सोमवार, 5 ऑक्टोबर 2026
BrijBhushan Singh : महिला कुस्तीपटूंच्या कामगिरीबाबत बृजभूषण काय म्हणतात बघा, कधी काळी कुस्तीपटूंनी त्यांच्यावर केले होते गंभीर आर, सौजन्य: आयएएनएस
दरम्यान, बृजभूषण यांच्यावर 2023 साली कुस्तीविश्वातील प्रसिद्ध महिला कुस्तीपटूंनी लैंगिक अत्याचाराचे आरोप केले होते. त्यांना दिल्ली उच्च न्यायालयाने या आरोपातून 3 ऑगस्ट 2026 रोजी निर्दोष मुक्त केले. आता बृजभूषण सिंह यांनी एशियन गेम्समधील महिला कुस्तीपटूंच्या कामगिरीवर भाष्य करत पुन्हा एकदा कुस्ती विश्वात सक्रिय होण्याचा प्रयत्न केला आहे.
एका वृत्तसंस्थेशी संवाद साधताना बृजभूषण सिंह म्हणाले की, बघा, यावेळी कुस्तीमध्ये आमचा जो अंदाज होता तो फसला. मुलींची कामगिरी म्हणावी इतकी चांगली ठरली नाही. माझ्या मते एकूण 8 पदक यायला हवे होते, ज्यात 3 सुवर्ण, सिल्वर व ब्रॉंज पदकांचा समावेश होता, पण आले फक्त 6 पदक. असो तरी देखील 1966 नंतर कुस्तीमधील ही चांगली कामगिरी आहे. असं बोलू शकतो की, एशियन गेम्स 2023 सारखेच आम्हाला मेडल प्राप्त झाले, पण यावेळी सुवर्ण पदकांची संख्या जास्त आहे.
तिरंगा उंचावला, साताऱ्याचा डंका वाजवला! Asian Games 2026 मधल्या ‘सुवर्ण’वीरांचे भव्य स्वागत
ते पुढे म्हणाले की, आता कुस्तीवर काम करण्याची गरज आहे, कारण मागील दोन ते तीन वर्ष कुस्तीत काही ना काही घडत आले आहे. त्यामुळे चांगल्या कुस्तीपटूंच्या कामगिरीवर त्याचा परिणाम झाला. यावेळी सरकार, क्रीडा संघ आणि खेळाडूंमध्ये समतोल आहे. येथे जे 6 मेडल प्राप्त झाले, आमचा प्रयत्न असेल की, हे 6 पदक ऑलिम्पिकमध्येही आम्हाला मिळावी.
आपल्या राजकीय भविष्याबाबत विचारलेल्या प्रश्नावर बृजभूषण यांनी स्पष्ट केले की, वर्ष 2027 मध्ये होणारी विधानसभा निवडणूक मी लढवणार नाही. पुढील लोकसभेच्या निवडणूकांबाबत ते म्हणाले की, येणाऱ्या काळात त्याबाबत निर्णय घेऊ. ते स्पष्ट शब्दांत म्हणाले की, आता लोकसभा निवडणूका लढवण्याबाबतक मी कोणतेच वक्तव्य करू शकत नाही.
एशियन गेम्स 2026 मध्ये भारतीय पुरुष आणि महिला कुस्तीपटूंना एकूण 6 मेडल मिळाले. अमन सहरावत 57 किलोग्राम फ्रीस्टाइल गटात सुवर्ण जिंकण्यास यशस्वी राहिला. तर सुजीत कलकलने पुरुषांच्या 65 किलो वजनी गटातील फ्रीस्टाइल रेसलिंगमध्ये सुवर्ण जिंकले. नितेश सिवाच ग्रीको रोमनच्या 97 किलो वजनी गटात रौप्य जिंकला. महिला कुस्तीपटू अंतिम पंघालनमे 53 किलो वजनी गटात फ्रीस्टाइल रेसलिंगमध्ये सिल्वर मेडर जिंकले, तर दीपक पूनियाने कांस्य पदकाची कमाई केली. ग्रीको रोमन रेसलिंगच्या 87 किलो वजनी गटात पुरुष कुस्तीपटू सुनील कुमारला कांस्य पदकावर समाधान मानावे लागले.
