावेश होतो. या काळात काही विशिष्ट कामे करण्याबाबत धार्मिक परंपरांमध्ये सावधगिरी सांगितली जाते.
राखी खरेदी करण्याबाबत फारशी चिंता करण्याची गरज नाही. पंचकाच्या काळात काही बांधकामाची कामे, लाकूड किंवा खाट तयार करणे यांसारख्या गोष्टी टाळण्याची परंपरा आहे. मात्र बाजारातून राखी घेण्याला धर्मशास्त्रात ठोस मनाई असल्याचे मानले जात नाही. राखी ही कोणतीही अशुभ वस्तू नसून ती प्रेम, विश्वास आणि भावंडांच्या नात्याचे प्रतीक आहे. त्यामुळे पंचक सुरू झाल्यानंतर राखी विकत घेतली तरी त्याला दोष मानला जात नाही. आधीच राखी आणून ठेवली नाही म्हणून घाबरण्याचेही कारण नाही.
Raksha Bandhan 2026: सोन्याची वा चांदीची राखी बांंधण्याचे नियम, करू नका ‘ही’ चूक
आज अनेक बहिणी- भाऊ शिक्षण, नोकरी किंवा इतर कारणांमुळे भावापासून दूर राहतात. अशा वेळी कुरिअर किंवा ऑनलाइन डिलिव्हरी हा राखी पाठवण्याचा सोपा मार्ग आहे. पंचकात राखी कुरिअर करण्यावरही विशेष बंदी सांगितलेली नाही. त्यामुळे राखी वेळेत पोहोचण्यासाठी ती पंचकाच्या काळात पाठवावी लागली, तरी केवळ पंचकामुळे ती थांबवण्याची आवश्यकता नाही. ऑनलाइन राखी ऑर्डर करणे किंवा पोस्टाने पाठवणे यालाही सामान्यतः अशुभ मानले जात नाही.
पंचांगानुसार २८ ऑगस्ट रोजी राखी बांधण्यासाठी सकाळची वेळ चांगली मानली जात आहे. सकाळी ५ वाजून ५७ मिनिटांपासून ९ वाजून ४८ मिनिटांपर्यंत राखी बांधता येईल. हा कालावधी साधारण ३ तास ५१ मिनिटांचा आहे.
