गुरुवार, 22 ऑक्टोबर 2026
फोटो सौजन्य- istock
रात्री झोपताना कधी-कधी असं वाटतं की, कोणीतरी गुपचूप आपल्यावर लक्ष ठेवत आहे किंवा आपल्या खोलीत कोणीतरी असल्याचं आपल्याला जाणवतं. जर तुम्हालाही रात्री अशा विचित्र गोष्टी वाटत असतील, तर तुमच्या घरात वास्तुदोष असण्याची शक्यता आहे. अशा परिस्थितीत वास्तूदोष दूर करण्यासाठी या गोष्टी घरातून काढून टाका.
हेदेखील वाचा- घराच्या कोणत्या दिशेला झाडू ठेवावा, जाणून घ्या वास्तू नियम
कधी कधी असे घडते की, आपण रात्री झोपतो तेव्हा आपल्याला असे वाटते की, कोणीतरी गुप्तपणे आपल्यावर लक्ष ठेवून आहे किंवा कोणीतरी आपल्या पलंगावर फिरत आहे. रात्रीच्या वेळी अशी भावना होणे कदाचित सामान्य असेल. परंतु, जेव्हा तुम्हाला नेहमीच असे वाटत असेल, तेव्हा समजून घ्या की नकारात्मकतेने घरात वावर केला आहे आणि आता तुम्हाला नकारात्मक ऊर्जा घरातून बाहेर काढण्याची नितांत गरज आहे. किंबहुना घरात नकारात्मक ऊर्जा येण्यास वास्तू दोषही कारणीभूत ठरू शकतात. खोलीत ठेवलेल्या अशा कोणत्या गोष्टी आहेत ज्यामुळे वास्तुदोष होऊ शकतात ते जाणून घेऊया.
हेदेखील वाचा- मूलांक 8 असणाऱ्यांचा आजचा दिवस कसा असेल ते जाणून घेऊया
खोलीत पडलेल्या तुटलेल्या आणि विखुरलेल्या वास्तू दोषाचे कारण आहेत
अनेकदा घरात एखादे चित्र, शो पीस किंवा इतर कोणतीही वस्तू तुटली, तर आपण त्याकडे लक्ष देत नाही. जर या गोष्टी खोलीत पडून राहिल्या, तर नकारात्मक ऊर्जा तुमच्या घरात राहते, त्यामुळे या गोष्टी वेळीच काढून टाकणे तुमच्यासाठी चांगले राहील.
खोलीतील मृत कुटुंबीयांचे छायाचित्र हेदेखील वास्तुदोषाचे कारण आहे
खोलीत मृत नातेवाईकांची छायाचित्रे ठेवू नयेत. तुम्ही हे फोटो हॉलमध्ये किंवा तुम्ही झोपत नसलेल्या खोलीत भिंतीवर लटकवा. मृत नातेवाईकांचे फोटो बेडरूममध्ये ठेवल्याने घरात वास्तुदोष निर्माण होऊ शकतो. यामुळे तुम्हाला झोपायला भीती वाटू शकते.
खोलीत ठेवलेला रद्दी बॉक्सदेखील वास्तुदोषाचे कारण आहे
जर तुम्ही घरातील निरुपयोगी वस्तू एका बॉक्समध्ये किंवा गोणीत साठवून रद्दी विक्रेत्याला विकण्याचा विचार करत असाल तर तुमच्यासाठी या रद्दीने भरलेला बॉक्स तुमच्या खोलीच्या बाहेर किंवा स्टोअर रूममध्ये ठेवणे चांगले होईल. घरामध्ये रद्दी किंवा वापरात नसलेल्या वस्तूंमुळे वास्तुदोषाची समस्या उद्भवते.
पाय दक्षिणेकडे तोंड करून झोपल्यानेही वास्तुदोष होऊ शकतात
वास्तुशास्त्रात प्रत्येक दिशेला स्वतःचे महत्त्व आहे. उदाहरणार्थ, शुभ कार्यासाठी पूर्व आणि उत्तर दिशा सर्वोत्तम मानली जाते. त्याचबरोबर पैशाशी संबंधित बाबींसाठी उत्तर दिशा चांगली मानली जाते. दक्षिण दिशा ही यमराजाची दिशा मानली जाते, त्यामुळे दक्षिण दिशेला तोंड करून कोणतेही शुभ कार्य केले जात नाही. झोपताना पाय कधीही दक्षिण दिशेला नसावेत. वास्तुदोष होण्याचे हेदेखील एक कारण आहे.
थांबलेल्या घड्याळांमुळे वास्तुदोष होऊ शकतो
तुमच्या खोलीत थांबलेली घड्याळे असल्यास, ही घड्याळे वेळेत खोलीतून काढून टाकणे किंवा त्यांची दुरुस्ती करून घेणे तुमच्यासाठी चांगले होईल. यामुळे तुमच्या घरातील वास्तूदोष दूर होतील. झोपण्याच्या खोलीत बंद घड्याळे ठेवू नयेत. विशेषत: तुमच्या घराच्या भिंतीवर थांबलेले घड्याळ असेल, तर ते ताबडतोब काढून टाका.
