GT जिंकली पण Shubman Gill ला ‘ही’ चूक पडली महागात; बीसीसीआयने घेतली गंभीर दखल

शुभमन गिलकडून ही चूक पुन्हा झाल्यास दंड दुप्पट केला जाईल. तिसऱ्यांदा ही चूक झाल्यास शुभमन गिलवर एक सामना खेळण्यासाठी बंदी केली जाऊ शकते.

गुजरातचा कर्णधार शुभमन गिलला 12 लाखांचा दंड 
गुजरातने 1 रन्सने मिळवला दिल्ली कॅपिटल्सवर विजय 
स्लो ओव्हर रेटमुळे बीसीसीआयने ठोठावला दंड

Gujrat Titans IPL 2026 Updates: काल दिल्लीतील अरुण जेटली स्टेडियमवर दिल्ली कॅपिटल्स विरुद्ध गुजरात टायटन्स सामना पार पडला. डेव्हिड मिलरने केलेल्या एका चुकीमुळे दिल्ली कॅपिटल्सचा 1 रनने पराभव झाला आहे. तर गुजरात टायटन्सने यंदाच्या हंगामात आपला पहिला विजय मिळवला आहे. मात्र सामना जिंकला तरी बीसीसीआयने कर्णधार शुभमन गिलला दंड ठोठावला आहे. हे प्रकरण नक्की काय आहे ते जाणून घेऊयात.

गुजरात टायटन्स विरुद्ध दिल्ली कॅपिटल्स सामन्यात स्लो ओवर रेटमुळे कर्णधार शुभमन गिलला बीसीसीआयने 12 लाखांचा दंड ठोठावण्यात आला आहे. शुभमन गिलची आयपीएलमधील ही पहिलीच चूक आहे. स्लो ओवर रेट ठेवल्यामुळे शुभमन गिलवर 12 लाखांचा दंड आकारण्यात आल्याचे आयपीएलने सांगितले आहे.

शुभमन गिलला 12 लाखांचा दंड

आयपीएलचा नियम 2.22 अंतर्गत शुभमन गिलची यंदाच्या सीझनमधील ही पहिली चूक होती. त्यामुळे गिलला 12 लाखांचा दंड ठोठावण्यात आला आहे. ही चूक पुन्हा झाल्यास दंड दुप्पट केला जाईल. तिसऱ्यांदा ही चूक झाल्यास शुभमन गिलवर एक सामना खेळण्यासाठी बंदी केली जाऊ शकते.

DC Vs GT: मिलरने केला दिल्लीचाच ‘गेम’; ‘त्या’ एका चुकीमुळे कॅपिटल्सचा 1 रन्सने दारुण पराभव

मिलरने केला दिल्लीचाच ‘गेम’

दिल्ली कॅपिटल्स विरुद्ध गुजरात टायटन्स यांच्यात मॅच झाली. प्रथम फलंदाजी करताना गुजरात टायटन्सने दिल्ली कॅपिटल्सला 211 रन्सचे टार्गेट दिले होते. अखेर या सामन्यात गुजरात टायटन्सने दिल्ली कॅपिटल्सचा 1 रनने पराभव केला आहे.  डेव्हिड मिलरने आपल्या हातात खेळाची सूत्रे घेतली. मात्र शेवटच्या ओव्हरमध्ये 2 चेंडूत 2 धावांची गरज असताना त्याने मारलेल्या चेंडूवर धाव न घेणे ही चूक दिल्लीला महागात पडली. कारण शेवटच्या चेंडूवर 2 धावांची गरज असताना मिलरच्या बॅटला बॉल लागला नाही. त्यानंतर मागे उभा असलेल्या जोस बटलरने अचूक निशाणा लावून कुलदीप यादवला धावबाद केले. त्यामुळे दिल्ली कॅपिटल्सने जवळपास जिंकलेला सामना एका धावेने पराभव स्वीकारावा लागला.

GT Vs DC Live: शुभमनची ‘किलींग’ खेळी’; गोलंदाजांची धुलाई, दिल्लीला जिंकण्यासाठी 211 धावांची गरज

गुजरात टायटन्सची गोलंदाजी

गुजरात टायटन्सच्या गोलंदाजांना पॉवर प्ले मध्ये एकही विकेट मिळवता आली नाही. राशीद खानने समीर रिझवी आणि नितीश राणा यांना आउट केले. गुजरात टायटन्सला गरज असताना राशीद खानने या दोन महत्वाच्या विकेट पटकावल्या. राशीद खानने कर्णधार अक्षर पटेलची विकेट घेतली. मोहम्मद सिराजने 1 विकेट घेतली. तर प्रसिद्ध कृष्णाने महत्वाच्या अशा 2 विकेट्स पटकावल्या.