Chess Olympiad: उझबेकिस्तानमध्ये बुद्धिबळाचा महासंग्राम! अव्वल ग्रँडमास्टर जवोखिर सिंधारोवकडे मशाल सुपूर्द

Chess: बुद्धिबळाचा जागतिक विस्तार साजरा करण्यासोबतच चेस ऑलिम्पियाडबाबत उत्सुकता निर्माण करण्यासाठी फिडेने २०२२ मध्ये ऑलिम्पिक मशालीच्या धर्तीवर ‘चेस ऑलिम्पियाड टॉर्च’ परंपरेची सुरुवात केली.

• उझबेकिस्तानमध्ये रंगणार बुद्धिबळाचा महासंग्राम
• सिंधारोवकडे चेस ऑलिम्पियाडची मशाल
  
• विश्वनाथन आनंद आणि नितीन नारंग यांच्या हस्ते मशाल सुपूर्द
  

Chess/Sports News: उझबेकिस्तानमधील समरकंद येथे होणाऱ्याचेस ऑलिम्पियाडचेऔपचारिक काउंटडाउन सुरू झाले असून, ऑलिम्पियाडची मशाल उझबेकिस्तानचा अव्वल बुद्धिबळपटू आणि कॅंडिडेट्स बुद्धिबळ स्पर्धेचा विजेता जवोखिर सिंधारोव याच्याकडे सुपूर्द करण्यात आली. आंतरराष्ट्रीय बुद्धिबळ संघटनेचे (फिडे) अंतरिम अध्यक्ष विश्वनाथन आनंद आणि (Sports) अखिल भारतीय बुद्धिबळ संघटनेचे (एआयसीएफ) अध्यक्ष नितीन नारंग यांच्या हस्ते हा मशाल हस्तांतरण सोहळा पार पडला.

जगातील सर्वांत प्रतिष्ठित सांघिक बुद्धिबळ स्पर्धांपैकी एक असलेला चेस ऑलिम्पियाडसमरकंद येथे १५ ते २७ सप्टेंबरदरम्यानहोणार आहे. या स्पर्धेत जगभरातील आघाडीचे बुद्धिबळपटू सहभागी होणार असून, विविध देशांतील संघांमध्ये विजेतेपदासाठी चुरस पाहायला मिळणार आहे.

एस. आर. कॉन्व्हेंटच्या विद्यार्थ्यांची जिल्हास्तरीय स्पर्धेसाठी निवड; बुद्धिबळ अन् योगासनात १२ विद्यार्थ्यांची चमकदार कामगिरी

बुद्धिबळाचा जागतिक विस्तार साजरा करण्यासोबतच चेस ऑलिम्पियाडबाबत उत्सुकता निर्माण करण्यासाठी फिडेने २०२२ मध्ये ऑलिम्पिक मशालीच्या धर्तीवर ‘चेस ऑलिम्पियाड टॉर्च’ परंपरेची सुरुवात केली. या परंपरेनुसार मशाल विविध टप्प्यांतून प्रवास करत यजमान देशापर्यंत पोहोचते.

याबाबत एआयसीएफचे अध्यक्ष नितीन नारंग म्हणाले, “चेस ऑलिम्पियाडची मशाल ही खेळ राष्ट्रांना आणि पिढ्यांना जोडतो, याचे प्रभावी प्रतीक आहे. आदरणीय पंतप्रधान नरेंद्र मोदी यांनी २०२२ मध्ये भारतात या परंपरेची सुरुवात केली होती. बुद्धिबळाची जन्मभूमी असलेल्या भारतातून ही मशाल आता उझबेकिस्तानकडे जात आहे, हे विशेष आहे. दोन्ही देशांमध्ये समृद्ध आणि वाढती बुद्धिबळ संस्कृती आहे.

‘खेलेगा इंडिया, खिलेगा इंडिया!’ जयराज क्लबमध्ये रंगल्या बॅडमिंटन, टेबल टेनिसच्या चुरशीच्या लढती

समरकंद बुद्धिबळ विश्वाचे स्वागत करण्यासाठी सज्ज होत असताना आम्ही जवोखिर सिंधारोव आणि उझबेकिस्तानला शुभेच्छा देतो.” दरम्यान, भारताने चेस ऑलिम्पियाडच्या खुल्या आणि महिला अशा दोन्ही गटांमध्ये विद्यमान विजेतेपद मिळवले आहे. त्यामुळे यंदाच्या स्पर्धेत भारताचे संघ आपले विजेतेपद कायम राखण्यासाठी मैदानात उतरणार असून, स्पर्धेतील भारताच्या कामगिरीकडे बुद्धिबळप्रेमींचे लक्ष लागले आहे.