भर रस्त्यात बाबर आझमची धक्काबुक्कीनंतर हाणामारीत रुपांतर! Video Viral

संघाबाहेर असलेला बाबरही खराब फॉर्ममध्ये आहे आणि आता त्याच्या नावावर आणखी एक वाद जोडला गेला आहे. त्याचा एक व्हिडिओ सोशल मीडियावर व्हायरल होत आहे, ज्यामध्ये तो लाहोरच्या रस्त्यांवर वाद घालताना दिसत आहे.

मागील काही वर्षांपासून बाबर आझमचा फॉर्म खराब चालू आहे. त्यामुळे सोशल मीडियावर त्याला सातत्याने मोठ्या प्रमाणात ट्रोल केले जाते. पाकिस्तान क्रिकेट संघाचा माजी कर्णधार बाबर आझम सध्या मैदानावर त्याचबरोबर मैदानावरील अडचणींनी त्याला मोठ्या प्रमाणात घेतले गेले आहे. संघाबाहेर असलेला बाबरही खराब फॉर्ममध्ये आहे आणि आता त्याच्या नावावर आणखी एक वाद जोडला गेला आहे. त्याचा एक व्हिडिओ सोशल मीडियावर व्हायरल होत आहे, ज्यामध्ये तो लाहोरच्या रस्त्यांवर वाद घालताना दिसत आहे.

मीडियाच्या माहितीनुसार, ही घटना लाहोरमधील आहे असा अंदाज लावला जात आहे. शुक्रवारी म्हणजेच 30 मे रोजी पाकिस्तानी क्रिकेट खेळाडू बाबर आजम हा नमाज अदा करण्यासाठी मशिदीत गेला होता, या वेळेचा हा व्हिडिओ आहे. जेव्हा तो नमाज अदा करून झाल्यानंतर बाहेर आला त्यानंतर लोकांनी त्याचा व्हिडिओ काढण्याचा प्रयत्न केला. सुरुवातीला बाबरने त्यांना असे करण्यापासून रोखले, पण जेव्हा लोकांनी ऐकले नाही तेव्हा बाबरला राग आला.

IPL 2025 च्या पर्पल कॅपच्या शर्यतीत या दोन गोलंदाजांना प्रसिद्ध कृष्णाचे स्थान हिसकावून घेण्याची संधी!

पुढे व्हिडीओमध्ये पाहायला मिळत आहे की, बाबर त्या लोकांकडे गेला आणि वादविवाद सुरू झाला. वाद इतका वाढला की त्याचे रूपांतर हाणामारीत झाल्याचे सांगण्यात येत आहे. बाबर टी-शर्ट आणि लोअर घातलेल्या एका पुरूषाला खांदा लावतानाही दिसला. यादरम्यान, तिथे उपस्थित असलेल्या काही लोकांनी संपूर्ण घटनेचा व्हिडिओ बनवला, जो आता सोशल मीडियावर व्हायरल होत आहे. रस्त्याच्या मधोमध बाबर वाद घालताना पाहून लोकांची गर्दी जमली. असे म्हटले जात आहे की एका व्यक्तीने बाबर नमाज पठण करतानाचा व्हिडिओ रेकॉर्ड करण्याचा प्रयत्न केला होता, ज्यामुळे तो संतापला. नमाजसारख्या पवित्र गोष्टीचा व्हिडिओ बनवण्यास बाबरने आक्षेप घेतला.

See more

After getting dropped from the Pakistan team, Babar Azam is fighting with his fans. pic.twitter.com/xYEFA7Xxk6

— M (@anngrypakiistan) May 30, 2025

सुदैवाने, प्रकरण फारसे वाढले नाही. काही वेळ वादविवाद झाल्यानंतर, बाबर सरळ त्याच्या गाडीत बसला आणि तिथून निघून गेला. मात्र, सोशल मीडियावर व्हायरल झालेल्या व्हिडिओबाबत लोक वेगवेगळ्या प्रतिक्रिया देत आहेत. बाबर आझमचे नाव गेल्या काही काळापासून अनेक वादांमध्ये येत आहे. क्रिकेटमधील त्याची कामगिरी चढ-उतारांनी भरलेली आहे आणि आता मैदानाबाहेरील घटनांचा त्याच्या प्रतिमेवर परिणाम होत आहे. या ताज्या घटनेने तो पुन्हा एकदा प्रकाशझोतात आला आहे.