Dinvishesh : “युगांत” लेखिका इरावती कर्वे यांनी घेतला जगाचा निरोप; जाणून घ्या 11 ऑगस्टचा इतिहास

समाजशास्त्रज्ञ, मानववंशशास्त्रज्ञ, लेखिका आणि शिक्षणतज्ञ म्हणून नावलौकिक मिळवलेल्या इरावती कर्वे या आजही अनेकांच्या स्मरणात आहेत. त्यांनी आजच्या दिवशी जगाचा निरोप घेतला

प्रसिद्ध भारतीय समाजशास्त्रज्ञ, मानववंशशास्त्रज्ञ, लेखिका आणि शिक्षणतज्ञ म्हणून नावलौकिक मिळवलेल्या इरावती कर्वे या आजही अनेकांच्या स्मरणात आहेत. त्यांनी मराठी आणि इंग्रजी दोन्ही भाषांमध्ये विपुल लेखन केले आहे. इरावती कर्वे यांचे “युगांत” हे पुस्तक खूप प्रसिद्ध असून लोकप्रिय आहे. यामध्ये त्यांनी महाभारतातील पात्रांचे मानवी दृष्टिकोनातून विश्लेषण केले आहे. इरावती कर्वे या डेक्कन कॉलेज, पुणे येथे समाजशास्त्र आणि मानववंशशास्त्र विभागाच्या प्रमुख होत्या. त्यांनी अनेक सामाजिक आणि सांस्कृतिक विषयांवर संशोधन केले. आजच्या दिवशी 1970 साली इरावती कर्वे यांनी जगाचा निरोप घेतला. त्यांचे साहित्य आजही सर्वांना प्रेरणा देते आहे.

11 ऑगस्ट रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना 

• 3114 : ख्रिस्त पूर्व : मेसोअमेरिकन लाँग कॅलेंडर सुरू झाले.
• 1877 : अमेरिकन खगोलशास्त्रज्ञ हॉल यांनी मंगळाचे चंद्र फोबोस आणि डेमोस शोधले.
• 1943 : सी. डी. देशमुख रिझर्व्ह बँकेचे पहिले भारतीय गव्हर्नर झाले.
• 1952 : हुसेन बिन तलाल जॉर्डनचा राजा झाला.
• 1960 : चाड देशाला फ्रान्सपासुन स्वातंत्र्य मिळाले.
• 1961 : दादरा व नगर हवेली हा भाग भारताचा केन्द्रशासित प्रदेश बनला.
• 1979 : गुजरातमधील मोरवी येथे धरण फुटले आणि हजारो लोकांचा मृत्यू झाला.
• 1987 : ॲलन ग्रीनस्पॅन युनायटेड स्टेट्स फेडरल रिझर्व्हचे अध्यक्ष म्हणून निवडून आले.
• 1994 : अफ्रिकन नॅशनल काँग्रेसच्या ज्येष्ठ नेत्या व डॉ. नेल्सन मंडेला यांच्या निकटवर्ती सहकारी डॉ. फातिमा मीर यांना विश्वगुर्जरी पुरस्कार जाहीर.
• 1999 : बारा वर्षाखालील मुलांच्या राज्यस्तरीय जलद बुद्धीबळ स्पर्धेत नवी दिल्ली येथील सहा वर्षे वयाच्या परिमार्जन नेगी याने विजेतेपद पटकावले. ही स्पर्धा जिंकणारा सर्वात छोटा खेळाडू ठरला.
• 1999 : शतकातील शेवटचे खग्रास सूर्यग्रहण झाले.
• 2013 : डॉ. सुब्रम्हण्यम स्वामी यांच्या जनता पक्षाचे भारतीय जनता पक्षात विलीनीकरण झाले.

राजकीय बातम्या वाचण्यासाठी क्लिक करा

11 ऑगस्ट रोजी जन्म दिनविशेष

• 1897 : ‘एनिड ब्लायटन’ – बालसाहित्यीक इंग्लिश लेखिका यांचा जन्म. (मृत्यू : 28 नोव्हेंबर 1968)
• 1911 : ‘प्रेम भाटिया’ – पत्रकार, संपादक, राजकीय विश्लेषक यांचा जन्म. (मृत्यू : 8 मे 1995)
• 1916 : ‘जनरल गोपाल गुरुनाथ बेवूर’ – 8 वे लष्करप्रमुख यांचा जन्म.
• 1928 : ‘विनायक सदाशिव वाळिंबे’ – लेखक व पत्रकार यांचा जन्म. (मृत्यू : 22 फेब्रुवारी 2000)
• 1928 : ‘रामाश्रेय झा’ – संगीतकार, वादक व शास्त्रीय संगीतातील विद्वान यांचा जन्म. (मृत्यू : 1 जानेवारी 2009)
• 1943 : ‘जनरल परवेझ मुशर्रफ’ – पाकिस्तानचे 10 वे राष्ट्राध्यक्ष यांचा जन्म.
• 1944 : ‘फ्रेडरिक स्मिथ’ – फेडएक्स चे संस्थापक यांचा जन्म.
• 1949 : ‘दुव्वरी सुब्बाराव’ – अर्थतज्ज्ञ व भारतीय रिझर्व्ह बँकेचे 22 वे गव्हर्नर यांचा जन्म.
• 1950 : ‘स्टीव्ह वोजनियाक’ – ऍपल इन्क कंपनीचे सहसंस्थापक यांचा जन्म.
• 1954 : ‘यशपाल शर्मा’ – क्रिकेटपटू यांचा जन्म.
• 1961 : ‘सुनील शेट्टी’ – हिंदी चित्रपटातील अभिनेता, निर्माता यांचा जन्म.

नवराष्ट्र विशेष लेख वाचण्यासाठी क्लिक करा

11 ऑगस्ट रोजी मृत्यू दिनविशेष

• 1908 : ‘खुदिराम बोस’ – क्रांतिकारक यांचे निधन. (जन्म : 3 डिसेंबर 1889)
• 1970 : ‘इरावती कर्वे’ – साहित्य अकादमी पुरस्कार विजेत्या मानववंशशास्त्रज्ञ, समाजशास्त्रज्ञ व शिक्षणतज्ञ यांचे निधन. (जन्म : 15 डिसेंबर 1905)
• 1999 : ‘रामनाथ पारकर’ – क्रिकेटपटू यांचे निधन. (जन्म : 31 ऑक्टोबर 1946)
• 2000 : ‘पी. जयराज’ – दादासाहेब फाळके पुरस्कार विजेते अभिनेते यांचे निधन. (जन्म : 28 सप्टेंबर 1909)
• 2003 : ‘अर्मांड बोरेल’ – स्विस गणितज्ञ यांचे निधन. (जन्म : 21 मे 1923)
• 2013 : ‘जफर फटहॅली’ – भारतीय पक्षीशास्त्रज्ञ आणि लेखक यांचे निधन. (जन्म : 19 मार्च 1920)