फोटो सौजन्य- pinterest
ज्योतिषशास्त्रानुसार, ग्रहांची स्थिती आणि त्यांच्या होणाऱ्या हालचालींमुळे व्यक्तीच्या जीवनावर सखोल परिणाम होणार आहे. 18 सप्टेंबर रोजी संध्याकाळी 5.1 वाजता सिंह राशीमध्ये शुक्र आणि मीन राशीत शनि 150 अंशाच्या कोनात येतील आणि षडाष्टक योग तयार होईल. हा योग काही राशीच्या लोकांसाठी अडचणी आणि समस्या घेऊन येऊ शकतील. शुक्र हा प्रेम, पैसा, आनंद आणि सौंदर्याचा ग्रह आहे. तर सिंह ग्रह त्याच्या राशीमध्ये उपस्थित राहून आत्मविश्वास आणि सर्जनशीलता वाढवेल. तसेच खूप मेहनत, शिस्त आणि दीर्घकालीन योजनांचा ग्रह असलेला शनि मीन राशीच्या लोकांच्या भावना आणि अध्यात्मावर परिणाम करणार आहे. षडाष्टक योगामुळे काही राशीच्या लोकांना फायदा होणार आहे तर काही राशीच्या लोकांना नुकसान होईल.
ज्यावेळी दोन राशी षडाष्टक योगामुळे असंतुलन किंवा त्रास निर्माण करू शकते, कारण शुक्राचा आरामदायी स्वभाव आणि शनीचा कठोरपणा एकमेकांशी जुळत नाही. सिंह राशीतील शुक्र आत्मविश्वास आणि सर्जनशीलता वाढवतो, त्यामुळे तुमच्यावरील मानसिक ताण देखील वाढू शकतो. या योगामुळे कोणत्या राशीच्या लोकांना सावध राहावे लागेल, जाणून घ्या
मेष राशीच्या लोकांसाठी शुक्र ग्रहांचे संक्रमण 5 व्या घरात होईल तर शनिचे संक्रमण 12 व्या घरात होईल. याचा संबंध प्रेम, सर्जनशीलता आणि खर्चावर परिणाम करणारा होता. मुलांशी संबंधित बाबींमध्ये समस्या येऊ शकतात. या काळात अनावश्यक खर्च करणे टाळावे. मानसिक ताण वाढू शकतो. अनावश्यक वाद टाळा आणि मोठी गुंतवणूक करण्यापूर्वी काळजीपूर्वक विचार करा.
सिंह राशीच्या लोकांसाठी शुक्र हा पहिल्या घरामध्ये असेल. ज्याचा परिणाम व्यक्तिमत्व आणि आत्मविश्वासावर परिणाम करतो. तर शनि आठव्या घरात असल्याने त्याचा परिणाम रहस्य आणि बदलाशी संबंधित आहे. यामुळे आत्मविश्वासाचा अभाव किंवा किरकोळ आरोग्य समस्या उद्भवू शकतात. नातेसंबंधांमध्ये गैरसमज वाढू शकतात आणि कामात काही अडथळे येऊ शकतात. या काळात तुमच्या रागावर नियंत्रण ठेवा आणि अहंकार टाळा.
तूळ राशीच्या लोकांसाठी हे संक्रमण 11 व्या घरात होत आहे आणि यावेळी शनि सहाव्या घरात असेल. याचा परिणाम सामाजिक आणि आरोग्यावर होऊ शकतो. आणि कामाच्या ठिकाणी किरकोळ समस्या उद्भवू शकतात. आरोग्याची काळजी घेणे महत्वाचे आहे, या काळात तुम्हाला पोटाच्या समस्या उद्भवू शकतात. तसेच कोणालाही पैसे उधार देणे, अनावश्यक खर्च आणि वादांपासून दूर रहा. या काळात आरोग्याची काळजी घ्या.
धनु राशीच्या लोकांसाठी शुक्राचे संक्रमण नवव्या घरात होणार आहे आणि शनि चौथ्या घरात असेल. याचा परिणाम कुटुंब आणि घराशी संबंधित बाबींमध्ये तणाव वाढू शकतो. या काळात आईच्या आरोग्याची काळजी घ्या. प्रवास किंवा शिक्षणाशी संबंधित कामात अडथळे येऊ शकतात. आर्थिक बाबतीत सावधगिरी बाळगा. कुटुंबात शांतता राखा आणि कोणताही मोठा निर्णय घेण्यापूर्वी नीट विचार करा.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
