Dinvishesh : भारतीय वंशाच्या अमेरिकन अंतराळवीर सुनीता विल्यम्स यांचा वाढदिवस; जाणून घ्या 19 सप्टेंबरचा इतिहास

भारतीय वंशाच्या अमेरिकन अंतराळवीर असलेल्या सुनीता विल्यम्स यांचा आज वाढदिवस आहे. त्या आता 60 वर्षांच्या झाल्या असून त्यांनी अनेक यशस्वी मोहिम पार पडाल्या आहेत.

सुनीता विल्यम्स या भारतीय वंशाच्या अमेरिकन अंतराळवीर आहेत. त्यांनी केलेल्या शोध मोहिम आणि अवकाश मोहिमेमुळे सुनीता विल्यम्स या नेहमी चर्चेत राहिल्या आहेत. त्यांनी अंतराळात एकूण ६०८ दिवस आणि २० मिनिटांचे वास्तव्य केले आहे. तसेच, त्यांनी नऊ वेळा अंतराळ चाल (स्पेसवॉक) केल्या, ज्याचा एकूण वेळ ६२ तास आणि ६ मिनिटे आहे. हा वेळ महिलांमध्ये सर्वाधिक आणि एकूण चौथा क्रमांक आहे. सुनीता विल्यम्स आणि त्यांचे सहकारी हे जेमतेम आठ दिवसांसाठी बोईंग स्टारलायनरच्या चाचणी मोहिमेसाठी, आंतरराष्ट्रीय आंतराळ केंद्र म्हणजेच इंटरनॅशनल स्पेस स्टेशनमध्ये (ISS) येथे गेले होते. परंतु, तिथे जाऊन ते अंतराळामध्ये अडकले. तब्बल नऊ महिन्यांच्या अंतराळातील वास्तव्यानंतर सुनीता विल्यम्स पृथ्वीवर परतल्या. आजच्या दिवशी 1965 साली त्यांचा जन्म अमेरिकेतील ओहायो राज्यातील युक्लिड सिटी (क्लीव्हलँडमध्ये स्थित) येथे झाला होता.

19 सप्टेंबर रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

• 1893 : न्यूझीलंडमध्ये महिलांना मतदानाचा अधिकार मिळाला.
• 1957 : अमेरिकेने पहिली भूमिगत अणुबॉम्ब चाचणी केली.
• 1959 : रशियाचे राष्ट्राध्यक्ष निकिता ख्रुश्चेव्ह यांना सुरक्षेच्या कारणास्तव अमेरिकेतील डिस्नेलँडला भेट देण्यास मनाई करण्यात आली.
• 1983 : सेंट किट्स आणि नेव्हिसला स्वातंत्र्य मिळाले.
• 1991 : इटली आणि ऑस्ट्रियाच्या सीमेवर आल्प्समध्ये ओत्झी आइसमन सापडला.
• 2000 : सिडनी ऑलिम्पिक वेटलिफ्टिंग 69 किलो वजन गटात ब्राँझ पदक मिळवणारी पहिली भारतीय महिला कर्नाम मल्लेश्वरी ठरली.
• 2001 : गांधीवादी विचारवंत डॉ. जमनालाल बजाज पुरस्कार सतीश कुमार यांना जाहीर.
• 2007 : युवराज सिंग टी-20 क्रिकेट सामन्यात एका षटकात सहा षटकार मारणारा पहिला खेळाडू ठरला.
• 2010 : डीपवॉटर होरायझन तेल गळतीमध्ये गळती होणारी तेल विहीर बंद करण्यात आली.
• 2022 : युनायटेड किंगडमच्या राणी एलिझाबेथ II चे शासकीय अंत्यसंस्कार वेस्टमिन्स्टर ॲबे, लंडन येथे पार पडले

राजकीय बातम्या वाचण्यासाठी क्लिक करा

19 सप्टेंबर रोजी जन्म दिनविशेष

• 1551 : ‘हेन्‍री (तिसरा)’ – फ्रान्सचा राजा यांचा जन्म. (मृत्यू : 2 ऑगस्ट 1589)
• 1867 : ‘श्रीपाद दामोदर सातवळेकर’ – चित्रकार, संस्कृत पंडित यांचा जन्म. (मृत्यू : 31 जुलै 1968)
• 1911 : ‘विल्यम गोल्डिंग’ – नोबेल पारितोषिक विजेते इंग्लिश लेखक यांचा जन्म. (मृत्यू : 19 जून 1993)
• 1912 : ‘रुबेन डेव्हीड’ – भारतीय पशुवैद्य आणि प्राणीसंग्रहालय संस्थापक यांचा जन्म. (मृत्यू : 24 मार्च 1989)
• 1917 : ‘अनंतराव कुलकर्णी’ – कॉन्टिनेन्टल प्रकाशन चे संस्थापक यांचा जन्म. (मृत्यू : 6 नोव्हेंबर 1998)
• 1925 : ‘बाबूराव गोखले’ – निर्माते व नाटककार यांचा जन्म. (मृत्यू : 28 जुलै 1981)
• 1958 : ‘लकी अली’ – गायक, अभिनेता व गीतलेखक यांचा जन्म.
• 1965 : ‘सुनीता विल्यम्स’ – भारतीय-अमेरिकन अंतराळवीर यांचा जन्म.
• 1977 : ‘आकाश चोप्रा’ – भारतीय क्रिकेटपटू यांचा जन्म.

नवराष्ट्र विशेष लेख वाचण्यासाठी क्लिक करा

19 सप्टेंबर रोजी मृत्यू दिनविशेष

• 1710 : ‘ओले रोमर’ – डॅनिश खगोलशास्त्रज्ञ यांचे निधन.
• 1726 : ‘खंडो बल्लाळ चिटणीस’ – छत्रपती संभाजी व छत्रपती राजाराम यांचे स्वीय सहाय्यक यांचे निधन.
• 1881 : ‘जेम्स गारफील्ड’ – अमेरिकेचे 20वे राष्ट्राध्यक्ष यांचे निधन. (जन्म : 19 नोव्हेंबर 1831)
• 1925 : ‘सर फ्रान्सिस डार्विन’ – इंग्लिश वनस्पती वैज्ञानिक यांचे निधन.
• 1936 : ‘पं. विष्णू नारायण भातखंडे’ – हिंदुस्थानी संगीताचे प्रसारक, संशोधक व गांधर्व महाविद्यालयाचे एक संस्थापक यांचे निधन. (जन्म : 10 ऑगस्ट 1860)
• 1963 : ‘सर डेव्हिड लो’ – जगप्रसिद्ध व्यंगचित्रकार यांचे निधन. (जन्म : 7 एप्रिल 1891)
• 1987 : ‘एनर गेरहर्देसन’ – नॉर्वे देशाचे पहिले पंतप्रधान यांचे निधन. (जन्म : 10 मे 1897)
• 1992 : ‘ना. रा. शेंडे’ – साहित्यिक, विदर्भ साहित्य संघाचे अध्यक्ष यांचे निधन.
• 1993 : ‘दिनशा के. मेहता’ – म. गांधींचे आरोग्य सल्लागार व सहकारी यांचे निधन.
• 2002 : ‘प्रिया तेंडुलकर’ – रंगभूमी व चित्रपट व दूरचित्रवाणी अभिनेत्री यांचे निधन. (जन्म : 19 ऑक्टोबर 1954)
• 2004 : ‘दमयंती जोशी’ – सुप्रसिद्ध कथ्थक नृत्यांगना यांचे निधन. (जन्म : 5 सप्टेंबर 1928)
• 2007 : ‘दत्ता डावजेकर’ – मराठी चित्रपट भावगीत व संगीतकार यांचे निधन. (जन्म : 15 नोव्हेंबर 1917)