ICC World Cup 2027 चा दक्षिण आफ्रिकेत थरार! 12 दिवसांमध्ये 1.5 कोटींपेक्षा तिकिटांचे…; व्हाल थक्क

ICC World Cup 2027: पुढील वर्षी होणाऱ्या आयसीसी वर्ल्ड कप 2027 साठी तिकिटांसाठी नोंदणी करण्याची अंतिम तारीख 21 नोव्हेंबर 2026 असणार आहे. त्यामुळे 21 तारखेनंतर तुम्हाला नोंदणी करता येणार नाहीये.

• आयसीसी वर्ल्डकप 2027 तिकीट खरेदी करण्यासाठी झुंबड
• 2 ऑक्टोबर 2027 पासून सुरू होणार वर्ल्ड कप 
• आयसीसीने नुकतेच जाहीर केले वेळापत्रक 

ICC World Cup 2027: पुढील वर्षी आयसीसी वर्ल्डकप  होणार आहे. या स्पर्धेचे वेळापत्रक आणि पूर्ण नियोजन आयसीसीने नुकतेच एक मोठा कार्यक्रम घेत जाहीर केले आहे. दक्षिण आफ्रिका, नामीबिया, झिम्बॅाबे या ठिकाणी आयसीसी वर्ल्डकप 2027 स्पर्धा होणार आहे. आगामी आयसीसीपुरुष एकदिवसीय क्रिकेट वर्ल्डकप २०२७ बाबत क्रिकेट चाहत्यांमध्ये कमालीची उत्सुकता पाहायला मिळत आहे. चाहत्यांनी तिकीटांसाठी आतापासूनच गर्दी केल्याचे दिसून येत आहे.

आंतरराष्ट्रीय क्रिकेट परिषदेने जाहीर केले आहे की, स्पर्धेच्या तिकिटांसाठी अर्ज प्रक्रिया सुरू झाल्यानंतर अवघ्या १२ दिवसांच्या आतच जगभरातून १.५ कोटींहून अधिक तिकिटांचे अर्ज प्राप्त झाले आहेत. समोर आलेल्या माहितीनुसार, आयसीसी वर्ल्डकप 2027 साठी तब्बल १४२ वेगवेगळ्या देशांमधून क्रिकेटप्रेमींनी अर्ज केले आहेत. मोजक्याच दिवसांत मिळालेल्या या अफाट प्रतिसादाने मागील अनेक विक्रम मोडीत काढले आहेत. इतक्या मोठ्या प्रमाणावर येणाऱ्या अर्जांना आणि चाहत्यांच्या मागणीला न्याय देण्यासाठी आयसीसीने अत्यंत शिस्तबद्ध आणि पारदर्शक तिकीट सिस्टिम सुरू केल्याचे समोर येत आहे. त्यामुळे आता पूर्ण व्हेरीफीकेशन करूनच तिकीट दिले जाणार आहे.

ICC World Cup 2027 Live: मोठी बातमी! भारत-पाकिस्तान ‘या’ तारखेला भिडणार; वर्ल्डकपचे शेड्यूल जाहीर

२४ वर्षांनंतर दक्षिण आफ्रिकेत रंगणार क्रिकेटचा सोहळा

पुढील वर्षी होणाऱ्या आयसीसी वर्ल्ड कप 2027 साठी तिकिटांसाठी नोंदणी करण्याची अंतिम तारीख 21 नोव्हेंबर 2026 असणार आहे. त्यामुळे 21 तारखेनंतर तुम्हाला नोंदणी करता येणार नाहीये. पुढील वर्षी 21 नोव्हेंबर 2027 रोजी आयसीसीचा अंतिम सामना खेळवला जाणार आहे.

भारतीय संघात कोणाची वर्णी लागणार? 

प्लेइंग इलेव्हनबाबत विचार करता रोहित शर्मा, विराट कोहली व शुभमन गिल यांची जागा पक्की आहे. तसेच बॅकअपच्या रुपात यशस्वी जयस्वालचा संघात समावेश केला जाऊ शकतो.वनडे संघाचा उपकर्णधार श्रेयस अय्यरने फलंदाजीत चौथ्या क्रमांकावरील जागा निश्चित केली आहे. या फलंदाजी क्रमवारीत श्रेयसचा दांडगा अनुभव आहे. वेगवान गोलंदाज अष्टपैलू नितीशकुमार रेड्डी व हार्दिक पंड्या या दोघांनी विश्वचषक पथकातील आपली जागा पक्की केली आहे. तसेच फिरकीपटूंच्या रुपात रविंद्र जडेजा विश्वचषक खेळू शकतो. वॉशिंग्टन सुंदरला बॅकअप अष्टपैलूच्या रुपात आफ्रिकेसाठी संघात जागा मिळेल.

ODI Worldcup 2027 : विश्वचषक खेळण्याची ‘या’ खेळाडूंना मिळू शकते संधी, जाणून घ्या कोणाला लागणार लॉटरी ?

असा असू शकतो भारताचा स्क्वॉड

रोहित शर्मा, विराट कोहली, शुभमन गिल (कर्णधार), यशस्वी जयस्वाल, श्रेयस अय्यर, के. एल. राहुल, रिषभ पंत, रवींद्र जडेजा, हार्दिक पांड्या, नितीशकुमार रेड्डी, वॉशिंग्टन सुंदर, हर्षित राणा, कुलदीप यादव, मोहम्मद सिराज, जसप्रीत बुमराह.