Swarnagiri Venkateswara Temple : देव भेटतो तिथे!’असा’ अलौकिक चमत्कारातून झाला जन्म पृथ्वीवरील स्वर्ग असलेल्या स्वर्णगिरी मंदिराचा

Swarnagiri Venkateswara Temple : स्वर्णगिरी वेंकटेश्वर स्वामी मंदिर, ज्याला यदाद्री तिरुमला देवस्थानम म्हणूनही ओळखले जाते, हे हैदराबादपासून सुमारे 47 किमी अंतरावर भुवनगिरी येथील मानेपल्ली टेकड्यांवर आहे.

• हैदराबादपासून फक्त ४७ किमीवर बांधलेले भव्य स्वर्णगिरी वेंकटेश्वर मंदिर, आर्किटेक्चर, भव्य मूर्ती आणि आध्यात्मिक अनुभवासाठी प्रसिद्ध.
• मंदिरामागे एका चमत्कारिक उपचाराची सत्यकथा, ज्यामुळे हे मंदिर बांधण्याचा निर्णय झाला.
• मंदिरात १२ फूट उंच मूर्ती, ४० फूट एकाश्म हनुमान प्रतिमा आणि १.५ टनाची घंटा हे प्रमुख आकर्षण.

Swarnagiri Venkateswara Temple : हैदराबादजवळील(Hyderabad) भुवनगिरी येथे उभे असलेले स्वर्णगिरी वेंकटेश्वर स्वामी मंदिर (Swarnagiri Venkateswara Swamy Temple) म्हणजे केवळ एक देवस्थान नाही, तर आधुनिक भारतातील स्थापत्यकलेचा प्रतीकात्मक चमत्कार आहे. याला यदाद्री तिरुमला देवस्थानम म्हणूनही ओळखले जाते. २२ एकरांवर पसरलेले हे देवस्थान पाहताच पहिली भावना एकच “हे मंदिर जणू स्वर्गातून पृथ्वीवर उतरले आहे!”

मंदिराची रचना : प्राचीन साम्राज्यांचा जिवंत वारसा

मंदिराचे सौंदर्य दूरूनच डोळे खिळवते. चोल, पल्लव, चालुक्य आणि विजयनगर स्थापत्यशैलीचे मिश्रण या मंदिराला अत्यंत अद्वितीय ओळख देतात. मंदिराच्या चारही बाजूंना भव्य राजगोपुरम असून आत जाताच विशाल मंडप, आकर्षक कोरीवकाम आणि दिव्य वातावरण हा अनुभव अविस्मरणीय बनवतो. गर्भगृहातील भगवान वेंकटेश्वराची १२ फूट उंच भव्य प्रतिमा ही तेलंगणातील सर्वात मोठी मानली जाते. त्याच्यावर उभारलेले पाच मजली विमान गोपुरम हा या जागेचा आध्यात्मिक मुकुटच जणू.

हे देखील वाचा : Shrinathji Temple : राजस्थानातील नाथद्वारातील श्रीनाथजी मंदिराचा इतिहास अत्यंत प्राचीन; जाणून घ्या यामागील रंजक लोककथा

चमत्कारातून मंदिराचा जन्म

या मंदिरामागील सर्वात भावनिक घटना म्हणजे याचे संस्थापक उद्योगपती मानेपल्ली रामा राव आणि त्यांच्या पत्नी विजयलक्ष्मी यांच्या आयुष्यात घडलेला वैद्यकीय चमत्कार. गंभीर अपघातानंतर त्यांच्या पत्नी कोमात गेल्या होत्या आणि डॉक्टरांनी आशा सोडली होती. मात्र तिरुपतीहून आलेल्या पवित्र जलानंतर त्यांची प्रकृती चमत्कारिकरीत्या सुधारली. या अनुभवानंतर कृतज्ञतेने त्यांनी स्वतःच्या भूमीवर भव्य मंदिर उभारण्याचा संकल्प केला  आणि सात वर्षांत स्वर्णगिरी मंदिराची उभारणी पूर्ण झाली.

See more

video credit : social media and @karbharibhau

मंदिरातील प्रमुख आकर्षण

• ४० फूट उंच एकाश्म हनुमान मूर्ती : भारतातील दुर्मीळ शिल्पकलेचे उदाहरण
• १.५ टनाची कांस्य घंटा : दिव्य नाद वातावरण भारावून टाकतो
• जल नारायण सन्निधी : पाण्याने भरलेल्या गर्भगृहाचे प्रकाशित दर्शन मंत्रमुग्ध करते

हे देखील वाचा : देवालाही थंडी वाजते….पुण्यातील या मंदिरात हिवाळ्यात गणपतीला घातले जातात कपडे, गोंडस रूप पाहूनच मन मोहित होईल

दर्शन आणि आरती वेळा

तिथे कसे पोहोचाल?

• विमानाने: जवळचे विमानतळ : हैदराबाद (७६ किमी)
• रेल्वेने: भोंगीर जंक्शन सर्वात जवळचे
• रस्त्याने: हैदराबादहून सरळ बस किंवा खाजगी वाहन

 भेट देण्याचा सर्वोत्तम काळ

पावसाळा व हिवाळा कारण पावसाळ्यात हिरवीगार टेकडी मंदिराभोवती स्वर्गीय दृश्य निर्माण करते.