शनिवार, 14 नोव्हेंबर 2026
Deepti Sharma Won icc player of the month
दीप्ती शर्माला ऑक्टोबर महिन्यासाठी आयसीसीची महिला ‘प्लेअर ऑफ द मंथ’ म्हणून घोषित करण्यात आले आहे. झिम्बाब्वेविरुद्धच्या घरच्या मालिकेत केलेल्या उत्कृष्ट कामगिरीबद्दल तिला हा पुरस्कार मिळाला आहे. ऑक्टोबरमध्ये खेळल्या गेलेल्या टी-२० आणि एकदिवसीय मालिकांमध्ये तिने फलंदाजी आणि गोलंदाजी या दोन्हीमध्ये चमकदार कामगिरी केली.
दीप्तीने झिम्बाब्वेविरुद्ध दोन्ही फॉरमॅटमध्ये एकूण सहा सामने खेळले. यामध्ये तिने एका शतकाच्या मदतीने १५५ धावा केल्या आणि सात विकेट्स घेतले. रायपूर येथे झालेल्या टी-२० मालिकेतील पहिल्या सामन्यात दीप्तीने धडाकेबाज ४९ धावा करून भारताच्या विजयात महत्त्वाची भूमिका बजावली.
तिने टी-२० मालिकेतही दोन विकेट्स घेत भारताला झिम्बाब्वेविरुद्ध क्लीन स्वीप करण्यास मदत केली. दीप्तीने एकदिवसीय मालिकेतही हाच फॉर्म कायम ठेवत पहिल्या सामन्यात दोन विकेट्स घेतले. तिने दुसऱ्या सामन्यात जबरदस्त कामगिरी केली. तिने या सामन्यात आपले दुसरे एकदिवसीय शतक झळकावले आणि दोन विकेट्स घेतले. या ऑलराउंडर कामगिरीसाठी दीप्तीला पुरस्कार मिळाला आहे. यापूर्वी, दीप्तीने डिसेंबर २०२३ मध्ये ‘आयसीसी प्लेयर ऑफ द मंथ’ पुरस्कार जिंकला होता.
आयसीसी ‘वुमेन्स प्लेयर ऑफ द मंथ’ पुरस्कार जिंकल्यानंतर दीप्ती शर्माने आपला आनंद व्यक्त केला. ती म्हणाली की, ‘आयसीसी ‘वुमेन्स प्लेयर ऑफ द मंथ’ पुरस्कार जिंकल्याचा मला खूप आनंद आहे. झिम्बाब्वेविरुद्धची मालिका संपूर्ण संघासाठी खूप चांगली होती आणि मला युवा खेळाडूंच्या कामगिरीचा अभिमान आहे.’
पुरुषांच्या गटात, दक्षिण आफ्रिकेचा अष्टपैलू खेळाडू मार्को यान्सेनला ऑक्टोबर २०२६ साठी आयसीसीचा ‘प्लेअर ऑफ द मंथ’ म्हणून घोषित करण्यात आले. या २६ वर्षीय खेळाडूने आपल्या कारकिर्दीत पहिल्यांदाच हा प्रतिष्ठित पुरस्कार पटकावला आहे. पाकिस्तानचा अराफत मिन्हास आणि वेस्ट इंडिजचा शाई होप हे देखील या पुरस्काराच्या शर्यतीत होते, परंतु जॅनसेनने त्या दोघांवरही मात केली.
Ans: दीप्ती शर्माला ऑक्टोबर २०२६ साठीचा ICC Women 'Player Of The month' पुरस्कार मिळाला आहे.
Ans: दीप्ती शर्माने आपल्या कारकिर्दीत दुसऱ्यांदा हा प्रतिष्ठित पुरस्कार जिंकला आहे.
Ans: झिम्बाब्वेविरुद्धच्या टी-२० आणि एकदिवसीय मालिकेत तिने सहा सामन्यांत एका शतकासह १५५ धावा केल्या आणि सात विकेट्स घेतल्या.
