ख्रिस गेल पुन्हा एकदा दिसणार मैदानात
क्रिकेटच्या मैदानावर जेव्हा जेव्हा वादळी फलंदाजी आणि लांबच्या लांब सिक्स मारणारा खेळाडूचा विषय येतो तेव्हा केवळ ख्रिस गेलचे नाव समोर येते. आता हा ‘युनिव्हर्स बॉस’ पुन्हा एकदा आपल्या स्फोटक फलंदाजीने चाहत्यांचे मनोरंजन करण्यासाठी मैदानात उतरण्यास पूर्णपणे सज्ज झाला आहे. वेस्ट इंडिजच्या या धडाकेबाज माजी सलामीवीराने आगामी इटालिया T10 लीग साठी ‘वेनिस लाँचवायर्स’ या फ्रेंचायझी संघासोबत करार केला आहे.
ख्रिस गेलच्या समावेशामुळे वेनिस लाँचवायर्स संघाच्या फलंदाजीची ताकद देखील वाढणार आहे. टी-२० आणि टी-१० क्रिकेटमधील सर्वात लोकप्रिय चेहऱ्यांपैकी एक असलेला ख्रिस गेल इटालिया T10 लीगमध्ये खेळणार असल्याने या संपूर्ण स्पर्धेची उत्सुकता चाहत्यांमध्ये मोठ्या प्रमाणात वाढली आहे.
इटालिया T10 लीग मधील वेनिस लाँचवायर्स या फ्रेंचायझीने वेस्ट इंडिजचा धडाकेबाज फलंदाज ख्रिस गेलयाला आपल्या संघात सामील करून घेतल्याची अधिकृत घोषणा केली आहे. ‘युनिव्हर्स बॉस’च्या आगमनाने संघाचा उत्साह द्विगुणित झाला असून लीगचे आकर्षणही कमालीचे वाढले आहे. ख्रिस गेलचा अफाट अनुभव आणि त्याची आक्रमक फलंदाजी करण्याची शैली इटालिया T10 लीगमध्ये संघाला अत्यंत मजबूत करेल असा विश्वास फ्रेंचायझीने व्यक्त केला आहे.
जवळपास 5 वर्षांपूर्वी ख्रिस गेलने इंटरनॅशनल क्रिकेटमधून निवृत्ती जाहीर केली आहे. मात्र तो आता पुन्हा एकदा क्रिकेट खेळताना दिसणार आहे. २०२१ मध्ये इंटरनॅशनल क्रिकेटला निरोप दिल्यानंतर देखील ख्रिस गेल विविध क्रिकेट लीगमध्ये खेळताना दिसून येत आहे. वेस्ट इंडिज क्रिकेटच्या सुवर्णकाळात आणि विशेषतः टी-२० फॉर्मटमध्ये त्याचे योगदान मोठ्या प्रमाणात राहिले आहे. नुकत्याच पार पडलेल्या वर्ल्ड चॅम्पियनशिप ऑफ लीजेंड्स २०२६ र्धेत ख्रिस गेलने आपल्या तुफानी कामगिरीच्या जोरावर क्रिकेट जगताचे लक्ष वेधून घेतले. या स्पर्धेच्या अंतिम सामन्यात गेलच्या संघाने इंग्लंडचा पराभव करत विजेतेपद पटकावले होते.
Ans: ख्रिस गेल इटालिया T10 लीगमध्ये खेळणार आहे.
Ans: 2021 मध्ये गेलने इंटरनॅशनल क्रिकेटमध्ये निवृत्ती जाहीर केली होती.
.png "Videos"){kind=small}
