CSK vs DC : धोनीवर चाहते संतापले, म्हणाले यापेक्षा निवृत होणे चांगले… 15 वर्षांनंतर सीएसकेचा लज्जास्पद पराभव

चेन्नई सुपर किंग्सच्या फलंदाजांनी अत्यंत निराशाजनक कामगिरी केली. या सामन्यानंतर आत्ता चेन्नई सुपर किंग्सचा माजी कर्णधार महेंद्रसिंग धोनीला सोशल मीडियावर मोठ्या प्रमाणात टीका करण्यात आली आहे.

MS Dhoni trolled on social media : दिल्ली कॅपिटल्स विरुद्ध चेन्नई सुपर किंग्स यांच्यामध्ये सामना पार पडला. सामना दिल्ली कॅपिटलच्या संघाने अक्षर पटेलचे नेतृत्वाखाली चेन्नईचा २५ धावांनी पराभव केला आहे. या विजयासह दिल्ली कॅपिटलच्या संघाने या स्पर्धेतील एकही सामना न गमावता सलग तिसरा विजय नावावर केला आहे, तर चेन्नईचा हा सलग तिसरा पराभव होता. या सामन्यात चेन्नई सुपर किंग्सच्या फलंदाजांनी अत्यंत निराशाजनक कामगिरी केली. या सामन्यानंतर आत्ता भारताचा माजी कर्णधार आणि चेन्नई सुपर किंग्सचा माजी कर्णधार महेंद्रसिंग धोनीला सोशल मीडियावर मोठ्या प्रमाणात टीका करण्यात आली आहे.

शनिवारी आयपीएल २०२५ मध्ये दिल्ली कॅपिटल्स विरुद्ध चेन्नई सुपर किंग्जचा अनुभवी यष्टीरक्षक-फलंदाज एमएस धोनी फारशी चमक दाखवू शकला नाही . सातव्या क्रमांकावर फलंदाजीला येत त्याने २६ चेंडूत नाबाद ३० धावा केल्या, ज्यामध्ये एक चौकार आणि एक षटकार होता. चेन्नईच्या चेपॉक स्टेडियमवर १८४ धावांच्या लक्ष्याचा पाठलाग करताना सीएसकेने ७४ धावांत पाच बाद ३७० धावा केल्या. अशा परिस्थितीत धोनी ११ व्या षटकात फलंदाजीला आला. चाहत्यांना धोनीकडून स्फोटक फलंदाजीची अपेक्षा होती पण तो फॉर्ममध्ये दिसत नव्हता. त्याने विजय शंकर (५४ चेंडूत नाबाद ६९ धावा, पाच चौकार, एक षटकार) सोबत सहाव्या विकेटसाठी ८४ धावांची नाबाद भागीदारी केली . दिल्लीने सीएसकेचा २५ धावांनी पराभव केला.

See more

Hat-Trick of Wins ✅
Memorable win at Chepauk after 1⃣5⃣ years ✅@DelhiCapitals cap off a commanding 2⃣5⃣-run victory over #CSK 🥳 Scorecard ▶ https://t.co/5jtlxucq9j #TATAIPL | #CSKvDC pic.twitter.com/D9oWDI4hN2 — IndianPremierLeague (@IPL) April 5, 2025

१५ वर्षांनंतर चेपॉक स्टेडियमवर डीसीने प्रथमच विजय मिळवला आहे. या लाजिरवाण्या घटनेनंतर सीएसकेचे चाहते संतापले आहेत. ४३ वर्षीय धोनीला सोशल मीडियावर खूप ट्रोल केले जात आहे. एका वापरकर्त्याने कमेंट केली, “धोनीने आता निवृत्ती घ्यावी.” तो खेळून बराच काळ झाला आहे. “नव्या खेळाडूला संधी मिळायला हवी.” दुसऱ्याने म्हटले, ‘मी पुन्हा एकदा सांगत आहे की धोनीसाठी आयपीएलमधून सन्मानाने निवृत्ती घेण्याची यापेक्षा चांगली वेळ असू शकत नाही.’ दुसऱ्याने लिहिले, ‘धोनीचा स्कोअर पहा. “असे टुक-टुक खेळण्यापेक्षा निवृत्त होणे चांगले.” धोनीचे पालकही पहिल्यांदाच आयपीएल सामना पाहण्यासाठी स्टेडियममध्ये आले होते.

PBKS vs RR : 6,6,6,6,6 यशस्वी जयस्वाल पुन्हा फॉर्ममध्ये, संजू सॅमसनचे श्रेयस अय्यरच्या संघासमोर 206 धावांचे लक्ष्य!

धोनीच्या निवृत्तीबद्दल बऱ्याच काळापासून अटकळ बांधली जात आहे. शनिवारी जेव्हा धोनीचे पालक स्टेडियममध्ये आले तेव्हा अशा प्रकारच्या अटकळांचा बाजार पुन्हा गरम झाला. तथापि, सामन्यानंतर धोनीने भविष्याबद्दल काहीही सांगितले नाही. अलिकडेच, रॉयल चॅलेंजर्स बंगळुरू (RCB) विरुद्ध धोनीने नवव्या क्रमांकावर केलेली फलंदाजी चाहत्यांना अजिबात आवडली नाही. १७ वर्षांनी चेपॉकवर आरसीबीने विजयाचा झेंडा फडकवला. पाच वेळा चॅम्पियन असलेल्या सीएसकेला चालू हंगामात सलग तीन सामन्यांमध्ये पराभवाचा सामना करावा लागला आहे. ऋतुराज गायकवाडच्या नेतृत्वाखालील सीएसकेने मुंबई इंडियन्सविरुद्धचा एकमेव विजय मिळवला . दुसरीकडे, अक्षर पटेलच्या नेतृत्वाखालील दिल्ली कॅपिटल्सने विजयांची हॅटट्रिक साकारली आहे.