Asia Cup 2025: ग्रुप ए मधून भारत-पाकिस्तान पात्र, तर ग्रुप बी चं गणित अवघड, कोण मारणार एंट्री?

आशिया कप २०२५ मध्ये भारत आणि पाकिस्तान सुपर-४ मध्ये पोहोचले आहेत. आता ग्रुप बीमधून कोणता संघ पात्र ठरणार? श्रीलंका, अफगाणिस्तान आणि बांगलादेश यांच्यातील समीकरणे समजून घ्या आणि जाणून घ्या सुपर-४ मध्ये कोण दाखल होणार.

• ग्रुप ए मधून भारत-पाकिस्तान पात्र
• तर ग्रुप बी चं गणित अवघड
• कोण मारणार एंट्री?

Asia Cup 2025 Super 4 Qualification Scenario: यूएईमध्ये सुरू असलेल्या चा थरार आता शिगेला पोहोचला आहे. या स्पर्धेत एकूण ८ संघ सहभागी झाले होते, ज्यांना दोन गटांमध्ये विभागले गेले. प्रत्येक गटातील टॉप २ संघ सुपर-४ मध्ये प्रवेश करतील. ग्रुप-ए मधून १० सामन्यांनंतर चित्र स्पष्ट झाले असून, भारत आणि पाकिस्तानने सुपर-४ मध्ये आपले स्थान निश्चित केले आहे. दुसरीकडे, ग्रुप-बीमधून एकही संघ अद्याप सुपर-४ मध्ये पोहोचलेला नाही, त्यामुळे या गटात पात्रता मिळवण्यासाठी ३ संघांमध्ये मोठी चुरस पाहायला मिळत आहे.

ग्रुप ए आणि बी मधील सध्याची स्थिती

ग्रुप ए मध्ये सर्वात आधी ओमानचा प्रवास संपला. त्यानंतर पाकिस्तानकडून झालेल्या पराभवामुळे यूएई संघही स्पर्धेतून बाहेर पडला. ग्रुप बी मध्ये हाँगकाँगचा संघ सर्वात आधी बाहेर झाला, कारण त्यांना एकही सामना जिंकता आला नाही. ओमान आणि हाँगकाँगने एकही विजय मिळवला नाही, तर यूएईने एक सामना जिंकला आणि दोन गमावले.

See more

Points Table 📊 Pakistan climb the table and officially qualify for the Super 4! The action intensifies in Group B, as three teams are in the fray & it could come down to NRR in the final league clash. ⚔️#PAKvUAE #DPWorldAsiaCup2025 #ACC pic.twitter.com/K1DSHbsiOT — AsianCricketCouncil (@ACCMedia1) September 18, 2025

श्रीलंका-अफगाणिस्तान सामन्यावर सर्व काही अवलंबून

सुपर-४ मध्ये ग्रुप बी मधून कोण पात्र ठरेल, हे आज बऱ्याच अंशी स्पष्ट होईल. १८ सप्टेंबर रोजी म्हणजे आज श्रीलंका आणि अफगाणिस्तान यांच्यात एक अत्यंत महत्त्वाचा सामना खेळला जाईल. या सामन्याच्या निकालावरच सुपर-४ मध्ये प्रवेश करणाऱ्या दुसऱ्या संघाचे भवितव्य अवलंबून आहे.

IND vs OMA: टीम इंडिया भिडणार ओमानशी; अबु धाबीमध्ये कसा आहे भारतीय संघाचा टी-२० रेकॉर्ड? वाचा एका क्लिकवर

सुपर-४ मध्ये पात्र होण्याचे गणित

• जर श्रीलंकेने विजय मिळवला: जर आजच्या सामन्यात श्रीलंकेने विजय मिळवला, तर अफगाणिस्तान स्पर्धेतून बाहेर पडेल आणि श्रीलंका सुपर-४ मध्ये पात्र ठरेल.
• जर अफगाणिस्तानने विजय मिळवला: जर अफगाणिस्तान संघाने अनपेक्षित विजय मिळवला, तर दुसऱ्या संघाचा निर्णय नेट रन रेटच्या आधारावर होईल. बांगलादेशचे सध्या ४ गुण असून त्यांचा नेट रन रेट -०.२७० आहे, तर श्रीलंकेचे ४ गुण असून त्यांचा नेट रन रेट +१.५४६ आहे. अशा परिस्थितीत अफगाणिस्तानचा संघ मोठा विजय मिळवेल, अशी बांगलादेशची अपेक्षा असेल, जेणेकरून त्यांच्या नेट रन रेटमध्ये सुधारणा होईल आणि ते सुपर-४ मध्ये पोहोचतील. या सामन्याच्या निकालावर बांगलादेशचे भवितव्य पूर्णपणे अवलंबून आहे.