Pune Cricket Competition
पहिल्या सामन्यात प्रथम फलंदाजी करताना एसएसए ॲकॅडमीने २० षटकांत ९ गडी गमावून १४४ धावा केल्या. प्रणवी बनसोडे (३७ धावा), तनवी रटकंठीवर (२७ धावा) आणि जान्हवी पोळ (२० धावा) यांनी संघाचा डाव सावरला. व्हेरॉक वेंगसरकर ॲकॅडमीकडून श्रृती यादवने अचूक मारा करत २८ धावांत ४ गडी बाद केले, तर अवनी पाटीलने २ बळी घेतले.
१४५ धावांच्या आव्हानाचा पाठलाग करताना व्हेरॉक वेंगसरकर ॲकॅडमीच्या सलामीच्या जोडीने आक्रमक फलंदाजी करत अवघ्या १४.१ षटकांत बिनबाद १४८ धावा फटकावत १० गडी राखून सहज विजय मिळवला. मेहक मुल्ला हिने ४६ चेंडूंत १७ चौकारांसह नाबाद ८३ धावांची, तर आराध्या पवार हिने ३९ चेंडूंत ११ चौकारांसह नाबाद ५९ धावांची तुफानी खेळी केली.
दुसऱ्या सामन्यात प्रथम फलंदाजी करणाऱ्या स्कोअर स्पोर्ट्स ॲकॅडमीने २० षटकांत ४ गडी बाद १७७ धावांचा डोंगर उभा केला. आर्या चिखलीकर हिने अवघ्या ३० चेंडूंत १० चौकारांच्या मदतीने ५२ धावांची वादळी खेळी केली, तर समिक्क्षा पवार हिने ४५ चेंडूंत ७ चौकारांसह ५० धावा करत तिला उत्तम साथ दिली.१७८ धावांच्या लक्ष्याचा पाठलाग करताना लक्ष्य क्रिकेट ॲकॅडमीचा संघ २० षटकांत ३ गडी बाद १२५ धावांपर्यंतच मजल मारू शकला. लक्ष्य ॲकॅडमीकडून तनिष्का बागुल (५० चेंडूंत १४ चौकारांसह ७० धावा) आणि मेघना मोले (३५ चेंडूंत ६ चौकारांसह नाबाद ३३ धावा) यांनी दिलेली झुंज अपुरी ठरली. स्कोअर स्पोर्ट्स ॲकॅडमीने हा सामना ५२ धावांनी जिंकला.
तत्पूर्वी, माजी रणजीपटू सुभाष रांजणे यांच्या हस्ते या स्पर्धेचे शानदार उद्घाटन करण्यात आले. यावेळी पिंपरी-चिंचवड शहर क्रिकेट असोसिएशनचे अध्यक्ष जगदीश शेट्टी, सचिव राजू कोतवाल, समिती सदस्य सुशील जाधव, प्रशांत तेलंगे, आनंद नायडू आणि मुकेश गुजराती आदी मान्यवर उपस्थित होते.
Cricket News: खेळायचं तर रांगड्या पद्धतीनं! ‘या’ लीगमध्ये लाइफफिट क्रिकेट अकादमीचा सलग दुसरा विजय
सामन्यांचा संक्षिप्त निकाल
पहिला सामना:एसएसए ॲकॅडमी: २० षटकांत ९ बाद १४४ धावा (प्रणवी बनसोडे ३७, तनवी रटकंठीवर २७, जान्हवी पोळ २०; श्रृती यादव ४-२८, अवनी पाटील २-१७) पराभूत वि. व्हेरॉक वेंगसरकर क्रिकेट ॲकॅडमी: १४.१ षटकांत बिनबाद १४८ धावा (मेहक मुल्ला नाबाद ८३ [४६ चेंडू, १७ चौकार], आराध्या पवार नाबाद ५९ [३९ चेंडू, ११ चौकार]).सामन्यातील सर्वोत्कृष्ट खेळाडू: मेहक मुल्ला.
Ans: ‘ऑक्सिरीच करंडक’ स्पर्धेच्या पहिल्या दिवशी व्हेरॉक वेंगसरकर क्रिकेट ॲकॅडमी आणि स्कोअर स्पोर्ट्स ॲकॅडमी यांच्यात लढत झाली.
Ans: माजी रणजीपटू सुभाष रांजणे यांच्या हस्ते या स्पर्धेचे शानदार उद्घाटन करण्यात आले.
.png "Videos"){kind=small}
