फोटो सौजन्य - सोशल मिडिया/युट्यूब
आयपीएल सुरू व्हायला काही तास शिल्लक आहेत, सोशल मिडियावर आयपीएल 2026 ची दमदार सुरूवात होणार आहे. सीएसकेच्या चाहत्यांसाठी आनंदाची बातमी म्हणजेच धोनी पुन्हा एकदा मैदानावर खेळताना दिसणार आहे. आता हा एमएस धोनीचा शेवटचा आयपीएल हंगाम असेल का? धोनी कोणत्या क्रमांकावर फलंदाजी करेल? धोनी या हंगामात यष्टीरक्षणाची जबाबदारी संजू सॅमसनकडे सोपवेल का? धोनी या हंगामात इम्पॅक्ट प्लेअर म्हणून खेळेल का? आयपीएल २०२६ च्या आधी धोनीबद्दल अनेक प्रश्न अनुत्तरित आहेत.
धोनी आता ४४ वर्षांचा आहे आणि ७ जुलै रोजी तो ४५ वर्षांचा होईल. त्यामुळे, हा त्याचा शेवटचा हंगाम असू शकतो, असा अंदाज लावणे चुकीचे ठरणार नाही. दरम्यान, सीएसके संघ बदलाच्या काळातून जात आहे. संजू सॅमसन संघात सामील झाल्यामुळे, माही आपली जबाबदारी त्याच्याकडे सोपवू शकतो. इतर सर्व प्रश्नांची उत्तरे चाहते अंदाज लावू शकतात, परंतु धोनी या हंगामात इम्पॅक्ट प्लेअर म्हणून खेळेल की नाही हे सांगणे कठीण आहे.
तथापि, माजी फिरकी गोलंदाज आर अश्विन याच्या बाजूने नाही. अश्विन त्याच्या यूट्यूब चॅनलवर म्हणाला, “तो ‘इम्पॅक्ट लिस्ट’मध्ये राहावा हे मला मान्य नाही. जर तो संघात असेल, तर त्याला खेळावेच लागेल. जर त्याला खेळायचे नसेल, तर त्याने संपूर्ण हंगाम खेळू नये, विषय संपला. तो ‘इम्पॅक्ट प्लेयर’ आहे हे मला मान्य नाही.”
ते पुढे म्हणाले, “जर तुम्ही सीएसकेचा प्लेइंग इलेव्हन बनवत असाल आणि त्यात धोनी असेल, तर चर्चा तिथेच संपते. तो संघात असायलाच हवा. जर त्याला खेळायचे नसते, तर तो निवृत्त झाला असता. तो खेळू शकतो याचा त्याला १००% विश्वास आहे. तो गेल्या तीन महिन्यांपासून सराव करत आहे. ‘मला खेळायचे आहे, तुम्हाला जे वाटेल ते विचार करा’ हा त्याचा संदेश आहे. जर त्याला खेळायचे असेल, तर त्याच्याकडे जाऊन ‘तू खेळू शकत नाहीस’ असे सांगणे शक्य नाही. मी मान्य करतो की तो तुमचा सहाव्या क्रमांकाचा फलंदाज नाही. पण तो दुहेरी भूमिका बजावू शकतो. तो मैदानावर ऋतुराजसाठी ‘दिशादर्शक’ ठरू शकतो.”
‘मला काहीही सिद्ध करण्याची गरज नाही…’, IPL 2026 पूर्वी टीकाकारांना शुभमन गिलचे सडेतोड प्रत्युत्तर
मला वाटते की मैदानावर या नवीन गोलंदाजी फळीला पाठिंबा देण्यात धोनी महत्त्वाची भूमिका बजावेल. मी गेल्या वर्षीही तिथे होतो. एमएसची इच्छा आहे की त्याने शेवटची तीन षटकं टाकावीत. पण अनेकदा आघाडीचे फलंदाज जास्त धावा करत नाहीत आणि त्याला फलंदाजीसाठी यावे लागते. यावेळी असे होऊ नये म्हणून, त्याने आघाडीच्या फळीला अधिक मजबूत केले आहे. कदाचित यावेळी, १४ सामन्यांपैकी, त्याला फक्त ३-४ सामन्यांमध्येच वरच्या क्रमांकावर फलंदाजी करण्याची संधी मिळेल, किंवा तो फक्त शेवटीच फलंदाजीला येईल. त्याची सर्वात मोठी भूमिका यष्टीरक्षण करणे, क्षेत्ररक्षण लावणे आणि ऋतुराजला पाठिंबा देणे ही असेल.”
