Archery World Cup: ‘एक तीर से…’ धीरज बोम्मादेवराच्या यशाने भारतीय तिरंदाजीत रचला इतिहास, 16 वर्षानंतर मिळाले पदक

Archery World Cup: धीरज बोम्मादेवरा तिरंदाजी विश्वचषक अंतिम फेरीत रिकर्व्ह प्रकाराचे विजेतेपद पटकावणारा पहिला भारतीय पुरुष ठरला. भारतासाठी हा एका सुवर्णयुगाचा प्रारंभ आहे.

• १६ वर्षानंतर तिरदांजी वर्ल्ड कपमध्ये धीरज बोम्मादेवराने आणले पदक 

• आनंद महिंद्राही झाले फॅन, केले ट्वीट 

• विजेतेपद मिळवणारा पहिला भारतीय पुरुष ठरला धीरज 

Archery World Cup: भारतीय रिकर्व्ह तिरंदाज धीरज बोम्मादेवरा विश्वचषक अंतिम फेरीत सुवर्णपदक जिंकणारा पहिला भारतीय पुरुष तिरंदाज ठरला आहे. उद्योगपती आनंद महिंद्रा यांनी त्याच्या या ऐतिहासिक विजयाबद्दल त्याचे अभिनंदन केले आणि म्हटले की, कदाचित रिकर्व्ह तिरंदाजीमधील भारताच्या सुवर्णयुगाची सुरुवात झाली आहे. अव्वल मानांकित धीरजने एका रोमांचक शूट-ऑफमध्ये जपानच्या नाकानिशी जुन्याला पराभूत करून इतिहास रचला. जागतिक क्रमवारीत १० व्या स्थानावर असलेल्या या २५ वर्षीय खेळाडूने २०२३ आणि २०२४ च्या हंगामातील निराशा मागे टाकून यावेळी उत्कृष्ट कामगिरी केली.

धीरज बोम्मादेवराने एका रोमांचक विजेतेपदाच्या सामन्यात जागतिक क्रमवारीत २० व्या क्रमांकावर असलेल्या नाकानिशीचा ६-५ (२८-२८, २८-२९, २९-२८, २८-३०, २८-२७) असा पराभव केला. पाच सेटच्या सामन्यानंतर स्कोअर ५-५ असा बरोबर होता, ज्यानंतर धीरजने शूट-ऑफमध्ये १०-९ ने विजय मिळवला. धीरज या महिन्यात आशियाई क्रीडा स्पर्धेतही सहभागी होणार आहे. २०२२ मध्ये रौप्य पदक जिंकणाऱ्या संघाचा तो एक भाग होता.

38th National Games 2025 : तिरंदाजीत महाराष्ट्राला विजेतेपद! तर जिम्नॅस्टिक्समध्ये महाराष्ट्राला भरघोस पदकांची आशा!

आनंद महिंद्रा यांनी केले कौतुक

When an Army man needed one arrow for history, he shot a perfect 10… Dhiraj Bommadevara became the first Indian man to win the Recurve title at the Archery World Cup Final. But maybe there’s an even bigger story here. India finished ahead of Korea with six golds at the last… pic.twitter.com/zdL3aIOcYL — anand mahindra (@anandmahindra) September 15, 2026

आनंद महिंद्रा यांनी त्यांच्या पोस्टमध्ये लिहिले, ‘जेव्हा एका सैनिकाला इतिहास घडवण्यासाठी एका बाणाची गरज होती, तेव्हा त्याने अचूक १० गुण मिळवले. धीरज बोम्मादेवरा तिरंदाजी विश्वचषक अंतिम फेरीत रिकर्व्ह विजेतेपद जिंकणारा पहिला भारतीय पुरुष ठरला. पण कदाचित यामागे एक मोठी कहाणी आहे. 

गेल्या आशियाई चॅम्पियनशिपमध्ये भारताने सहा सुवर्ण पदकांसह कोरियाला मागे टाकले होते. यावर्षी, आपल्या तिरंदाजांनी विश्वचषक स्पर्धांमध्ये कोरिया आणि चीन यांसारख्या पारंपरिक बलाढ्य संघांना वारंवार पराभूत केले आहे. आपण भारतीय तिरंदाजीच्या सुवर्णयुगाच्या उंबरठ्यावर आहोत का? निश्चितच असे दिसते की आपण त्याच्या उंबरठ्यावर आहोत.’

तिरंदाजी विश्वचषकात भारताच्या पुरुष आणि महिलांचा दबदबा, भारताने पटकावली तीन सुवर्णपदक

१६ वर्षांनंतर पुरुष तिरंदाजाचे पदक

या विजयासह, धीरज विश्वचषक अंतिम फेरीत सुवर्णपदक जिंकणारा पहिला भारतीय पुरुष रिकर्व्ह तिरंदाज ठरला. त्याने भारतीय पुरुष रिकर्व्ह तिरंदाजीची प्रतिष्ठित विजेतेपद जिंकण्याची १६ वर्षांची प्रतीक्षाही संपवली. २०१० मध्ये एडिनबर्ग येथे कांस्य पदक जिंकणारे जयंत तालुकदार हे शेवटचे भारतीय पुरुष रिकर्व्ह तिरंदाज होते. 

धीरज व्यतिरिक्त, विश्वचषक अंतिम फेरीत सुवर्णपदक जिंकणारी डोला बॅनर्जी ही एकमेव भारतीय खेळाडू आहे. तिने २००७ मध्ये दुबई येथे महिलांचे वैयक्तिक विजेतेपद पटकावले होते. विश्वचषक अंतिम फेरीत भारतासाठी सर्वाधिक पदके जिंकण्याचा विक्रम दीपिका कुमारीच्या नावावर आहे. तिने आठ वेळा सहभाग घेऊन पाच रौप्य आणि एक कांस्य पदक जिंकले आहे.