IND vs SA 1st ODI: सुरक्षा व्यवस्थेत मोठी चूक! रांचीत शतक होताच विराट कोहलीच्या पायावर पडला चाहता; मैदानात गोंधळाचे वातावरण

Virat Kohli Century: भारताने प्रथम फलंदाजी करताना जोरदार प्रदर्शन केले, ज्यात रोहित शर्माने अर्धशतक झळकावले, तर विराट कोहलीने शानदार शतक पूर्ण केले. मात्र, शतक झाल्यानंतर....

• सुरक्षेचा भंग!
• शतक पूर्ण होताच विराट कोहलीकडे धावला चाहता
• रांचीतील सामन्यात गोंधळाचे वातावरण

Virat Kohli Century Celebration: भारत आणि दक्षिण आफ्रिका यांच्यात ३ सामन्यांची वनडे मालिका खेळली जात आहे. मालिकेतील पहिला सामना ३० नोव्हेंबर रोजी रांची येथे झाला. या सामन्यात दक्षिण आफ्रिकेने टॉस जिंकून प्रथम गोलंदाजी करण्याचा निर्णय घेतला. भारताने प्रथम फलंदाजी करताना जोरदार प्रदर्शन केले, ज्यात रोहित शर्माने अर्धशतक झळकावले, तर विराट कोहलीने शानदार शतक पूर्ण केले. मात्र, शतक झाल्यानंतर कोहलीच्या (Virat Kohli) सुरक्षेमध्ये एक मोठी चूक झाल्याचे पाहायला मिळाले.

चाहत्याने सुरक्षा भेदली

शतक पूर्ण केल्यानंतर विराट कोहली प्रेक्षकांचे अभिवादन स्वीकारत होता. त्याच वेळी, एक चाहता सुरक्षा कर्मचाऱ्यांची नजर चुकवून थेट मैदानात घुसला. या चाहत्याने धावत येऊन थेट विराट कोहलीच्या पायावर लोटांगण घातले. या घटनेमुळे कोहलीच्या सुरक्षेमध्ये मोठी चूक झाल्याचे बोलले जात आहे.

See more

A fan breached security to touch Virat Kohli’s feet after his century
📸: JioHotstar | #INDvSA pic.twitter.com/3IlQ0VZ8Zl — CricTracker (@Cricketracker) November 30, 2025

हे देखील वाचा: Record Break: रांचीत विराट कोहलीची ‘तुफान’ खेळी, सचिन तेंडुलकर-रिकी पाँटिंगचे रेकॉर्ड मोडले

कोहलीची दमदार खेळी

विराट कोहलीने १०२ चेंडूंमध्ये चौकार मारून आपले शतक पूर्ण केले आणि त्यानंतर जोरदार जल्लोषही केला. कोहलीने १२० चेंडूंमध्ये ११२.५० च्या स्ट्राइक रेटने १३५ धावांची शानदार खेळी केली. त्याने या खेळीदरम्यान दक्षिण आफ्रिकेच्या गोलंदाजांना अक्षरशः थकवून टाकले. यात त्याने ११ चौकार आणि ७ उत्तुंग षटकार लगावले. कोहलीव्यतिरिक्त रोहित शर्मानेही ५१ चेंडूंमध्ये ५ चौकार आणि ३ षटकारांच्या मदतीने ५७ धावांची खेळी केली.

रांचीतील वनडेमध्ये कोहलीची कामगिरी

रांचीच्या मैदानावर विराट कोहलीने नेहमीच चांगली कामगिरी केली आहे. या मैदानावर त्याचे वनडेमधील प्रदर्शन खालीलप्रमाणे आहे:

हे देखील वाचा: Virat Kohli Century: रांचीत विराटचा धमाका! ५२ वे वनडे शतक झळकावत रचला इतिहास, तेंडुलकरचा विश्वविक्रम मोडला