AUS vs BAN: बांग्लादेशचा धुमाकूळ (फोटो सौजन्य - सोशल मीडिया)
AUS vs BAN: उलटा पडला डाव! बांग्लादेशी ठरले वरचढ, 29 धावातच ऑस्ट्रेलियाचे 4 गडी बाद, झाली दमछाक
आपले प्रमुख वेगवान गोलंदाज नाहिद राणा, मुस्तफिजुर रहमान आणि शोरिफुल इस्लाम यांच्याशिवाय पहिली कसोटी खेळणाऱ्या बांगलादेशी संघासाठी हसन महमूद हिरो ठरला. या २७ वर्षीय उंच वेगवान गोलंदाजाने जेक वेदरॉल्ड (२३), ट्रॅव्हिस हेड (२२), स्टीव्ह स्मिथ (७१), पॅट कमिन्स (९), मिचेल स्टार्क (१) आणि नॅथन लायन (७) यांचे बळी घेतले. हसन महमूदची ५५/६ ही गोलंदाजीची आकडेवारी कसोटी क्रिकेटमधील कोणत्याही बांग्लादेशी वेगवान गोलंदाजाची तिसरी सर्वोत्तम कामगिरी आहे. त्याच्या आधी शहादत होसेन आणि इबादत होसेन यांचा क्रमांक लागतो, ज्यांनी प्रत्येकी सहा बळी घेतले, पण कमी धावा दिल्या.
या पडझडीमुळे ऑस्ट्रेलियाची फलंदाजी पुन्हा एकदा टीकेची धनी झाली आहे. नाणेफेक जिंकून प्रथम फलंदाजी करताना कांगारूंनी चांगली सुरुवात केली. ११ षटकांत धावसंख्या ४५ धावा होती, पण तिथून सुरू झालेली पडझड कधीच थांबली नाही. नियमित अंतराने विकेट्स पडत राहिल्या. स्टीव्ह स्मिथने एक बाजू सांभाळून धरली आणि आपले अर्धशतकही पूर्ण केले, पण त्याला दुसऱ्या बाजूने साथ मिळाली नाही.
२३ वर्षांनंतर कसोटी सामन्यासाठी ऑस्ट्रेलियात आलेल्या बांगलादेशला दोन कसोटी सामन्यांच्या मालिकेत व्हाईटवॉश मिळाला. २००३ मध्ये जेव्हा बांगलादेशने शेवटचा ऑस्ट्रेलिया दौरा केला होता, तेव्हा दोन कसोटी सामन्यांच्या मालिकेत त्यांचा व्हाईटवॉश झाला होता. ऑस्ट्रेलियाने पहिला सामना एक डाव आणि १३२ धावांनी, तर दुसरा सामना एक डाव आणि ९८ धावांनी जिंकला होता. यावेळी, कर्णधार नज्मल हसन शांतोच्या नेतृत्वाखालील बांगलादेशचा संघ इतिहास रचण्याच्या प्रयत्नात असेल.
.png "Videos"){kind=small}
