Gurnoor Brar Ruled Out From ind vs nz 5th ODI
भारतीय संघाने एकदिवसीय मालिकेत उत्कृष्ट कामगिरी केली असून २-१ अशी आघाडी घेतली आहे. पहिल्या तीन एकदिवसीय सामन्यांनंतर भारतीय संघात बदल करण्यात आले आणि चौथ्या सामन्यात संघाला मोठा पराभव पत्करावा लागला. आता पाचव्या एकदिवसीय सामन्यापूर्वी भारतीय संघासाठी एक वाईट बातमी समोर येत आहे. न्यूझीलंडविरुद्धच्या मालिकेत सर्वाधिक विकेट्स घेणारा गोलंदाज गुरनूर ब्रार अंतिम सामन्यातून बाहेर पडला आहे.
भारत आणि न्यूझीलंड यांच्यातील पाचवा एकदिवसीय सामना १५ नोव्हेंबर रोजी बे ओव्हल स्टेडियवर खेळला जाईल. बीसीसीआयने अधिकृतपणे जाहीर केले आहे की, गुरनूर ब्रार पाचव्या एकदिवसीय सामन्यासाठी उपल्ब्ध असणार नाही. याशिवाय, निवड समितीने गुरनूरचा कसोटी संघात समावेश केला आहे. न्यूझीलंडविरुद्धच्या दोन सामन्यांच्या कसोटी मालिकेत गुरनूर कुलदीप यादवची जागा खेळणार आहे. त्यामुळे, गुरनूर पाचवा एकदिवसीय सामना खेळू शकणार नाही. तो आता कसोटी संघात सामील होईल आणि दोन सामन्यांच्या मालिकेची तयारी सुरू करेल.
बीसीसीआयने आपल्या निवेदनात स्पष्ट केले आहे की, अंतिम एकदिवसीय सामन्यासाठी गुरनूर ब्रारच्या जागी कोणताही बदली खेळाडू असणार नाही. पाचव्या एकदिवसीय सामन्यासाठी निवडीकरिता केवळ १४ खेळाडू उपलब्ध असतील. गुरनूरने आतापर्यंत ३ सामन्यांमध्ये ९ विकेट्स घेतले आहेत. आता, पाचव्या आणि महत्वाच्या सामन्यात कोणता खेळाडू गुरनूरची जागा घेणार हे पाहणे महत्वाचे ठरेल.
भारत आणि न्यूझीलंड यांच्यातील दोन सामन्यांची कसोटी मालिका १९ नोव्हेंबरपासून सुरू होणार आहे. पहिला सामना वेलिंग्टनमध्ये खेळला जाईल. त्यानंतर दुसरा सामना २७ नोव्हेंबरला क्राइस्टचर्चमध्ये सुरू होईल. भारतीय संघाने काही दिवसांपूर्वी या मालिकेसाठी आपला संघ जाहीर केला आहे. परंतु, त्याआधी भारतीय कसोटी संघात बदल झाला आहे. कुलदीप यादवला वगळून गुरनूर ब्रारचा संघात समावेश करण्यात आला आहे.
श्रेयस अय्यर (कर्णधार), रोहित शर्मा, विराट कोहली, तिलक वर्मा, ईशान किशन (विकेटकीपर आणि उपकर्णधार), अक्षर पटेल, नमन धीर, आकिब नबी, ऋतुराज गायकवाड, अर्शदीप सिंग, कुमार कुशाग्रा (विकेटकीपर), मोहम्मद सिराज, कुलदीप यादव, यश ठाकुर.
.png "Videos"){kind=small}
