सोमवार, 5 ऑक्टोबर 2026
Asian Games 2026 : हर कर मैदान फतेह ; 'या' पाच खास कारणांसाठी भारतासाठी खास राहिली ही स्पर्धा, सौजन्य : आयएएनएस
एशियन गेम्स 2026 मध्ये भारताची कामगिरी शानदार राहिली. देशाने एकूण 21 सुवर्ण पदकासह 85 मेडल आपल्या नावे केले. दरम्यान, एशियन गेम्स भारतासाठी अनेक गोष्टींनी ऐतिहासिक सिद्ध झाले. चला, आज आपण त्या 5 कारणांबाबत जाणून घेऊया, ज्यामुळे ही स्पर्धा प्रत्येत भारतीयांसाठी अविस्मरणीय ठरली.
एशियन गेम्स 2026 मध्ये भारतीय महिला हॉकीने 44 वर्षांचा आपला दुष्काळ संपुष्टात आणत भारतासाठी सुवर्ण पदक पटकावले. सलीमा टेटेच्या नेतृत्त्वात भारतीय महिला संघाने संपूर्ण स्पर्धेत शानदार कामगिरी केली. फायनलमध्ये भारताने चीनचा अटीतटीच्या सामन्यात 1-0 असा पराभव करत 1982 नंतर पहिल्यांदा गोल्ड पदक जिंकले.
मिक्स्ड मार्शल आर्ट्समध्ये भारताला एशियन गेम्सच्या इतिहासात आपले पहिले मेडल मिळाले. सुचिका तारियालने महिलांच्या 60 किलो वजनी गटात दमदार कामगिरी करताना कांस्य पदक जिंकले. दरम्यान, ती आपल्या सेमिफायनलच्या सामन्यात पराभूत झाली, ज्यामुळे भारत या स्पर्धेत गोल्ड वा सिल्वर मेडल घेण्यापासून हुकला.
सॉफ्ट टेनिस त्या खेळांमध्ये समाविष्ट आहे, ज्याला एशियन गेम्समध्ये पहिल्यांदा समाविष्ट करण्यात आले होते. भारताच्या वतीने या खेळात जय मीणाने पुरुषांच्या स्पर्धेत सर्वोत्तम कामगिरी करताना देशाला पहिले मेडल जिंकून दिले. जयने कांस्य पदक पटकावले. यासोबतच रोइंगमध्ये सतनाम सिंह आणि सलमान खान या जोडीने देखील भारताला पहिले पदक मिळवून दिले.
Asian Games 2026: भारतीय नारी सब पे भारी! लवलिना बोरगोहेनने जिंकले ‘सुवर्ण’; किरेन रिजिजू म्हणाले…
एशियन गेम्स 2026 मध्ये अनाहत सिंह स्क्वॅशमध्ये सिंगल्सच्या फायनलमध्ये पोहचणारी पहिली भारतीय महिला खेळाडू बनली. ते गोल्ड मिळवू शकले नाही, मात्र त्यांनी सिल्वर जिंकत इतिहास रचला. तसेच पोल वॉल्टमध्ये बरनिका इलांगोवनने एशियन गेम्समध्ये भारताला पहिले पदक जिंकून दिले. त्यांनी कांस्य पदक पटकावले.
भारताची महिला वेटलिफ्टर मीराबाई चानूने 28 वर्षांचा दुष्काळ संपुष्टात आणत एशियन गेम्सच्या इतिहासात पहिल्यांदा पदक प्राप्त केले. तिने रौप्य पदक पटकावले. तसेच सावन बरवालने मॅरेथॉनमध्ये 1982 नंतर भारताला पहिले मेडल जिंकून दिले. सावन रौप्य पदक जिंकत मायदेशी परतला.
