Rameshwar Jyotirlinga: काय आहे रामेश्वरस्वामी मंदिराचा रामायणाशी संबंध, रामेश्वर ज्योतिर्लिंगाची कथा जाणून घ्या

रामेश्वरस्वामी मंदिर हे हिंदू धर्मातील पवित्र स्थळ असून रामायणाशी जोडलेले आहे. रामेश्वरममध्ये वसलेले हे मंदिर १२ ज्योतिर्लिंगांपैकी एक असून भगवान शिव यांना समर्पित आहे.

• रामेश्वरस्वामी मंदिराचा रामायणाशी संबंध
• रामेश्वर ज्योतिर्लिंगाची कथा
• रामेश्वरम् ज्योतिर्लिंग महत्त्व

रामेश्वरम् ज्योतिर्लिंग महत्त्व

12 ज्योतिर्लिंगापैकी दहावे ज्योतिर्लिंग ते म्हणजे दक्षिण भारतातील रामेश्वरम् स्वामी मंदिर. हे मंदिर तमिळनाडू राज्यातील रामनाथपुरम या पांबन बेटाच्या समुद्रकिनाऱ्याजवळ वसलेले आहे. या चारधाम यात्रेतील एक महत्त्वाच असं धाम आहे. हिंदू धर्मात या देवस्थानाला खूप जास्त असं महत्त्व आहे. हे शिवलिंग राम आणि शिव यांच्याशी संबंधित आहे म्हणूनच याला रामेश्वरम् असे नाव पडले. रामाचा ईश्वर अर्थातच रामेश्वरम. या मंदिरांचा प्रांगण अतिशय भव्य आणि सुंदर आहे.

Jyotirlinga: ज्योतिर्लिंग म्हणजे काय? यामागील पौराणिक कथा जाणून घेऊया

२२ कुंड व अग्नीतीर्थ

या मंदिरात 22 पवित्र कुंड आहे. प्रत्येक कुंडाचे पाणी वेगवेगळ्या चवीचं आणि गुणधर्माचं आहे असं मानलं जातं. दर्शनापूर्वी या कुंडात स्नान करणे शुभ मानले जाते. मंदिराजवळील समुद्राला अग्नीतीर्थ असे मानले जाते. येथे स्नान केल्याने पाप नष्ट होतात अशी श्रद्धा आहे. मंदिराची रचना पारंपरिक दक्षिण भारतीय अर्थातच द्रविड शैलीत असून उंच गोपुरम भव्य आहे. रामेश्वरामध्ये राम सेतू असल्याची देखील श्रद्धा आहे. येथून श्रीरामांनी लंकेकडे जाण्याचा मार्ग तयार केला होता. या ज्योतिर्लिंगाची पौराणिक कथा जाणून घेऊया

ज्योतिर्लिंगाची पौराणिक कथा

ही कथा आहे रामायणातील. रामायणानुसार राम यांनी लंकेच्या मोहिमेवर जाण्यापूर्वी येथे भगवान शिवांची पूजा केली होती. श्रीरामांनी रावणाचा वध केल्यानंतर ब्राम्हण हत्या दोष दूर करण्यासाठी शिवपूजा करण्याचं ठरवलं. त्याने हनुमान यांना काशीहून शिवलिंग आणायला पाठवलं. पण वेळ निघून जात असल्यामुळे सीतेनेच वाळूचे शिवलिंग तयार केले. या शिवलिंगाची पूजा करून रामांनी दोष मुक्ती मिळविली.

Varuthini Ekadashi: वल्लभाचार्य नक्की कोण होते? कुठे झाला जन्म जाणून घ्या संपूर्ण कथा

 

हे शिवलिंग रामनाथ स्वामी ज्योतिर्लिंग म्हणून प्रसिद्ध झालं. हनुमान परत आल्यावरती त्यांना दुःख झालं की त्यांच्या आणलेल्या शिवलिंगाऐवजी दुसरं शिवलिंग पूजलं गेलं आहे. तेव्हा श्रीरामांनी त्यांना शांत करून सांगितलं की तू आणलेलं शिवलिंगही येथेच स्थापित केलं जाईल. म्हणूनच येथे दोन शिवलिंगाच महत्त्व सांगितलं जातं. एक शिवलिंग राम लिंग म्हणून ओळखलं जातं जे माता सीतेने वाळूपासून तयार केलं. तर दुसरं शिवलिंग हे हनुमान लिंग म्हणून ओळखलं जातं.

ज्योतिर्लिंगाची ओळख

रामेश्वरम हे श्रद्धा, इतिहास आणि वास्तुकलेचा सुंदर असा संगम आहे. ज्योतिर्लिंगाला भेट दिल्यामुळे मनशांती आणि आध्यात्मिक समाधान मिळतं. शिवाय पापमोचन अशी देखील या ज्योतिर्लिंगाची ओळख आहे.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)