Dhruv Jurel: ध्रुव जुरेलचं पहिलं कसोटी शतक अन् ‘सैनिकी’ अंदाजात कडक सलामी! कारगिलच्या हिरोच्या मुलाची वाचा प्रेरणादायी काहाणी

IND vs WI: कसोटी सामन्यांच्या मालिकेतील पहिल्या सामन्यात टीम इंडियाचा युवा खेळाडू ध्रुव जुरेल याने वेस्ट इंडिजच्या गोलंदाजीची पार दमछाक केली. आपल्या कारकिर्दीतील पहिले कसोटी शतक ठोकून ध्रुवने यशाचा नवा इतिहास लिहिला.

• पहिलं कसोटी शतक!
• कारगिल हिरोच्या मुलाचा ‘सैनिकी’ अंदाज
• वाचा ध्रुव जुरेलची प्रेरणादायी कहाणी

Dhruv Jurel Century: भारत आणि वेस्ट इंडिज यांच्यातील दोन कसोटी सामन्यांच्या मालिकेतील पहिल्या सामन्यात टीम इंडियाचा युवा खेळाडू ध्रुव जुरेल याने वेस्ट इंडिजच्या गोलंदाजीची पार दमछाक केली. आपल्या कारकिर्दीतील पहिले कसोटी शतक ठोकून ध्रुवने यशाचा नवा इतिहास लिहिला. त्याने १९० चेंडूंमध्ये संयमी शतक पूर्ण केले. दुखापतीमुळे ऋषभ पंत पूर्णपणे बरा न झाल्यामुळेच ध्रुवला अहमदाबाद कसोटीत संधी मिळाली आणि त्याने त्याचे सोने केले.

ध्रुव जुरेलची यशस्वी खेळी आणि पार्श्वभूमी

भारतीय गोलंदाजांनी वेस्ट इंडिजला पहिल्या डावात अवघ्या १६२ धावांत गुंडाळल्यानंतर, केएल राहुल आणि त्यानंतर ध्रुव जुरेल यांनी दमदार फलंदाजी करत वेस्ट इंडिजला नमवले.

• ध्रुव जुरेल देशांतर्गत क्रिकेटमध्ये उत्तर प्रदेश (UP) संघाचे प्रतिनिधित्व करतो.
• तो इंडियन प्रीमियर लीग (IPL) मध्ये राजस्थान रॉयल्स (RR) संघाकडून खेळतो.
• २०२० मध्ये झालेल्या अंडर-१९ क्रिकेट विश्वचषकात तो भारतीय संघाचा उप-कर्णधार होता.

See more

A moment to cherish forever! 🥳 Special scenes 📹 in Ahmedabad as Dhruv Jurel notches up a maiden Test 💯 Updates ▶️ https://t.co/MNXdZcelkD#TeamIndia | #INDvWI | @IDFCFIRSTBank | @dhruvjurel21 pic.twitter.com/8JLGOhCAkt — BCCI (@BCCI) October 3, 2025

Dhruv Jurel Century: अहमदाबादमध्ये ‘ध्रुव’ची बॅट तळपळी; कसोटी कारकिर्दीतील झळकावले पहिले शतक

कारगिलच्या हिरोचा मुलगा आणि ८०० च्या बॅटची कहाणी

२१ जानेवारी २००१ रोजी आग्रा येथे एका जाट कुटुंबात जन्मलेल्या ध्रुवचे वडील नेम सिंग फौजी हे कारगिल युद्धात सहभागी झालेले एक शूर सैनिक आहेत. वडिलांची इच्छा होती की मुलानेही त्यांच्याप्रमाणे सैन्यात भरती होऊन देशसेवा करावी. मात्र, ध्रुवची आवड क्रिकेटमध्ये होती.

ध्रुवने वडिलांना न सांगता आर्मी स्कूलमधील स्विमिंग क्लासेससाठी आलेल्या पैशांतून क्रिकेटमध्ये आपले नाव नोंदवले, यामुळे नेम सिंग सुरुवातीला खूप रागावले होते. मात्र, मुलाची आवड पाहून ते नंतर तयार झाले. महत्त्वाचे म्हणजे, ध्रुवचे क्रिकेटचे स्वप्न पूर्ण करण्यासाठी त्याच्या वडिलांनी मित्रांकडून उधार घेऊन ८०० रुपयांची पहिली बॅट त्याला खरेदी करून दिली होती.

५ वर्षांच्या वयात सहन केली प्लास्टिक सर्जरीची वेदना

ध्रुव जुरेलच्या आयुष्यात एक वेदनादायक घटना घडली आहे. तो अवघ्या पाच वर्षांचा असताना, त्याचा डावा पाय एका बसच्या टायरखाली आला होता. या गंभीर अपघातानंतर त्याला तातडीने प्लास्टिक सर्जरी करावी लागली होती. बालपणात इतकी मोठी वेदना सहन करूनही त्याने क्रिकेटच्या मैदानात आपले मोठे नाव कमावले आहे.

ध्रुवच्या क्रिकेट प्रवासाचा आढावा

• २०२० मध्ये, त्याची निवड अंडर-१९ विश्वचषकसाठी भारतीय संघात झाली.
• फेब्रुवारी २०२२ मध्ये त्याला आयपीएल लिलावात राजस्थान रॉयल्सने विकत घेतले.
• जानेवारी २०२४ मध्ये, त्याला पहिल्यांदाच भारतीय कसोटी संघात स्थान मिळाले आणि त्याने १५ फेब्रुवारी २०२४ रोजी राजकोट येथे इंग्लंडविरुद्ध पदार्पण केले.
• आपल्या पहिल्या कसोटी डावात ध्रुवने १०४ चेंडूंचा सामना करत ४६ धावांची खेळी केली होती.

IND vs WI 1st Test Day 2 Stumps: भारताचे वेस्ट इंडिजवर वर्चस्व! राहुल-जुरेल-जडेजाची शतके, टीम इंडियाकडे २८६ धावांची मोठी आघाडी