BCCI ने ऑस्ट्रेलिया दौऱ्यासाठी केली टीम इंडियाची घोषणा; इशान किशनचे संघात पुनरागमन

Ishan Kishan : ईशान किशन अनेक दिवसांनी भारतीय संघाकडून खेळताना दिसणार आहे. BCCI ने ऑस्ट्रेलिया दौऱ्यासाठी भारत-अ संघाची घोषणा केली, ज्यामध्ये इशान किशनलाही संधी मिळाली आहे.

Ishan Kishan In India-A Team : भारतीय क्रिकेट नियामक मंडळाने (BCCI) ने ऑस्ट्रेलिया दौऱ्यासाठी टीम इंडियाची घोषणा केली आहे. बराच वेळ बाद असलेला यष्टिरक्षक फलंदाज इशान किशन या संघात परतला. ऋतुराज गायकवाडला संघाचा कर्णधार करण्याचा निर्णय बोर्डाने घेतला. चला तर मग जाणून घेऊया या दौऱ्यावर टीम इंडियामध्ये आणखी कोणत्या खेळाडूंना स्थान मिळणार आहे.

भारतीय अ संघ

वास्तविक, BCCI ने ऑस्ट्रेलिया दौऱ्यासाठी भारत-अ संघाची घोषणा केली. ३१ ऑक्टोबरपासून भारत-अ आणि ऑस्ट्रेलिया-अ यांच्यात दोन प्रथम श्रेणी (चार दिवसीय) सामने खेळवले जातील. ऑस्ट्रेलिया-अ विरुद्ध दोन सामने खेळल्यानंतर, भारत-अ संघ भारतीय वरिष्ठ पुरुष संघाविरुद्ध तीन दिवसीय आंतर-संघ सामन्यात भाग घेईल. भारत-अ आणि ऑस्ट्रेलिया-अ यांच्यातील प्रथम श्रेणी सामना मॅके येथे होणार आहे. यानंतर दुसरा सामना मेलबर्नमध्ये होणार आहे. त्यानंतर भारत-अ विरुद्ध वरिष्ठ पुरुष संघाचा इंट्रा स्क्वॉड सामना पर्थमध्ये होणार आहे.

इशान किशन टीम इंडियापासून दूर
भारतीय वरिष्ठ पुरुष संघासाठी ईशान किशनचा शेवटचा सामना नोव्हेंबर 2023 मध्ये टी-20 द्वारे झाला होता. यानंतर ईशानने मानसिक थकवा जाणवत ब्रेक घेतला, मात्र या ब्रेकनंतर ईशान आजतागायत टीम इंडियात पुनरागमन करू शकलेला नाही.
भारत अ संघाच्या तिन्ही सामन्यांचे वेळापत्रक
भारत-अ विरुद्ध ऑस्ट्रेलिया-अ, पहिला चार दिवसीय सामना – ३१ ऑक्टोबर ते ३ नोव्हेंबर
भारत-अ विरुद्ध ऑस्ट्रेलिया-अ दुसरा चार दिवसीय सामना – ०७ नोव्हेंबर ते १० नोव्हेंबर
भारत अ विरुद्ध वरिष्ठ टीम इंडिया इंट्रा स्क्वॉड सामना – १५ नोव्हेंबर ते १७ नोव्हेंबर.

ऑस्ट्रेलिया दौऱ्यासाठी भारत अ संघ
ऋतुराज गायकवाड (कर्णधार), अभिमन्यू ईश्वरन (उपकर्णधार), साई सुदर्शन, नितीश कुमार रेड्डी, देवदत्त पडिक्कल, रिकी भुई, बाबा इंद्रजीत, इशान किशन (यष्टीरक्षक), अभिषेक पोरेल (यष्टीरक्षक), मुकेश कुमार, खलील अहमद, यश डे. , नवदीप सैनी, मानव सुथार, तनुष कोटियन.