गुरुवार, 1 ऑक्टोबर 2026
भारत आणि श्रीलंका यांच्यात आज सेमीफायनल (फोटो सौजन्य - इन्स्टाग्राम)
श्रीलंकेच्या कर्णधाराने नाणेफेक जिंकून निसिन मैदानावर प्रथम गोलंदाजी करण्याचा निर्णय घेतला आणि भारतीय संघाला प्रथम फलंदाजीसाठी आमंत्रित केले. या सामन्याचा विजेता ३ ऑक्टोबर रोजी अंतिम सामन्यात पाकिस्तानचा सामना करेल. पाकिस्तानने पहिल्या उपांत्य सामन्यात बांगलादेशला हरवून विजेतेपदाच्या सामन्यासाठी आधीच पात्रता मिळवली आहे.
Asian Games 2026: भारत आणि श्रीलंका येणार आमनेसामने, 1 ऑक्टोबरला होणार उपांत्य फेरीत टक्कर
View this post on Instagram
कर्णधार श्रेयस अय्यरच्या नेतृत्वाखालील भारतीय संघ श्रीलंकेविरुद्धच्या या महत्त्वपूर्ण सामन्यासाठी खूप मजबूत आणि संतुलित दिसत आहे. भारतीय फलंदाजीच्या क्रमात युवा आणि अनुभवी खेळाडूंचे चांगले मिश्रण आहे. युवा फलंदाज वैभव सूर्यवंशी आणि आक्रमक अष्टपैलू अभिषेक शर्मा भारतीय डावाची सुरुवात करतील, तर कर्णधार श्रेयस अय्यर, संजू सॅमसन आणि इशान किशन मधल्या फळीची जबाबदारी सांभाळतील. वैभव सूर्यवंशी आज पहिल्यांदाच फलंदाजी करणार असून त्याच्या खेळाकडे सर्वांचं लक्ष लागलं आहे. गेल्या काही सामन्यात त्याला खेळण्याची संधी मिळाली नव्हती. त्यामुळे आज सेमीफायनलमध्ये तो काय कमाल करणार हे पहावं लागेल.
भारतीय संघाची खालची मधली फळीही मजबूत आहे, ज्यात तिलक वर्मा आणि स्फोटक अष्टपैलू शिवम दुबे मोठे फटके मारण्यास सक्षम आहेत. फिरकी गोलंदाजी विभागाचे नेतृत्व अक्षर पटेल, वॉशिंग्टन सुंदर आणि लेग-स्पिनर रवी बिश्नोई करतील, जे धावगती नियंत्रित करण्यात आणि बळी घेण्यात पारंगत आहेत. अक्षर पटेलने आपल्या गोलंदाजीने पुन्हा एकदा सर्वांना मोहित केलंय आणि याशिवाय त्याची फिल्डिंग हादेखील चर्चेचा विषय ठरत आहे.
Explainer: एकाच वेळी २ आंतरराष्ट्रीय सामने खेळू शकतो का संघ? ICC चा नियम काय सांगतो
वेगवान गोलंदाजी आक्रमणाचे नेतृत्व जसप्रीत बुमराह करेल, जो जगातील सर्वात घातक गोलंदाजांपैकी एक आहे. श्रीलंकेसारख्या बलाढ्य संघाविरुद्ध, बुमराहचे सुरुवातीचे चेंडू भारताला सामन्यावर मजबूत पकड ठेवण्यासाठी निर्णायक ठरतील.
भारताचा संघ: वैभव सूर्यवंशी, अभिषेक शर्मा, संजू सॅमसन (यष्टीरक्षक), श्रेयस अय्यर (कर्णधार), इशान किशन, तिलक वर्मा, शिवम दुबे, अक्षर पटेल, वॉशिंग्टन सुंदर, रवी बिश्नोई, जसप्रीत बुमराह
