
Shubman Gill Loses Cool Over DRS With Umpire Video
न्यूझीलंडचा निम्मा संघ ७० धावांवर बाद झाला. मात्र, सामन्यादरम्यान गिल अंपायरच्या एका निर्णयावर नाराज असल्याचा दिसला. नंतर, भर मैदानातच दोघांमध्येही जोरदार वाद झाला. या संपूर्ण घटनेचा व्हिडिओ सोशल मीडियावर प्रचंड व्हायरल होत आहे. (Shubman Gill Loses Cool Over DRS With Umpire Video)
डावाच्या ३१ व्या षटकात, जसप्रीत बुमराहचा एक वेगवान चेंडू आत येऊन ग्लेन फिलिप्सच्या पॅडला लागला. यानंतर भारतीय खेळाडूंनी अपील केले. मात्र, अंपायरने त्याला नाबाद घोषित केले. त्यानंतर कर्णधार शुभमन गिल आणि बुमराह यांच्यात चर्चा झाली. गिलच्या मते चेंडू बॅटला लागला नव्हता. चेंडू स्टमपवरुन गेला असावा या विचाराने बुमराह गोंधळला होता. मात्र, थोड्याच वेळात गिलने डीआरएस घेतला. अंपायरने संपूर्ण घटनेची तपासणी केली. फ्रंट ऑन कॅमेऱ्याच्या व्हिडिओमध्ये बॅटचा एड्ज स्पष्टपणे दिसत नव्हती, परंतु चेंडू बॅटजवळ येत असताना एक स्पाइक दिसत होता.
थर्ड अंपायर पॉल रेफेल यांनी एलबीडब्ल्यूच्या निर्णयाची वेगवेगळ्या अँगलने तपासणी केली. चेंडू किंचित डिफ्लेक्शन झाल्याचे अंपायरच्या लक्षात आले आणि त्यांनी नाबादचा निर्णय कायम ठेवला. अंपायरच्या निर्णयावर गिल अजिबात खूश नव्हता. चेंडू थेट त्याच्या पॅडला लागला, असे तो म्हणाला. त्याने तात्काळ अंपायरकडे तक्रार केली. त्यानंतर त्यांच्यात चर्चा सुरू झाली. बुमराहसुद्धा थोडा संतप्त दिसत होता. थर्ड अंपायरचा निर्णय वैध असतो आणि याच कारणामुळे गिल थोड्याच वेळात मैदानाबाहेर गेला. यामुळे टीम इंडियाने एक महत्त्वपूर्ण रिव्ह्यूसुद्धा गमावला. गिल आणि अंपायर यांच्यातील वादाचा एक व्हिडिओ आता सोशल मीडियावर व्हायरल होत आहे.
pic.twitter.com/EPOHfsyqSh — crictalk (@crictalk7) November 19, 2026
बऱ्याच कालावधीनंतर मैदानात परतलेल्या बुमराहने शानदार गोलंदाजी केली. त्याने कर्णधार टॉम लॅथमला सुरुवातीलाच शून्यावर बाद केले. न्यूझीलंडचा संघ सुरुवातीपासूनच दबावाखाली आला. बुमराहने डॅरिल मिचेल आणि टॉम ब्लंडेल यांनाही बाद केले. आकाशदीप आणि अंशुल कंबोज यांनीही सुरुवातीलाच प्रत्येकी एक विकेट घेऊन न्यूझीलंडचे कंबरडे मोडले. न्यूझीलंडचा निम्मा संघ ७० धावांत बाद झाला. पहिल्या दिवसाअखेर न्यूझीलंडने ८२ षटकांत ५ विकेट्स गमावून २४३ धावा केल्या.
Jay Shah: जय शाह यांना पुन्हा मोठी जबाबदारी! सलग दुसऱ्यांदा ICC चेअरमनपदी निवड