Asian Games 2026: भारत आणि श्रीलंका येणार आमनेसामने, 1 ऑक्टोबरला होणार उपांत्य फेरीत टक्कर

Asian Games 2026: आशियाई क्रिडा स्पर्धेत एक अजून सामना पावसामुळे रद्द करावा लागला आहे. नेपाळ आणि श्रीलंकेचा सामना रद्द झाला असून आता उपांत्य फेरीत श्रीलंका आणि भारत खेळणार आहे

• २९ सप्टेंबरची श्रीलंका आणि नेपाळ दरम्यानचा सामना पावसामुळे रद्द झाला

• मानांकनाच्या आधारावर श्रीलंका उपांत्य फेरीत पोहचली आहे 

• आता श्रीलंकेचा सामना डिफेंडिंग गोल्ड मेडलिस्ट भारतासह होईल 

Asian Games 2026: आशियाई क्रीडा स्पर्धेतील क्रिकेटचा दुसरा उपांत्य सामना भारत आणि श्रीलंका यांच्यात खेळला जाईल. हा सामना १ ऑक्टोबर रोजी भारतीय प्रमाणवेळेनुसार सकाळी १०:३० वाजता सुरू होईल. भारतीय संघाने अव्वल चारमध्ये स्थान मिळवल्याबरोबरच श्रीलंका उपांत्य फेरीत पोहोचला आहे. आशियाई क्रीडा स्पर्धेतील क्रिकेट स्पर्धांवर खराब हवामानाचा परिणाम होत आहे. आज सकाळी ५:३० वाजता होणारा श्रीलंका आणि नेपाळ यांच्यातील तिसरा उपांत्यपूर्व सामना सततच्या पावसामुळे रद्द करण्यात आला आणि श्रीलंकेने त्यांच्या श्रेष्ठ मानांकनाच्या आधारावर उपांत्य फेरीतील स्थान मिळवले.

पहिला उपांत्य सामना पाकिस्तान आणि बांगलादेश यांच्यात

आज होणारा बांगलादेश आणि मलेशिया यांच्यातील चौथा आणि अंतिम उपांत्यपूर्व सामनाही पावसामुळे रद्द झाला. बांगलादेशने त्यांच्या श्रेष्ठ मानांकनामुळे उपांत्य फेरीत प्रवेश केला आहे. याचा अर्थ आता पहिला उपांत्य सामना पाकिस्तान आणि बांगलादेश यांच्यात खेळला जाईल. त्यामुळे आता फायनलमध्ये नक्की कोणता संघ जाणार याची सर्वांना उत्सुकता लागून राहिली आहे. तर भारतीय संंघाने आपला मान राखत खेळ करावा अशीच चाहत्यांची अपेक्षा आहे. 

Explainer: एकाच वेळी २ आंतरराष्ट्रीय सामने खेळू शकतो का संघ? ICC चा नियम काय सांगतो

भारतीय संघ गतविजेता 

भारताने शेवटचे सुवर्णपदक चीनमधील हांगझू येथे झालेल्या आशियाई क्रीडा स्पर्धेत जिंकले होते. आशियाई क्रीडा स्पर्धेत क्रिकेटचा समावेश होण्याची ही पहिलीच वेळ होती. त्यावेळी ऋतुराज गायकवाड भारतीय संघाचे नेतृत्व करत होते. पावसामुळे बाधित झालेल्या अंतिम सामन्यात, प्रथम फलंदाजी करताना अफगाणिस्तानने १८.२ षटकांत ५ गडी गमावून ११२ धावा केल्या, त्यानंतर पाऊस आल्याने सामना पुढे चालू शकला नाही. त्यामुळे भारताने फलंदाजी न करता चांगल्या रँकिंगच्या आधारावर सुवर्णपदक जिंकले.

दोन्ही संघात कोणते खेळाडू 

भारतीय संघ: श्रेयस अय्यर (कर्णधार), अभिषेक शर्मा, संजू सॅमसन, इशान किशन, शिवम दुबे, तिलक वर्मा, विप्रज निगम, अक्षर पटेल, वाशिंगटन सुंदर, रवि बिश्नोई, जसप्रित बुमराह, हर्षित राणा, अर्शदीप सिंह, वैभव सूर्यवंशी

श्रीलंका संघ: सहान अराचिग्गे (कर्णधार), एशेन बंडारा, लसिथ क्रूसपुले, सोहन डी लिवरा, निरोशन डिकवेला (विकेटकीपर), बिनुरा फर्नांडो, नुवानिदु फर्नांडो, थारिंडु रत्नायके, दुशान हेमंथा, सिनेथ जयवर्धने, चमिका करुणारत्ने, गरुका संकेथ, वानुजा सहन, नुवान तुषारा, विजयकांत व्यासकांत

Asian Games 2026: सेमीफायनलमध्ये भिडणार IND – PAK? अंतिम सामन्यापर्यंत शेड्युल जाणून घ्या