Indira Gandhi Death Anniversary: अंगरक्षकानेच केली तत्कालीन पंतप्रधान इंदिरा गांधींची हत्या; जाणून घ्या 31 ऑक्टोबरचा इतिहास

Indira Gandhi Death Anniversary : ऑपरेशन ब्लू स्टारमुळे अंगरक्षक सतवंत सिंग आणि बेअंत सिंग यांनी तत्कालीन पंतप्रधान इंदिरा गांधींची हत्या केली. केवळ पाच फुटांच्या अंतरावरुन त्यांच्यावर 25 गोळ्या झाडण्यात आल्या.

तत्कालीन पंतप्रधान इंदिरा गांधी ऑपरेशन ब्लू स्टार नंतर शीख अंगरक्षकने हत्या केली (फोटो - टीम नवराष्ट्र)

Follow Us:

Follow Us:

Indira Gandhi Death Anniversary: भारताच्या सर्वात जास्त चर्चेत राहिलेल्या महिला पंतप्रधान म्हणजे इंदिरा गांधी यांची आज पुण्यतिथी. भारताच्या पंतप्रधानपदी असताना इंदिरा गांधी यांची 31 ऑक्टोबर 1984 रोजी त्यांची हत्या करण्यात आली. सकाळी 9:30 वाजता त्यांच्या सफदरजंग रोड , नवी दिल्ली येथील निवासस्थानी हत्या करण्यात आली. इंदिरा गांधी यांच्या शीख अंगरक्षकाने त्यांच्यावर गोळ्या झाडल्या. ऑपरेशन ब्लू स्टारनंतर त्यांचे अंगरक्षक सतवंत सिंग आणि बेअंत सिंग यांनी तत्कालीन पंतप्रधान इंदिरा गांधींची हत्या केली.पाच फूटांवर सतवंतसिंग टॉमसन ऑटोमॅटिक कार्बाइन गन घेऊन उभा होता. इंदिरा गांधी यांच्यावर तब्बल 25 गोळ्या झाडण्यात आल्या. आजही पंतप्रधान इंदिरा गांधी यांची प्रतिमा आणि त्यांचे निर्णय कोणीही विसरु शकलेले नाही.

31 ऑक्टोबर रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

• 1864 : नेवाडा हे युनायटेड स्टेट्सचे 36 वे राज्य बनले.
• 1876 : एका विनाशकारी चक्रीवादळाने भारताला धडक दिली, अनेक लोकांचा मृत्यू झाला.
• 1880 : पुण्यातील आनंदोद्‍भव थिएटरमधे किर्लोस्करांच्या संगीत शाकुंतल या नाटकाचा पहिला प्रयोग झाला.
• 1920 : नारायण मल्हार जोशी, लाला लजपतराय व इतर काही जणांनी ऑल इंडिया ट्रेड युनियन काँग्रेसची स्थापना केली. लाला लजपतराय पहिले अध्यक्ष बनले.
• 1924 : पहिल्या आंतरराष्ट्रीय बचत बँक काँग्रेसमध्ये (वर्ल्ड सोसायटी ऑफ सेव्हिंग्ज बँक्स) असोसिएशनच्या सदस्यांनी मिलान, इटली येथे जागतिक बचत दिवसाची घोषणा केली.
• 1941 : माऊंट रशमोअर या स्मारकाचे बांधकाम पूर्ण झाले.
• 1966 : दिल्ली उच्‍च न्यायालयाची स्थापना झाली.
• 1984 : पंतप्रधान इंदिरा गांधी यांची त्यांच्याच अंगरक्षकांकडून हत्या.
• 1984 : राजीव गांधी यांनी भारताचे 6 वे पंतप्रधान म्हणून पदभार स्वीकारला.
• 2011 : मानवाची जागतिक लोकसंख्या सात अब्जांवर पोहोचली. हा दिवस संयुक्त राष्ट्रांनी सात अब्जांचा दिवस म्हणून ओळखला.

31 ऑक्टोबर रोजी जन्म दिनविशेष

• 1391 : ‘राजा एडवर्ड’ – पोर्तुगालचा राजा एडवर्ड यांचा जन्म. (मृत्यू : 9 सप्टेंबर 1438)
• 1875 : ‘सरदार वल्लभभाई पटेल’ – भारतरत्‍न (मरणोत्तर), स्वतंत्र भारताचे पहिले उपपंतप्रधान यांचा जन्म. (मृत्यू : 15 डिसेंबर 1950)
• 1895 : ‘सी. के. नायडू’ – क्रिकेटपटू यांचा जन्म. (मृत्यू : 14 नोव्हेंबर 1967)
• 1897 : ‘चियांग काई-शेक’ – चीन गणराज्य (तैवान) चे पहिले पंतप्रधान यांचा जन्म. (मृत्यू : 5 एप्रिल 1975)
• 1922 : ‘नॉरदॉम सिहानोक’ – कंबोडिया देशाचे पहिले पंतप्रधान यांचा जन्म. (मृत्यू : 15 ऑक्टोबर 2012)
• 1943 : ‘माधवन नायर’ – भारतीय अंतराळ शास्त्रज्ञ आणि भारतीय अंतराळ संशोधन संस्थेचे माजी अध्यक्ष यांचा जन्म.
• 1946 : ‘रामनाथ पारकर’ – क्रिकेटपटू यांचा जन्म. (मृत्यू : 11 ऑगस्ट 1999)
• 1983 : ‘धर्मेश येलंडे’ – भारतीय कोरिओग्राफर यांचा जन्म.

31 ऑक्टोबर रोजी मृत्यू दिनविशेष

• 1929 : ‘नॉर्मन प्रिचर्ड’ – भारतीय-इंग्लिश अभिनेते यांचे निधन. (जन्म : 23 जून 1877)
• 1975 : ‘सचिन देव बर्मन’ – संगीतकार व गायक याचं निधन. (जन्म : 1 ऑक्टोबर 1906)
• 1984 : ‘इंदिरा गांधी’ – भारताच्या 3र्‍या पंतप्रधान यांची त्यांच्याच अंगरक्षकांनी गोळ्या झाडुन हत्या केली. (जन्म : 19 नोव्हेंबर 1917)
• 1986 : ‘आनंदीबाई शिर्के’ – लेखिका, बालसाहित्यिका याचं निधन. (जन्म : 3 जून 1892)
• 2005 : ‘अमृता प्रीतम’ – पंजाबी लेखिका आणि कवयित्री याचं निधन. (जन्म : 31 ऑगस्ट 1919)
• 2009 : ‘सुमती गुप्ते’ – मराठी ज्येष्ठ अभिनेत्री याचं निधन.

Web Title: Pm indira gandhi death anniversary assassinated by sikh bodyguard after operation blue star

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com