फोटो सौजन्य - IndianPremierLeague
Complete schedule of Indian Premier League : आयपीएल २८ मार्चपासून सुरू होत असून, बीसीसीआयने आता स्पर्धेचे संपूर्ण वेळापत्रक जाहीर केले आहे. आयपीएलचे सामने एकूण १२ शहरांमध्ये खेळले जातील. बीसीसीआयने सुरुवातीला २० सामन्यांची घोषणा केली होती, पण आता उर्वरित ५० लीग सामन्यांचीही घोषणा करण्यात आली आहे. हे सामने बंगळूर, मुंबई, चेन्नई, कोलकाता, दिल्ली, अहमदाबाद, हैदराबाद, लखनौ, जयपूर, धर्मशाला, रायपूर आणि नवी चंदीगड येथे खेळले जातील. विशेष म्हणजे, वीज आणि इंधनाच्या तुटवड्याची चिंता असूनही, ही स्पर्धा नियोजित वेळेनुसारच होणार आहे.
आयपीएलच्या १९व्या हंगामात एकूण आठ डबलहेडर सामने खेळले जातील. पहिला डबलहेडर सामना दुपारी ३:३० वाजता, तर दुसरा सामना सायंकाळी ७:३० वाजता सुरू होईल. पंजाब आपले घरचे सामने दोन स्टेडियममध्ये खेळेल. हा संघ धर्मशाळा येथे तीन आणि न्यू चंदीगड येथे एक सामना खेळेल. राजस्थान रॉयल्स जयपूरमध्ये चार सामने खेळेल. आरसीबी आपले तीन घरचे सामने बंगळूरुमध्ये आणि दोन रायपूरमध्ये खेळेल. प्लेऑफ आणि अंतिम सामन्याच्या तारखा नंतर जाहीर केल्या जातील.
.png "Videos"){kind=small}
