इशान किशन : दक्षिण आफ्रिकेविरुद्धच्या दोन सामन्यांच्या कसोटी मालिकेसाठी टीम इंडियामध्ये मोठा बदल करण्यात आला आहे. इशान किशनच्या जागी केएस भरतचा कसोटी संघात समावेश करण्यात आला आहे. खुद्द ईशान किशनने या कसोटी मालिकेतून ब्रेक मागितला होता. त्यामुळे बीसीसीआयला हा बदल करावा लागला. यष्टीरक्षक फलंदाज इशान किशन याने वैयक्तिक कारणांमुळे टीम इंडियातून ब्रेक मागितल्याचे बीसीसीआयने सांगितले आहे. त्यामुळे त्याला दक्षिण आफ्रिकेविरुद्धच्या दोन सामन्यांच्या कसोटी मालिकेसाठी संघातून मुक्त करण्यात आले आहे. त्याच्या जागी यष्टिरक्षक केएस भरतचा समावेश करण्यात आला आहे. तो केएल राहुलसह विकेटकीपिंगचा पर्याय असेल.
इशान किशनने या वर्षी कसोटी पदार्पण केले. जुलैमध्ये त्याने वेस्ट इंडिजविरुद्ध पहिला कसोटी सामना खेळला होता. आतापर्यंत तो फक्त दोन कसोटी सामने खेळला आहे. त्याने येथे 78 च्या सरासरीने एकूण 78 धावा केल्या आहेत. त्याच्या नावावर अर्धशतकही आहे. याउलट केएस भरतलाही त्याच वर्षी कसोटी कॅप मिळाली होती. ऑस्ट्रेलियाविरुद्ध नागपूर कसोटीत त्याने पहिला कसोटी सामना खेळला. भरतने आतापर्यंत पाच कसोटी सामने खेळले आहेत. येथे त्याने 18.42 च्या सरासरीने 129 धावा केल्या आहेत. यष्टिरक्षक म्हणून तो खूप प्रभावी ठरला आहे. त्याने 5 कसोटी सामन्यात 12 झेल आणि एक स्टंपिंग केले आहे.
Web Title: Big change in team india for south africa test series international cricket ishan kishan ks bharat bcci
.png "Videos"){kind=small}
