International Tiger Day: जगभरात आंतरराष्ट्रीय व्याघ्र दिन का साजरा केला जातो? जाणून घ्या वाघांविषयी काही रंजक माहिती

रशियामधील सेंट पीटर्सबर्ग शहरात २०१० मध्ये जागतिक व्याघ्र परिषदेचे आयोजन करण्यात आले होते. त्यानंतर परिषदेमध्ये घेण्यात आलेल्या निर्णयानुसार २९ जुलैला जागतिक व्याघ्र दिन साजरा करण्याचा निर्णय घेण्यात आला. परिषदेमध्ये भारताने आपल्या देशात वाघांची संख्या दुपट्ट करण्यासाठी प्रयत्न करावेत, असे निश्चित करण्यात आले होते.त्यानंतर भारताने देण्यात आलेल्या वेळेच्या आधीच अपेक्षित उद्दिष्ट पूर्ण केली, अशी माहिती राज्य वन्यजीव मंडळाचे माजी सदस्य आणि वन्यजीव अभ्यासक यादव तरटे यांनी दिली आहे.

जगभरात चार हजारांच्या आसपास वाघांची संख्या आहे. त्यातील ७५ टक्के वाघ भारतामध्ये आहेत. भारतमध्ये एकूण ५८ व्याघ्र प्रकल्पांमध्ये एकूण २ हजार ९६५ वाघ आहेत. त्यातील सहा व्याघ्र प्रकल्प महाराष्ट्रात असून त्यांच्यामध्ये ४०० हून अधिक वाघांची संख्या आहे. सर्वाधिक वाघाची संख्या ताडोबाच्या जंगलात आहे. अमरावती जिल्ह्यात मेळघाट व्याघ्र प्रकल्पात ५५ ते ६० इतके वाघ आहेत. भारतानंतर रशिया, इंडोनेशिया, नेपाळ, थायलंड, मलेशिया, भूतान, बांगलादेश आणि चीन इत्यादी देशांमध्ये सुद्धा वाघ अस्तित्वात असल्याचे सांगण्यात आले आहे.

Dinvishesh : देशाचे सुरक्षा कवच असलेल्या CRPF झाले स्थापन; जाणून घ्या 27 जुलैचा इतिहास

व्याघ्र दिन साजरा करण्याचे प्रमुख उद्देश:

• अवैध शिकार, आदिवासाचा ऱ्हास,मानव वन्यजीव संघर्ष यामधून वाघांना वाचवणे आणि वाघांच्या संरक्षणासाठी लोक जागृती करणे
• मानव वन्यजीव यांच्यातला संघर्ष कमी करणे.
• वाघांच्या नैसर्गिक अधिवासाचे रक्षण करणे.
• वाघांच्या संख्येवर लक्ष केंद्रित न करता वाघांसाठी सुरक्षित आणि निरोगी अधिवास सुनिश्चित करणे.
• वाघांच्या संरक्षणाकरिता आर्टिफिशियल इंटेलिजन्स आणि इतर आधुनिक तंत्रज्ञानाचा वापर करणे.

संबंधित बातम्या