Dhruv Jurel Century: अहमदाबादमध्ये ‘ध्रुव’ची बॅट तळपळी; कसोटी कारकिर्दीतील झळकावले पहिले शतक

उजव्या हाताच्या फलंदाजाने शतकाच्या दिशेने वाटचाल करताना १२ चौकार आणि दोन षटकार ठोकले. यासह, तो भारतासाठी कसोटी शतक करणारा १२ वा यष्टिरक्षक-फलंदाज बनला.

• अहमदाबादमध्ये ‘ध्रुव’ची बॅट तळपळी
• कारकिर्दीतील पहिले कसोटी शतक झळकावत गाजवले मैदान!
• पंतला वगळल्यानंतर जुरेलला मिळाली संधी

IND vs WI 1st Test: भारत आणि वेस्ट इंडिज यांच्यातील दोन कसोटी सामन्यांच्या मालिकेतील पहिला सामना गुरुवारपासून अहमदाबाद येथील नरेंद्र मोदी स्टेडियमवर खेळला जात आहे. टी-ब्रेकनंतर भारतीय यष्टीरक्षक-फलंदाज ध्रुव जुरेलने कसोटी कारकिर्दीतील पहिले शतक झळाकावले आहे. त्याने १९० चेंडूत शतक पूर्ण केले. केएल राहुल बाद झाल्यानंतर ध्रुव जुरेल आणि रवींद्र जडेजा यांनी डाव सावरला. केएल राहुल बाद होणे हा भारताचा चौथा धक्का होता. हा भारताचा दिवसातील दुसरा आणि एकूण चौथा बळी होता. त्याआधी शुभमन गिल ५० धावांवर बाद झाला.

पंतला वगळल्यानंतर जुरेलला मिळाली संधी 

ध्रुव जुरेलचे हे पहिले आंतरराष्ट्रीय शतक आहे. उल्लेखनीय म्हणजे, हा त्याचा फक्त सहावा कसोटी सामना आहे. इंग्लंड मालिकेदरम्यान ऋषभ पंतला दुखापत झाली होती आणि तो अद्याप बरा झालेला नाही, त्यामुळे पंत या मालिकेचा भाग नाही. त्यामुळे ध्रुव जुरेलला वेस्ट इंडिजविरुद्ध संधी मिळाली. ध्रुव जुरेलने या संधीचा फायदा घेतला आणि त्याचे पहिले शतक ठोकले.

See more

𝙅𝙪𝙗𝙞𝙡𝙖𝙣𝙩 𝙅𝙪𝙧𝙚𝙡 🥳 What a feeling to record your maiden Test 1️⃣0️⃣0️⃣ 👌 Updates ▶ https://t.co/MNXdZceTab#TeamIndia | #INDvWI | @IDFCFIRSTBank | @dhruvjurel21 pic.twitter.com/gMU5WxHajJ — BCCI (@BCCI) October 3, 2025

IND vs WI :’इंग्लंडमधील स्पर्धा कठीण, पण आत्मविश्वास…’, मोहम्मद सिराजकडून वेस्ट इंडिजविरुद्धच्या फॉर्मबाबत खुलासा 

भारतासाठी कसोटी झळकवणार करणारा १२ वा यष्टिरक्षक-फलंदाज

उजव्या हाताच्या फलंदाजाने शतकाच्या दिशेने वाटचाल करताना १२ चौकार आणि दोन षटकार ठोकले. यासह, तो भारतासाठी कसोटी शतक करणारा १२ वा यष्टिरक्षक-फलंदाज बनला. त्याच्या आधी विजय मांजरेकर, सय्यद किरमाणी, अजय रात्रा, दीप दासगुप्ता, एमएस धोनी, नयन मोंगिया, वृद्धिमान साहा आणि ऋषभ पंत यांसारख्या दिग्गज यष्टिरक्षकांनीही शतके केली होती.

साई सुदर्शनच्या वाढू शकतात अडचणी 

दरम्यान, ध्रुव जुरेलच्या शतकामुळे आणखी एका भारतीय खेळाडूसाठी अडचणी निर्माण झाल्या आहेत. पंत पुढील मालिकेसाठी पुनरागमन करेल अशी अपेक्षा आहे. तथापि, या सामन्यातील जुरेलच्या कामगिरीनंतर, त्याला बाहेर ठेवणे सोपे जाणार नाही. जुरेल फलंदाज म्हणून संघात स्थान मिळवण्यासाठी निश्चितच आपला दावा करेल. त्याला वरच्या क्रमात संधी दिली जाऊ शकते. सध्या, साई सुदर्शन तिसऱ्या क्रमांकावर खेळत आहे. सातत्याने संधी मिळाल्यानंतरही त्याला अद्याप अपेक्षेनुसार कामगिरी करता आलेली नाही. येत्या काळात सुदर्शनची फलंदाजीही अपयशी ठरली तर त्याच्यावरील ताण वाढू शकतो.

IND vs WI: राहुल-गिल जोडीची कमाल! क्रिकेटमध्ये ६१ वर्षांनी दिसला ‘हा’ ऐतिहासिक योगायोग