GT vs SRH : शुभमन गिलने IPL मध्ये नावावर केला नवा विक्रम! जगाला केलं आश्चर्यचकित, असा पराक्रम करणारा पहिला फलंदाज

गुजरातचा कर्णधार शुभमन गिलने अर्धशतकीय खेळी करत एक खास विक्रम आपल्या नावावर केला. गुजरात टायटन्सच्या विजयात गिल आयपीएलच्या इतिहासात सर्वाधिक अर्धशतके करणारा फलंदाज बनला आहे.

Shubman Gill’s new record : आयपीएल २०२५ च्या १९ व्या सामना गुजरात टायटन्स विरुद्ध हैदराबाद यांच्यामध्ये पार पडला. या सामन्यात गुजरात टायटन्सने सनरायझर्स हैदराबादचा ७ विकेट्सने पराभव केला आणि या सीझनचा तिसरा विजय नावावर केला आहे. मोहम्मद सिराजने गुजरातच्या विजयात चमत्कार केला आणि ४ विकेट्स घेण्यात यशस्वी झाला. सिराजला सामनावीराचा किताब कालच्या सामन्यात देण्यात आला. दुसरीकडे, गुजरातचा कर्णधार शुभमन गिलने अर्धशतकीय खेळी करत एक खास विक्रम आपल्या नावावर केला. गुजरात टायटन्सच्या विजयात गिल आयपीएलच्या इतिहासात सर्वाधिक अर्धशतके करणारा फलंदाज बनला आहे.

आयपीएलमध्ये असा पराक्रम करून गिलने गुजरातसाठी इतिहास रचला आहे. सर्वात आश्चर्यकारक गोष्ट म्हणजे इतर कोणताही खेळाडू त्याच्या या खास विक्रमाच्या जवळपासही नाही. गुजरातच्या विजयादरम्यान गिल १३ व्यांदा ५० किंवा त्याहून अधिक धावा करणारा खेळाडू बनला आहे. गुजरातच्या विजयादरम्यान १० पेक्षा जास्त वेळा ५० पेक्षा जास्त धावा करणारा गिल हा पहिला फलंदाज आहे. शुभमन गिलने गुजरात टायटन्ससाठी आतापर्यंत १३ वेळा हा पराक्रम केला आहे.

See more

3️⃣ wins on the trot 💙

A commanding 7️⃣-wicket win over #SRH takes #GT to the second spot in the #TATAIPL 2025 points table 🆙

Scorecard ▶ https://t.co/Y5Jzfr6Vv4#SRHvGT | @gujarat_titans pic.twitter.com/tYB1Dt5mdd

— IndianPremierLeague (@IPL) April 6, 2025

गुजरात टायटन्ससाठी विजयादरम्यान सर्वाधिक ५०+ स्कोअर

१३* – शुभमन गिल (३१ डाव)
३ – साई सुदर्शन (१५ डाव)
३ – हार्दिक पंड्या (२१ डाव)
३ – ऋद्धिमान साहा (२२ डाव)
२ – विजय शंकर (१३ डाव)
२ – डेव्हिड मिलर (२४ डाव)
१ – जोयलर (२४ डाव)

गिलचा आयपीएल कारकिर्दीतील हा २५ वा ५०+ स्कोअर आहे, त्याने आतापर्यंत चार शतके आणि २१ अर्धशतके झळकावली आहेत. आयपीएलच्या इतिहासात वयाच्या २५ व्या वर्षापर्यंत सर्वाधिक ५०+ धावा करणारा गिल फलंदाज बनला आहे. आतापर्यंत, वयाच्या २५ व्या वर्षी, गिलने आयपीएलमध्ये २५ आणि ५०+ धावा करण्यात यश मिळवले आहे. गिलने २०१८ मध्ये (वयाच्या १९ व्या वर्षी) कोलकाता नाईट रायडर्स (केकेआर) साठी आयपीएल कारकिर्दीची सुरुवात केली होती.

कपिल देव यांचं मोठं विधान! गिल-अय्यर-सूर्या नाही, रोहितनंतर हा खेळाडू असावा भारताचा पुढचा पांढऱ्या चेंडूचा कर्णधार

दुसरीकडे, गिल हा २६ वर्षांच्या आधी ३००० पेक्षा जास्त धावा करणारा एकमेव खेळाडू आहे, आतापर्यंत गिलने १०७ सामन्यांमध्ये ३८.२० च्या सरासरीने ३३६२ धावा केल्या आहेत. आयपीएलच्या इतिहासात २५ व्या वर्षी सर्वाधिक धावा करणाऱ्या खेळाडूंच्या यादीत ऋषभ पंत दुसऱ्या क्रमांकावर आहे, त्याने ९८ सामन्यांमध्ये २८३८ धावा केल्या आहेत. आयपीएलच्या इतिहासात सर्वात कमी वयात तीन आणि चार शतके ठोकण्याचा विक्रमही गिलच्या नावावर आहे. २६ वर्षांच्या वयाच्या आधी इतर कोणत्याही फलंदाजाने २ पेक्षा जास्त शतके केलेली नाहीत.