IND vs NZ 2nd T20: किती वाजता सुरू होणार भारत-न्यूझीलंडचे घमासान! कुठे आणि कधी पाहता येईल Live Streaming

IND vs NZ 2nd T20: भारत आणि न्यूझीलंड यांच्यातील पाच सामन्यांच्या टी-२० मालिकेतील दुसरा सामना शनिवारी (२४ ऑक्टोबर) क्राइस्टचर्चमधील हॅगली ओव्हलवर भारतीय प्रमाणवेळेनुसार दुपारी १२:३० वाजता सुरू होईल.

• पहिला सामना जिंकल्यानंतर भारताने १-० अशी आघाडी घेतली आहे

• मालिकेतील पहिल्या सामन्यात झालेल्या दुखापतीमुळे स्टार फलंदाज इशान किशन या सामन्यातून बाहेर 

• ईशानच्या जागी १५ वर्षीय वैभव सूर्यवंशी अंतिम ११ खेळाडूंमध्ये खेळण्याची शक्यता आहे

IND vs NZ 2nd T20: भारत आणि न्यूझीलंडच्या पाच सामन्यांपैकी रोमांचक टी२० सिरीजचा दुसरा सामना आज  शनिवार २४ ऑक्टोबर रोजी खेळवला जात आहे. दोन्ही संघादरम्यान हा सामना क्राइस्टचर्चच्या हेगले ओव्हल मैदानात रंगणार असून भारतीय वेळेनुसार दुपारी १२.३० वाजता हा खेळ सुरू होणार आहे. 

या सिरीजच्या पहिल्या सामन्यात भारतीय संघाने विजय प्राप्त केला असून सिरीजमध्ये १-० अशी आघाडी घेतली आहे. आता किवींची नजर हा सामना जिंकण्यावर असेल आणि सिरीज बरोबरीत पुढे नेण्यासाठी ते नक्कीच बाजी लावतील असा अंदाज आहे. पण भारतीय संघदेखील आपली पकड मजबूत करण्यासाठीच मैदानात उतरणार आहे. कधी आणि कुठे होणार सामना जाणून घेऊया

IND Vs NZ: आज नुसता राडा! Shreyas Iyer मोडणार रोहितचा ‘हा’ रेकॉर्ड? न्यूझीलंडविरुद्ध भिडणार

त्याच मैदानावर सामना 

सिरीजचा पहिला सामनाही क्राइस्टचर्चच्या हेगल मैदानातच गुरूवारी खेळला गेला होता. या रोमांचक खेळात न्यूझीलंडच्या संघाने पहिले फलंदाजी केली आणि २२६ धावांचा मोठा डोंगर उभा केला होता. या धावांचा पाठलाग करताना कर्णधार श्रेयस अय्यरच्या नेतृत्वात मैदानात उतरलेल्या भारतीय संघाने १९.४ षटकांमध्ये ६ विकेट्स गमावत २२६ धावांचे लक्ष्य पार केले होते. पण इशान किशनला झालेल्या दुखापतीमुळे भारतीय संघाला एक मोठा धक्का बसला आहे. 

ईशान किशन संघाबाहेर, युवा वैभव सूर्यवंशीला संधी मिळू शकते

यावर्षी टी-२० फॉरमॅटमध्ये भारताचा सर्वाधिक धावा करणारा फलंदाज ईशान किशन, दुखापतीमुळे दुसऱ्या टी-२० सामन्यासाठी निवडीकरिता उपलब्ध नाही. मालिकेतील पहिल्या सामन्यादरम्यान त्याला दुखापत झाल्याने तो शनिवारच्या सामन्यातून बाहेर पडला आहे. पंधरा वर्षीय वैभव सूर्यवंशी प्लेइंग इलेव्हनमध्ये त्याची जागा घेण्याची शक्यता आहे. 

वैभवने यापूर्वी २०२६ च्या आशियाई क्रीडा स्पर्धेतील सुवर्णपदकाच्या सामन्यात भारतासाठी उत्कृष्ट कामगिरी केली होती. तो डावाची सुरुवात करतो की तिसऱ्या क्रमांकावर फलंदाजी करतो, हे पाहणे उत्सुकतेचे ठरेल. दुसरीकडे, घरच्या मैदानावर प्रेक्षकांसमोर पहिला सामना गमावल्यामुळे न्यूझीलंड प्रचंड दबावाखाली आहे. किवी संघाने पहिल्या टी-२० सामन्यात मोठी धावसंख्या उभारली होती, परंतु त्यांना ती वाचवता आली नाही. कर्णधार मिचेल सँटनरच्या नेतृत्वाखाली, यजमान संघ या सामन्यात पुनरागमन करण्यासाठी सर्वतोपरी प्रयत्न करेल.

पोरं नाय ऐकणार, राडा होणार! IND Vs NZ भिडणार; Vaibhav Suryvanshi ला संधी मिळणार?

कुठे आणि कधी पाहता येणार सामना 

भारतीय वेळेनुसार हा सामना दुपारी १२.३० वाजता सुरू होणार असून सामना सुरू होण्याच्या ठीक ३० मिनिटे आधी, दुपारी १२:०० वाजता नाणेफेक होईल. भारतात, या रोमांचक सामन्याचे थेट प्रक्षेपण शनिवारी सोनी स्पोर्ट्स नेटवर्कच्या सोनी टेन १ आणि सोनी टेन ३ या वाहिन्यांवर केले जाईल.