Asian Para Games: भारताची मान अभिमानाने उंचावली! Simran ने रचला ‘हा’ इतिहास, होणार जंगी स्वागत

Asian Para Games: सिमरनचे अभिनंदन करताना संचालक धीरेंद्र सिंह सचान म्हणाले, ' सिमरनने आपली जिद्द, कठोर परिश्रम, शिस्त आणि अटळ निश्चय यामुळे भारताची मान अभिमानाने उंचावली आहे.  

• जपानमध्ये सुरू आहे एशियन पॅरा गेम्स 2026 
• उत्तर प्रदेशच्या सिमरनने पटकावले प्रथम स्थान 
• यूपीसह संपूर्ण देशभरातून होतेय सिमरनचे कौतुक 

Asian Para Games 2026: जपानमध्ये सध्या एशियन पॅरा गेम्स 2026 स्पर्धा सुरू आहे. आशियाई पॅरा गेम्स-२०२६ मध्ये उत्तर प्रदेशच्या गाझियाबादची सुकन्या, पॅरा ॲथलीट आणि प्रतिष्ठित ‘अर्जुन पुरस्कार’ सन्मानित सिमरनने ऐतिहासिक कामगिरी केली आहे. या स्पर्धेत तिने १०० मीटर आणि २०० मीटर शर्यतीत प्रथम क्रमांक पटकावून भारताचे आणि उत्तर प्रदेशचा सन्मान वाढवला आहे.

सिमरनच्या या उत्तुंग कामगिरीमुळे उत्तर प्रदेश आणि भारताचे नाव जगभरात उंचावले गेले आहे. क्रीडा वर्तुळातून आणि राजकीय स्तरातून तिच्यावर अभिनंदनाचा वर्षाव होत आहे. अत्यंत कठीण परिस्थितीवर मात करत तिने मिळवलेले हे यश देशातील युवा खेळाडूंसाठी एक नवी प्रेरणा ठरत आहे. उत्तर प्रदेश सरकार सातत्याने क्रीडा क्षेत्रात नवनवीन गोष्टी करताना दिसत असल्याचे म्हटले जात आहे. त्याचेच हे एक उदाहरण असल्याचे म्हटले जात आहे.

सिमरन ही उत्तर प्रदेशमध्ये प्रशासकीय सेवेत देखील कार्यरत असल्याचे समोर आले आहे. यामधून तिने ती केवळ उत्कृष्ट खेळाडूच नव्हे तर कर्तव्यदक्ष अधिकारी असल्याचे दाखवून दिले आहे. सध्या सिमरन उत्तर प्रदेश सरकारच्या पंचायती राज विभागात ‘जिल्हा पंचायत राज अधिकारी’  या महत्वाच्या पदावर प्रशासकीय सेवेत कार्यरत आहे.

Asian Para Games : सुमित अंतिलचा भालाफेकीत ‘गोल्डन’ थ्रो! भारताची पदकांची विक्रमी शंभरी पार

सिमरनचे अभिनंदन करताना संचालक धीरेंद्र सिंह सचान म्हणाले, ‘ सिमरनने आपली जिद्द, कठोर परिश्रम, शिस्त आणि अटळ निश्चय यामुळे भारताची मान अभिमानाने उंचावली आहे.  तिचे हे यश केवळ क्रीडापटूंसाठीच नव्हे, तर देशातील तमाम तरुणांसाठी एक मोठी प्रेरणा ठरत आहे.

जपानमध्ये आयोजित करण्यात आलेल्या पाचव्या आशियाई पॅरा गेम्स-२०२६ मध्ये अर्जुन पुरस्कारविजेती सिमरन हिने १०० मीटर आणि २०० मीटर शर्यतीत दुहेरी सुवर्णपदक पटकावून देशाचा गौरव वाढवला आहे. पंचायती राज विभागाचे संचालक धीरेंद्र सिंह सचान यांनी सिमरनच्या या ऐतिहासिक कामगिरीच्या सन्मानार्थ तिच्या स्वागताची विशेष व्यवस्था करण्याचे स्पष्ट निर्देश दिले आहेत.

सिमरन जेव्हा मायदेशी परत येईल, तेव्हा नवी दिल्ली येथील इंटरनॅशनल एअरपोर्टवर तिचे मोठ्या उत्साहात स्वागत करण्यात येईल. तिथून तिला सन्मानाने आणि आनंदात लखनौमध्ये स्वागत केले जाईल. एका प्रशासकीय अधिकाऱ्याने खेळाच्या मैदानात आंतरराष्ट्रीय स्तरावर देशाची मान उंचावणे ही संपूर्ण विभागासाठी अत्यंत अभिमानास्पद बाब आहे. तिच्या आगमनानिमित्त प्रशासनाकडून करण्यात येणारे हे भव्य स्वागत राज्यातील इतर तरुण खेळाडूंना आणि शासकीय कर्मचाऱ्यांना क्रीडा क्षेत्रात उत्तुंग कामगिरी करण्यासाठी नक्कीच प्रेरणा देईल, असा विश्वास व्यक्त केला जात आहे.

Asian Para Games : नितेश-थुलसिमथीची रौप्यपदकाला गवसणी; पॅरा बॅडमिंटनमध्ये भारताची दमदार कामगिरी!