Asian Games 2026: जपानमधील हॉटेल्सवरून प्रश्नचिन्ह; टीम इंडिया कुठे राहणार? BCCI ने स्पष्ट सांगितलं

Team India accommodation in asian games BCCI: जपानमध्ये होणाऱ्या आशियाई क्रीडा स्पर्धेत भारताचे पुरुष आणि महिला क्रिकेट संघ सहभागी होणार आहेत. या स्पर्धेसाठी भारतीय क्रिकेटपटूंच्या हॉटेल्स व्यवस्थेबद्दल प्रश्न उपस्थित केले जात होते, परंतु आता बीसीसीआयने यावर स्पष्टीकरण दिले आहे.

• नागोयातील हॉटेल्सवर प्रश्नचिन्ह
• टीम इंडियासाठी स्वतंत्र हॉटेलची मागणी?
• राजीव शुक्लांनी दिलं उत्तर

Asian games 2026: जपानमधील आयची-नागोया येथे १९ सप्टेंबरपासून आशियाई क्रीडा २०२६ स्पर्धा सुरु होतील. यामध्ये क्रिकेटचे सामनेही खेळले जातील. या आशियाई क्रीडा स्पर्धांमध्ये भारताचे पुरुष आणि महिला दोन्ही क्रिकेट संघ सहभागी होतील, ज्यासाठी बीसीसीआयने आपले संघ आधीच जाहीर केले आहेत. परंतु, स्पर्धा सुरू होण्यापूर्वी खेळाडूंच्या राहण्याच्या व्यवस्थेबाबत चर्चा सुरू होती. वृत्तानुसार, नागोयामध्ये मोठ्या हॉटेल्सच्या कमतरतेमुळे भारतीय क्रिकेटपटूंच्या राहण्याच्या व्यवस्थेबाबत प्रश्न उपस्थित केले जात होते. मात्र, बीसीसीआयचे उपाध्यक्ष राजीव शुक्ला यांनी स्पष्टीकरण दिले आहे.

IND A vs AUS A: हार्दिक पांड्याची टीम इंडियात एन्ट्री? ऑस्ट्रेलिया ‘अ’ मालिकेसाठी भारत ‘अ’ संघाची घोषणा; ‘हा’ खेळाडू कर्णधार

आशियाई क्रीडा स्पर्धेसाठी भारतीय संघ कुठे राहणार ?

२०२६ आशियाई क्रीडा स्पर्धेसाठीच्या भारतीय संघाच्या निरोप समारंभादरम्यान, बीसीसीआयचे उपाध्यक्ष राजीव शुक्ला यांनी भारतीय क्रिकेट संघाच्या राहण्याच्या व्यवस्थेसंदर्भात एक महत्त्वपूर्ण विधान केले. एका वृत्तसंस्थेशी बोलताना शुक्ला यांनी सांगितले की, भारतीय क्रिकेटपटू आयोजकांनी निश्चित केलेल्या निवासस्थानांमध्येच राहतील. बीसीसीआय आणि खेळाडू सध्याच्या सुविधांवर समाधानी आहेत आणि त्यामुळे, कोणत्याही वेगळ्या हॉटेलची व्यवस्था केली जाणार नाही.

ते पुढे म्हणाले की, ‘आयोजकांनी खेळांडूसाठी जिथे राहण्याची सोय केली आहे, खेळाडू तिथेच राहतील. खेळाडू कोणत्या हॉटेल्समध्ये राहणार यावर आम्ही सतत लक्ष ठेवून आहोत. ती फाईन्ह स्टार हॉटेल्स नाहीत, पण ती चांगली हॉटेल्स आहेत. आम्ही हॉटेल्सचे फोटो आणि व्हिडिओ पाहिले आहेत, त्यामुळे मला विश्वास आहे की ती आरामदायक असतील. खेळाडू याच हॉटेलमध्ये राहतील, कारण त्यांच्याकडे ओसाका किंवा टोकियोमध्ये राहण्याचा पर्याय होता, जी ठिकाणे खूप दूर आहेत.’ बीसीसीआयच्या उपाध्यक्षांनी पुढे सांगितले की, ‘भारतीय क्रिकेटपटू शेअरिंग रुममध्ये राहणार नाहीत; ते स्वतंत्र रुममध्ये राहतील.’

🔴INDIAN MEN’S TEAM TO STAY ON A CRUISE🤯 BCCI is not happy with Cricketers Sharing Rooms in Asian games. – BCCI has appealed to IOA not to put two players in one room. – Men’s team will stay on a cruise ship, while the Women’s team will stay in a hotel. – IOA has not… pic.twitter.com/ExuECGNZOH — Sam (@cricsam02) September 4, 2026

टीम इंडिया २० सप्टेंबरला टोकियोसाठी रवाना होणार

भारतीय पुरुष क्रिकेट संघ २०२६ च्या आशियाई क्रीडा स्पर्धेसाठी २० सप्टेंबर रोजी टोकियोला रवाना होईल, जिथे २२ सप्टेंबर रोजी भारत आणि जपान यांच्यात एक ऐतिहासिक टी-२० आंतरराष्ट्रीय सामना खेळला जाईल. यानंतर, श्रेयस अय्यरच्या नेतृत्वाखालील भारतीय संघ २८ सप्टेंबर रोजी आशियाई खेळांमधील आपला पहिला सामना खेळेल, जो उपांत्यपूर्व फेरीचा सामना असेल.

आशियाई क्रीडा स्पर्धा २०२६ साठी भारतीय पुरुष क्रिकेट संघ

श्रेयस अय्यर (कर्णधार), अभिषेक शर्मा, वैभव सूर्यवंशी, संजू सॅमसन (विकेटकीपर), ईशान किशन (विकेटकीपर), शिवम दुबे, तिलक वर्मा (उपकर्णधार), नितीश कुमार रेड्डी, अक्षर पटेल, वॉशिंग्टन सुंदर, वरुण चक्रवर्ती, रवि बिश्नोई, जसप्रीत बुमराह, हर्षित राणा, अर्शदीप सिंग.

Asian Games 2026: ‘Back to Blues’! भगव्या रंगावरून वादानंतर मोठा निर्णय! भारतीय हॉकी संघ आता थेट…