Asian Games 2026: टीम इंडियाच्या सामन्याची बदलली वेळ, आता किती वाजता सुरू होणार सामने

Asian Games 2026: २०२६ च्या आशियाई क्रीडा स्पर्धेतील पुरुषांच्या क्रिकेट स्पर्धेत एक मोठा बदल करण्यात आला आहे. बाद फेरीचे वेळापत्रक बदलण्यात आले असून, दुपारचे सामने ३० मिनिटे लवकर सुरू होतील.

• आशियाई क्रिडा स्पर्धेचे वेळापत्रक क्रिकेट संघासाठी काय आहे 
• क्रिकेट स्पर्धेत मोठा बदल करण्यात आला आङे 
• बाद फेरीचे वेळापत्रक बदलले 

Asian Games 2026: १९ सप्टेंबर ते ४ ऑक्टोबर दरम्यान जपानमधील आयची-नागोया येथे होणाऱ्या २०२६ आशियाई खेळांमधील पुरुष क्रिकेट स्पर्धेसंदर्भात एक मोठी घडामोड समोर आली आहे. बाद फेरीच्या सामन्यांसंदर्भात एक महत्त्वपूर्ण निर्णय घेण्यात आला आहे, ज्यामध्ये वेळेतील बदलांचा समावेश आहे, ज्याचा परिणाम भारतीय संघाच्या वेळापत्रकावर होईल. बाद फेरीतील सामने ३० मिनिटे आधी खेळवण्यासाठी वेळापत्रकात बदल करण्यात आला आहे. 

अगदी पहिल्या दिवसापासूनच भारतीय क्रिकेट टीम चर्चेत राहिली आहे. बीसीसीआयने भारतीय क्रिकेट टीमच्या राहण्यासंदर्भातही आक्षेप घेतला होता. इथे राहण्याची सोय योग्य नसल्याचे म्हणणे होते आणि यावेळी आशिया गेम्सच्या व्यवस्थापनाने बीसीसीआयवर ताशेरे ओढत सर्वांना समान वागणूक देत अशल्याचेही सांगितले होते. दरम्यान आता पुन्हा वेळापत्रकातील बदलामुळे कोणत्या नवीन वादाला तोंड फुटणार नाही ना हेच पहावे लागेल.

Asian Games 2026: जपानमधील हॉटेल्सवरून प्रश्नचिन्ह; टीम इंडिया कुठे राहणार? BCCI ने स्पष्ट सांगितलं

पुरुष क्रिकेट स्पर्धेच्या वेळापत्रकात बदल

नवीन वेळापत्रकानुसार, बाद फेरीतील दुपारचे सामने स्थानिक वेळेनुसार दुपारी २:०० ऐवजी दुपारी १:३० वाजता सुरू होतील. भारतीय वेळेनुसार जपान भारतापेक्षा ३ तास ​​३० मिनिटे पुढे आहे. परिणामी, हे दुपारचे सामने आता स्थानिक वेळेनुसार सकाळी १०:०० वाजल्यापासून थेट प्रक्षेपित केले जातील. सामन्यांच्या वेळेतील या बदलामागील मुख्य कारण म्हणजे जपानमध्ये संध्याकाळी लवकर अंधार पडतो. शिवाय, स्पर्धेच्या ठिकाणी फ्लडलाइट्सची सोय नाही.

दरम्यान, पुरुषांचे टी२० सामने महिलांच्या सामन्यांपेक्षा जास्त वेळ चालतात, त्यामुळे दिवे बंद होण्यापूर्वी सामने पूर्ण व्हावेत यासाठी खेळ ३० मिनिटे लवकर सुरू करण्याचा निर्णय घेण्यात आला. अधिकृत वेबसाइटवर वेळापत्रक अद्ययावत करण्यात आले आहे, परंतु भारतीय ऑलिम्पिक संघटनेच्या (IOA) अधिकाऱ्यांचे म्हणणे आहे की त्यांना या बदलाची औपचारिक सूचना अद्याप मिळालेली नाही.

कोणते सामने पुन्हा नियोजित केले आहेत?

हा बदल फक्त काही बाद फेरीच्या सामन्यांना लागू होईल. दुसरा उपांत्यपूर्व फेरीचा सामना २८ सप्टेंबर रोजी होणार आहे, जिथे भारतीय पुरुष संघ थेट उपांत्यपूर्व फेरीतून आपल्या मोहिमेला सुरुवात करेल. हा सामना आता भारतीय प्रमाणवेळेनुसार सकाळी १०:०० वाजता सुरू होईल. जर भारत उपांत्य फेरीत पोहोचला, तर ते १ ऑक्टोबर रोजी मैदानात उतरतील, तो सामनाही भारतीय प्रमाणवेळेनुसार सकाळी १०:०० वाजता सुरू होईल. सुवर्णपदकाचा सामनाही भारतीय प्रमाणवेळेनुसार सकाळी १०:०० वाजता खेळला जाईल.

Asian Games 2026: ‘Back to Blues’! भगव्या रंगावरून वादानंतर मोठा निर्णय! भारतीय हॉकी संघ आता थेट…