सोमवार, 9 नोव्हेंबर 2026
56 Crore Fund Approved for Sanitation Workers Housing
Pune News: खासगी ट्रॅव्हल्सच्या दरांवर नियंत्रण कधी? दिवाळीनिमित घरी जाणाऱ्यांच्या खिशाला कात्री
पंढरपूर येथे दिवाळीनिमित्त सफाई कामगारांसोबत फराळाचा कार्यक्रम आणि त्यांच्या सन्मान सोहळ्याचे आयोजन करण्यात आले होते. त्याप्रसंगी पालकमंत्री बोलत होते. यावेळीआमदार समाधान आवताडे, जिल्हाधिकारी एस. कार्तिकेयन, माजी आमदार प्रशांत परिचारक, कामगार नेते गुरु देवडी, दिलीप धोत्रे, अनिल सावंत, नगरसेवक नागेश भोसले, सुनील वाळूजकर,तहसीलदार सचिन लंगोटे, मुख्याधिकारी महेश रोकडे यांच्यासह मोठ्या संख्येने सफाई कामगार उपस्थित होते.
यावेळी बोलताना पालकमंत्री गोरे म्हणाले, अतिरिक्त 150 सफाई कामगारांचा जिल्हाधिकारी यांच्याकडे प्रस्ताव प्रलंबित आहे. जिल्हाधिकारी यांनी हा प्रस्ताव मंजूर करून कामगारांना दिवाळीची भेट द्यावी. यामध्ये काही अडचणी असतील, तर त्यातून मार्ग काढण्यात येईल. सफाई कामगारांच्या हिताचे निर्णय घेण्यास शासन सकारात्मक आहे.
पंढरपूरची आषाढी वारी स्वच्छ आणि सुंदर वारी म्हणून महाराष्ट्रासह देशात आणि जागतिक स्तरावर ओळख निर्माण करीत आहे. मागील दोन-तीन वर्षांपासून आषाढी वारीच्या स्वच्छतेचे सर्वत्र कौतुक होत आहे. या यशामध्ये सफाई कामगारांचे योगदान अत्यंत महत्त्वाचे आहे. आषाढी वारीदरम्यान आपण उत्कृष्ट स्वच्छतेचे काम केल्यामुळे पंढरपूर स्वच्छ आणि सुंदर राहण्यास मदत झाली. या कामामुळे मुख्यमंत्री आणि पालकमंत्री म्हणून आपलेही कौतुक होत आहे. मात्र, या यशाचे खरे शिलेदार सफाई कामगार आहेत, असे गौरवोद्गार त्यांनी काढले.
यावेळी आमदार समाधान आवताडे आणि माजी आमदार प्रशांत परिचारक यांनीही सफाई कामगारांना दिवाळीच्या शुभेच्छा दिल्या. तसेच कामगारांना त्यांच्या हक्काची घरे लवकरात लवकर मिळावीत, अशी अपेक्षा व्यक्त केली. कार्यक्रमाचे प्रास्ताविक अभिराज उबाळे यांनी केले. त्यांनी २००७ पासून सफाई कामगारांच्या परिस्थितीचा आढावा घेत त्यांच्या विविध समस्या मांडल्या. तसेच कामगारांना हक्काचे घर मिळावे, अशी मागणी केली.
यावेळी मुख्यमंत्री देवेंद्र फडणवीस यांच्या वतीने महिला सफाई कामगारांना भाऊबीजेची भेट पालकमंत्री जयकुमार गोरे यांच्या हस्ते प्रातिनिधिक स्वरूपात देण्यात आली. तसेच पुरुष सफाई कामगारांना दिवाळी भेट देऊन सन्मानित करण्यात आले. यावेळी पालकमंत्री जयकुमार गोरे आणि उपस्थित मान्यवरांनी सफाई कामगारांसोबत दिवाळीचा फराळ घेतला. प्रारंभी महिला कामगारांनी दिवाळीनिमित्त पालकमंत्री महोदय यांचे औक्षण केले. जयाभाऊ क्रिकेट स्पर्धेचे प्रथम पारितोषिक 40-16 या संघाने जिंकल्याबद्दल त्या संघाचे चषक देऊन पालकमंत्री यांच्या हस्ते सन्मानित करण्यात आले.
Ans: पंढरपूर कॉरिडॉरअंतर्गत पहिल्या टप्प्यात शहरातील २१३ सफाई कामगारांना हक्काची घरे देण्यात येणार आहेत.
Ans: प्रत्येक सफाई कामगाराला प्रत्येकी ६०० चौरस फुटांचे घर देण्याची घोषणा करण्यात आली आहे.
Ans: पहिल्या टप्प्यात २१३ घरांसाठी ५६ कोटी रुपयांचा निधी मंजूर करण्यात आला आहे.
