सोमवार, 9 नोव्हेंबर 2026
नीरू आणि कायनाने मिळवले सुवर्णपदक (फोटो सौजन्य - X.com)
Historic Gold for Bharat! 🇮🇳🥇 Heartiest congratulations to Neeru Dhanda and Kynan Chenai on winning India’s first-ever Gold in the Trap Mixed Team event at the #AsianGames2026, setting a new Asian Record with 34/40 shots. A record-breaking performance that has made the nation… pic.twitter.com/hIgyk0P3ee — Kiren Rijiju (@KirenRijiju) September 30, 2026
भारतीय जोडीने केवळ सुवर्णपदकच जिंकले नाही, तर नेमबाजीमध्ये एक नवीन खंडीय विक्रमही प्रस्थापित केला. कायनान आणि नीरू यांनी अंतिम फेरीत ३४ गुणांसह आशियाई विक्रम मोडला. विशेष म्हणजे, यापूर्वीचा आशियाई विक्रम ३० गुणांचा होता, जो यावर्षी जानेवारीमध्ये कतारी संघाने प्रस्थापित केला होता. अंतिम फेरीत, कतारी संघ ३२ गुणांसह दुसऱ्या स्थानावर राहिला आणि त्यांना रौप्यपदकावर समाधान मानावे लागले. दरम्यान, ची यिंग आणि सुन युनॉन्ग या चिनी जोडीने २३ गुणांसह कांस्यपदक जिंकले.
२६ वर्षीय नीरू धांडासाठी ही आशियाई क्रीडा स्पर्धा एक स्वप्नपूर्ती ठरली आहे. मंगळवारी, नीरूने महिलांच्या ट्रॅप वैयक्तिक प्रकारात आशियाई विक्रमासह सुवर्णपदक जिंकून इतिहास रचला आणि आशियाई क्रीडा स्पर्धेच्या भव्य मंचावर वैयक्तिक ट्रॅप पदक जिंकणारी पहिली भारतीय महिला नेमबाज ठरली. त्यानंतर तिने मिश्र सांघिक प्रकारात कायनान चेनाईसोबत जोडी करून आणखी एक आशियाई विक्रम प्रस्थापित केला आणि भारताला २४ तासांत दुसरे सुवर्णपदक मिळवून दिले. या यशामुळे भारताच्या एकूण पदकांची संख्या ५४ (८ सुवर्ण) झाली आहे.
Asian Games 2026 : हमारी छोरियाँ किसी से कम नहीं; 4×400 मीटर रिले स्पर्धेत भारताची सुवर्ण कामगिरी
