पुण्यात Snooker चा थरार रंगणार! क्यु स्पोर्ट्स लीगमध्ये ‘हे’ दोन संघ विजेतेपदासाठी येणार आमनेसामने

Snooker: पहिल्या दुहेरीच्या सामन्यात सचिन बिचे व उदय पुंडे यांनी अजिंक्य मेहता व विठ्ठल ढमाले यांचा ८२-७३ असा पराभव केला. सिध्दार्थ टेंभे याने यश देशपांडे याचा ३७-३० असा पराभव करून २-० अशी आघाडी घेतली.

• अंतिम लढत डेक्कन ऐसेस विरुद्ध पुना क्लब मॅजिशियन्स
• ‘व्योहर-डेक्कन जिमखाना करंडक‌’ क्यु स्पोर्ट्‌‍स
• डेक्कन जिमखाना क्लब आयोजित आहे स्पर्धा 

पुणे/ Snooker: डेक्कन जिमखाना क्लबच्यावतीने आयोजित ‌‘व्योहर-डेक्कन जिमखाना करंडक‌’ क्यु स्पोर्ट्‌‍स आंतरक्लब लीग २०२६ स्पर्धेत डेक्कन जिमखाना ऐसेस आणि पुना क्लब मॅजिशियन्स्‌‍ संघांनी आपापल्या प्रतिस्पर्धी संघांचा पराभव करून अंतिम फेरी गाठली. डेक्कन जिमखाना क्लबच्या स्नुकर हॉलमध्ये झालेल्या उपांत्य फेरीच्या सामन्यात डेक्कन जिमखाना ऐसेस संघाने आपलाच सहकारी असलेल्या डेक्कन जिमखाना मॉन्स्टर्स संघाचा ३-१ असा सहज पराभव केला.

पहिल्या दुहेरीच्या सामन्यात सचिन बिचे व उदय पुंडे यांनी अजिंक्य मेहता व विठ्ठल ढमाले यांचा ८२-७३ असा पराभव केला. सिध्दार्थ टेंभे याने यश देशपांडे याचा ३७-३० असा पराभव करून २-० अशी आघाडी घेतली. जयदीप खांडेकर याने प्रशांत नातू याचा ९१-६१ असा पराभव करून आपल्या संघाचे खाते उघडले. ऐसेस संघाच्या अश्विन पळनीटकर याने विठ्ठल ढमाले याचा ६०-२५ असा पराभव करून संघाला ३-१ असा विजय मिळवून दिला.

Hockey: ओडिशाला सळो की पळो करून सोडलं! मेजर ध्यानचंद कॉलेजने उडवला थरकाप, थेट…

पुना क्लब-पीवायसी लढत ठरली चुरशीची

चुरशीच्या झालेल्या सामन्यात पुना क्लब मॅजिशियन्स्‌‍ संघाने पीवायसी जिमखाना वॉरीयर्स संघाचा ३-२ असा पराभव करून अंतिम फेरी गाठली. पुना क्लबच्या अनिश केअरिंग व अंगद सहानी यांचा आनंद आपटे व रोहीत नारगोलकर यांनी ४७-७० असा पराभव करून पीवायसीला विजयी सुरूवात करून दिली. विग्नेश संघवी याने पीवायसीच्या राजवर्धन जोशी याचा ३३-२२ असा आणि दिनेश मेहतानी याने आदित्य देशपांडे याचा १५०-८० असा पराभव करून पुना क्लबला २-१ अशी आघाडी मिळवून दिली. निमिश कुलकर्णी याने पुना क्लबच्या सुरज राठी याचा ५९-४५ असा पराभव करून पीवायसीला २-२ अशी बरोबरी निर्माण करून दिली. निर्णायक सामन्यात पुना क्लबच्या कपिल पंजाबी याने पीवायसीच्या देवेंद्र जोशी याचा ४४-१४ असा पराभव करून संघाचे अंतिम फेरीतील स्थान निश्चित केले.

सामन्याचा निकाल : उपांत्य फेरी 
डेक्कन जिमखाना ऐसेस वि. वि. डेक्कन जिमखाना मॉन्स्टर्स ३-१ (सचिन बिचे / उदय पुंडे वि. वि. अजिंक्य मेहता / विठ्ठल ढमाले ८२-७३; सिध्दार्थ टेंभे वि. वि. यश देशपांडे ३७-३०; प्रशांत नातू पराभूत वि. जयदीप खांडेकर ६१-९१; अश्विन पळनीटकर वि. वि. विठ्ठल ढमाले ६०-२५)

जगात भारी पुणे! अधिराज दुधानेचा Tennis मध्ये डबल धमाका; राष्ट्रीय स्पर्धेत पटकावले एक नव्हे तर थेट…

पुना क्लब मॅजिशियन्स्‌‍ वि. वि. पीवायसी जिमखाना वॉरीयर्स ३-२ (अनिश केअरिंग / अंगद सहानी पराभूत वि. आनंद आपटे / रोहीत नारगोलकर ४७-७०; विग्नेश संघवी वि. वि. राजवर्धन जोशी ३३-२२; दिनेश मेहतानी वि. वि. आदित्य देशपांडे १५०-८०; सुरज राठी पराभूत वि. निमिश कुलकर्णी ४५-५९; कपिल पंजाबी वि.वि. देवेंद्र जोशी ४४-१४)